¹ Lomba kyali ni ku Ikonyamu uko Paulo na Banaba kabangila pamo mu ma shinagoge ya mu Juda ne kulabila munshila iyakwe abati ibumba ilikulu bonse ilya ba Juda ne ba Giliki ne kusumina . ² Lomba aba Juda abo aba kulengulula kabemya utulango twa bena fyalo neku lenga uku fitilwa abalongo babo. ³ Sombi kabekalako impindi itali , ukulabila ka shipile na makosa aya ba Shikulu , ili alimupela ifishinka pa mashiwi ya nkumbu . Alikitilefi mukupela ifishibilo ne fya kukankamika uku kitwa ne minwe yakwa Paulu na Banaba . ⁴ Lomba abantu ba mumushi balyankanikile ; ulubali umbi lwa ba Juda , na kumbi kwaba tumwa. ⁵ Bonse abena fyalo ne ba Juda (pamo ne ntungulushi shabo) kabesha uku bamanika ne kuba toba amabwe . ⁶ Lomba bwangu bwangu ili ba umfwile pali fi , kababutukila ku Lukaonya umushi waku Lustala na ku Dabe nakumitala iyashingulukile, ⁷ kulya batwalilile ukutubisha amashiwi ayaweme. ⁸ Ku Lustala umuntu umo kaikala , ukwakubula amakosa pamolu ya kwe ikilema ukufuma munda ya inakwe , uyo taendelepo . ⁹ Uyu muntu ka umfwa Paulu kalukulabila . Paulu katontomeka amenso pali ye ne kumona ikiketekelo kyakwe ikyo a kwete ikyaku mulenga ukubabwino. ¹⁰ Penka ali mwebele mwi shiwi ilikulu, '' Imakana pamolu obe .'' Penka umuntu ka kiluka peulu ne kwenda ne kushinguluka. ¹¹ Ili amabumba yamwene ifi Paulo akitile kabemya amashiwi yabo , ne kulabila mumalako waku Lukaonya , '' Tulesa twa ba koti bantu ne kwisa panshi kuli fwebo.'' ¹² Penka balitile Balaba ''Seu,'' na Paulo ''ati ni Elime ,'' pakuti ali uwa kushimika umukulu . ¹³ Umupapatilishi wakwa Seu , uyo itempele lyakwe lyali pe sonde lya mushi , aliletele ngombe ne finsokoni ku mulyango , ena ne bumba balikufwaya ukupela umulambo. ¹⁴ Sombi ili abatumwa , Banaba na Paulo , baumfwile fyo , kabatabala ifya kufwala fyabo bwangu bwangu ne kukilukila mwibumba , ne kubilisha ukukulu , ¹⁵ ''Mwe bantu , nikindo mulikichilefi fintu ? Nafwebo tuli bantu , ne kupolana muli fyonse koti ne myebo . Tuluku myebeni amashiwi aya weme ukwebati mufumeko kufyalukoso ne kwalulukila kuli ba Lesa ba mweo , uwapangile ameulu , ne kyalo , ne kishiba , na fyonse ifilimo. ¹⁶ Mu myaka yakale , ali suminishe abamikoka yonse ukwenda munshila shabo abene . ¹⁷ Nanga be fyo , taba ikele ukubula imboni , pali ikyo alikitile ikiweme ne kumipele mfula uku fuma kwiulu ne mpindi yabusomboshi iweme , ukwisusha imitima ne fyakulya ne kusangalala.'' ¹⁸ Nayaya amashiwi , Paulo na Banaba kaba sanga ukwalikoso ukubatulila amabumba kuku batulila imilambu shabo. ¹⁹ Pakuti bambi aba Yuda aba fumine ku Antioke naku Ikonya balishile bali lyalulwile bumba . Balimulashile Paulo amabwe ne kumukumwina pesonde lya mushi , ne kulanguluka ati afwa. ²⁰ Sombi ili abasambile ba imakene ne kumushinguluka , ali bukile ne kwingi;a mumushi. Ubushiku ubwakonkelepo alile ku Dabe na Banaba . ²¹ Popele apo panuma ya kutulisha ikyebo ikiweme muli ulya mushi neku ba lula abasambile , balibwelele ku Lustala , naku Ikonya , naku Antioke . ²² Kabili batwalilile ukukoselesha imyeo yaba sambile ne kuba kosha ukwebati benga twalilila mu busumino , ukulabila , '' Tufwile twaingila mu bufumu bwaba Lesa ukupitila mukumpeshiwa.'' ²³ Eli babasontele bakulu mu makelesha onse , ne kutembela neku shisha , bali pele kuli ba Shikulu , mulibo emo baketekele . ²⁴ Balipitile mu Pisilya ne kwisa ku Pamfulya . ²⁵ Ili ba batulishe amashiwi mu Paga , penka bali kunkulukile ku Atalya . ²⁶ Ukufumako balingile mubwato ne kuya ku Antioke , kuya eko ba lilundileko ku bupe bwa ba Lesa kumulimo uyo ba pwishishe . ²⁷ Ili ba fikile ku Antioke ne ku bunganika ikelesha pamo , kaba shimika fyonse ifyo ba Lesa ba kitile bo , ne fyo ba besulwile ikibi ikya kuketekela kube fyalo. ²⁸ Kabekala impindi ikulu ne basambile.