¹ Paulu, intangishi yaba Kilishitu Yesu ukupitila mukufwaya kwa ba Lesa, ukulingana ne kulaya ukwa mweo uyo uli muli ba Kilishitu Yesu, ² Kuli Timote, umwana wangi ntemenwe: Uluse, inkumbu, ne mutende ukufuma kuli ba Lesa Taata na ba Kiishitu Yesu ba Shikulu besu. ³ Ndikutota ba Lesa, abo mpyungila ukutatika kuli baWishifwe, ne milangwe iswetelele, Ili mwanuka lyonse mukulomba akasuba ne bushiku. ⁴ Ili ndukulanguluka iminsoshi yabo, ndukufwaishako kukubona, ukwabeti nkesule ne kusangalala. ⁵ Ili bandagulushako kukuketekela kobe ukwinenene, uko ukwaikele pakutanga muli ba Loisi bakapa bobe ne muli banoko ba Yunike, kabili ndunasumina ukwebatikikale na muli mwebo. ⁶ Nipali kikyo ndukumyanusha ukwebati mwingasha impese yaba Lesa iyo ili muli mwebo ukupitila pa kubikapo iminwe yangi. ⁷ Pakuti ba Lesa baba tupelepo umpashi uwamwenso, sombi uwa makosa ne wa kutemwa kabili ne wa kukengesha. ⁸ Penka mwiba ne nsoni pa bumboni ubwapali ba Shikulu besu, neli ubwangi nemo, Paulu, ne Kaili wabo. Ni pakuti, kwakanishiwa mukupengela ikyebo ikiweme ukulinga ne makosa ya ba Lesa. ⁹ Niba ba Lesa abatupulwishe fwebo kabili ne kutwita ne kwita ukuswetelele. Balikitile ifi, tekulinga ne milimo yesu, Lomba ukulinga ne kutantika ne nkumbu shabo. Kaba tupela fwebo ifi fintu muli ba Kilishitu Yesu ili impindi tashinga tatika. ¹⁰ Lomba bukumo mupulusha kwa ba Lesa kulibonekele pakuboneka kwaba kupulusha besu ba Kilishitu Yesu. Niba Kilishitu abaishilishe imfwa ne kuleto mweo uyo utaushilapo kukutuba ukupitila mukyebo ikiweme. ¹¹ Ni pali fye fyo, nali salilwe ukuba ni ntangishi, uwa kutulisha kabili umusambishi. ¹² Nipa mulandu wa paliki na nemo ndukusomenwa nafifi fintu. Lomba nshili uwa nsoni, pakuti ndishe abo aba nketekelemo. Kabili na sumina ukwebati bali ne makosa akulama iki nabapele ukufika naku kalya akasuba. ¹³ Ikatisheni akeshibilo mashiwi ayekosele ayo mwaufwile kuli nemo, mukuketekela na mubutemwe ubuli muli ba Kilishitu Yesu. ¹⁴ Ikintu ikiweme ikyo ba Lesa bapele webo, ulukukilama uwikala muli fwebo. ¹⁵ Ulikishi iki, ati bonse abo abekala mukyalo kya ku Asya bali mfutachile nemo. Muli lili bumba emuli aba Fugelo ne Elimogene. ¹⁶ BaShikulu ngaba titilenkumbu aba muñanda yakwe Onesifolo, pakuti ali kuntendulusha nemo kabili ta baba ne nsoni pakuti pa minyololo yangi. ¹⁷ Sombi, ili ati mu Loma, alikumfyaya fwaya mukunkonsha nemo, kabili ali nsangile nemo. ¹⁸ BaShikulu na ba mupele ye ukusanga inkumbu ukufuma kuli ye pali kalya kasuba. Mu nshila shonse isho ango fwele nemo ku Efesa, ulishi bwino.