¹ Paulo, umutumwa waba Kilishitu Yesu ukulingana kumikambisho yaba Shikulu aba kupulusha naba Yesu Kilishitu ba Yesu aba kuketekela, ² kuli Timote, kumwana wakishika mulwitabilo: kuluse, nakulusa nomutende ukufuma kuli baShikulu bawishifwe naba Kilishitu Yesu ba Shikulu. ³ Fyenka namikambisha mwebo ukukinta ili nalakumisho ku Makedonya, ukushala mu Efesa kwebati mwingakambisha abantu bambi ukwebati benga sambisha ifipuseneko kumafunde. ⁴ Nangu twingapana ukufwisha ifishimi neli ifya kupelako mukifyashi. Ifi filaleta ukupacika nokukilapo bukalama bwa ba Shikulu, pa lwitabilo. ⁵ Pano ukufikapo kwamikambisho kutemwa ukufuma mumutima, u-uswetele ukufuma mukalango akaweme, nokufuma mukulikefya kwa lwitabilo. ⁶ Bamo abantu baya mukuluba ukufuma mulifi fintu kabili nokwalukila kukupunama kwandabililo. ⁷ Balukufwaya ukuba abasambishi ba mikambisho, lomba tabofwapo ifyo balabila nangu ifi baketekela ukufwaya. ⁸ Lomba tulishi kwebati imikambisho iweme kuli uyo ulikubofya bwino. ⁹ Twaishiba kwebati, Imikambisho taikalileko ku bantu abaswetele, lomba kuli ba pulamu Mafunde naba kufutuka abakufutuka nabaseshi nebifi, nakuli babo abatabali abaswetele nokuli kanya. Pakuti kuli babo balepaya bawishibo naba nyinabo, natupondo, ¹⁰ pakuti abacecemeshi bwa bantu, naba kinta bucecemeshi, kwakulyupa umwalalume nomwalalume nangu umwanakanshi, kuli babo abekanta abantu kubusha, kubabufi kubonisha bufi nakuli fyonse ifi lengulwile mukusambisha. ¹¹ Ubu busambishi kulinganya nokutulisha kwakyembo kuli baShikulu ababikilwepo kulibo aba ketekele. ¹² Ndukubatota ba Kilishitu Yesu ba Shikulu. Abankoseshe nemo, ukuba nemo mulwitabilo, nokubikwapo ukupyunga mumulimo wakwe. ¹³ Nali wakufufya, nokwipaya, nobundeta milandu. Lomba kupokelela ulusa pakwebati nali muli bubulwa ukusumina. ¹⁴ Nalusa lwaba Shikulu lwaliponene nolwitabilo nobutemwe ubuli muli ba Kilishitu Yesu. ¹⁵ Aya mashiwi yakishika nokupwilika kuli babo abapokelela, kwebati ba Yesu Kilishitu balishile mukyalo ukupulusha ibifi. Ndi umo ukililepo pali babo. ¹⁶ Lomba pali uyu mulandu nalipelwe ulusa, kwebati muli nemo, ukumona, Kilishitu ukuli mwenesha monse mukutekanya. Alikitilefi ukuba ikyakumwenako kuli mulibo abasumina muli ye ukuba mweo. ¹⁷ Pano kufuma yafikolwe, nabukine, baShikulu, bakindikwe nolukumo inshiku shonse akalilile. Ameni. ¹⁸ Ndukubika uyu mukambisho kuli mwebo, Timote, umwana wangi, mukulingana ne nokwaula ukupitile kwalengelwe pali mwebo, ukwebati mulwe ubulwi ubuweme, ¹⁹ ukwikata kulwitabilo nakalongo akaweme. ²⁰ Nokulukukana ifi, bamo nalufya ulwitabilo. Penka aba Umenayo na Alecisanda, uyo u-wakwatwa kuli satana ukwebati benga bulwa ukubula ukutufya.