¹ Penka nafwa kulubali kwebati shakense kuli mwebo kabili muku peshiwa kwa kusembululwa. ² Nga namilengela ukusomenwa, nani wenga kanda kani weka wakindengela ukusomenwa? ³ Nali lembele fwenka nakitile kwebati ili naisa kuli mwebo nenga patwa kulibabo abenga lenga nemo ukusangalala, Naketekela mwebo isangalashangi shimo ne shenu. ⁴ Pakuti nalemba kuli mwebo mukumanama, no mutima wabulanda ne misoshi. Kabinakana ukunulenga ukusomenwa. Mumupunda, nafwaya mwebo mwishibe ubukulu bwabutemwe kwente. ⁵ Nga umo wamilenga ukusomenwa, Ninemo alenga ukusomenwa. Mushila imbi talikinkoko kuli mwebo bonse. ⁶ Ukumanikwa kwaulya muntu pa bwingi bwa bantu. ⁷ Lomba takiwemepo ukumanikwa, mulukuketekela nokuli kwasha. Kiteni iki kwebati mweba nobulandu ubwingi. ⁸ Namikambisha kumwenesha ukutemwa kuli ye. ⁹ Pano iki ekyalenga nemo kulemba kwebati myeshe nokwishiba kani muli ba kufwila muli fyonse. ¹⁰ Nga mwalekela umo, Na nemo namulekelako, ifi nalekela ulya muntu. Ifi nalekelako - nalekelako ifili fyonse - nafilekela pamulandu wenu mukyeni kya ba Kilishitu. ¹¹ Ni pamulandu wamulwani satana akatubepa, Pantu totwishibapo imilanguluko yakwe. ¹² Umulyongo kaisulwa naba Shikulu ili naishile kmushi wa Troas ukutulisha amashiwi aya weme yaba Kilishitu kulya. ¹³ Shalilo nokutina mumupanshi pakuti sha sangile umulongo wangi Titashi kulya. Penka kabasha nokuya kuMesondonya. ¹⁴ Nduku santa kuli ba Shikulu, Abali niba Kilishitu lyonse balatutangilila muli bukine. Ukupitila muli fwebo balafisulula ukutobala ukubula kalango nolibo monse. ¹⁵ Pakuti muli ba Shikulu tuli abaweme aba mulimo waba Kilishitu, kuli bonse abapulukile naba tukonaika. ¹⁶ Kubalukonaika, nabalukulaba kufuma kulufu na palufu, kuli babo abapuluka, tabalukuluba kubaminaku bumi. Nani ulemene kulifi? ¹⁷ Tatuli kwati nibabo abantu abashitisha ikyebo kyaba Shikulu mukusanga ubumboni. Pakuti kutuba kwa minbo tulabila muli ba Kilishitu, ifyo twatumwa kuliba Shikulu, kumenso yeba Lesa.