¹ Kani umo muli mwebo ali ne milandu ne mubyakwe, enga fwayo kuya ku mushilo wa bakubulo kulungama nangu kumenso abantu ba mushilo aba ba Lesa? ² Mulishi ati abantu ba mushilo aba ba Lesa bakapingule kyalo? Lomba kani mukapingule kyalo, ³ Tamwingekalika ifintu fya mutunini utu kindeme? Tamwishibile ati tuka pungulila ba Malaika? Nifinga ifintu ifingi, kanshi, twenga pingule fintu fya uyu mweo? ⁴ Apo kani muli kupango bupingushiubwa mubwikalo bwa pa bushiku pa bushiku, nindo mwebo mubikile kotinishishi milandu kuba ati ni fifi kulitabanga abali ne kubulo kwimakana mu makelesha? ⁵ nalabilefi ku nsoni shenu. Tamulipo neli umo muli mwe uli ne kalango akengi mu mwikalike amapata pakatika ba kwanu? ⁶ Lomba umo umukwanu kaaya mumidhilo ukwimakanino mukwabo - kabili ifi fya kumenso abakubulo kusumina! ⁷ Ikyakine fya kwebati muli ne mishilo shimo na umo ne mubyakwe ifili kale ku kimfya kwenu mwebo. Nindo temuti mube apakuli kupenga mu filubo? nindo tamwinga suminishisho ku bepwa? ⁸ Lomba mwebo mwebene mula kite fibipile kabili mulabepa, kabili mula kite fi kuba kwanu abenu! ⁹ Mulishi ati ababifi tabaswanepo ubufumu bwa ba Lesa? Mwetupaikwa. Aba bukende, abakupupola tulubi, bakilalelale, abalalume ba bukende, abo abakita ukupana abalalume ne balalume. ¹⁰ Abañgo, Aba kulitemwa, abakupendwa, abamwenga ne kulyefya lukoso - Nangu umo palibo uukaswa no bufumu bwa ba Lesa. ¹¹ Efifyo bano muli mwebo bali. Lomba mwatubishiwa, ba mishilika, mwabingishiwa mwishina lya ba Shikulu ba Yesu Kilishitu nakumupashi waba Lesa wesu. ¹² '''Fyonse fya mushilo kuli nemo,'' Lomba tali fyonse fyansubo.'' Fyonse fya mushilo kuli nemo,'' Lomba nemo nshika tangiliwapo nangu ni kuli kimo pali fifyo. ¹³ ''Akalyo kamukipumba, kabili ne kipumba kya fya kulya fibili. Umubili tabaulengele wabukende yowo, pakuti, umuwa ba Shikulu, naba Shikulu bakaubweno umubili. ¹⁴ Ba Lesa kaba babusha bonse babili na ba Shikulu nabo bakatwimya fwebo peulu ku makosa abo. ¹⁵ Mwebo tamwishipo ati imibili shenu filundwa fya muli ba Kilishitu? Kanshi nenga fumyapo fimo ifilundwa fya ba Kilishitu ne kufilunda fyo kuba bukende? Takingabe fyo yowo! ¹⁶ Mulishibile ati iyeo uli lunjile kuli nkende alaaluka mubili umo naye? Koti abalembo alabile, ''babili bakaba munefu umo.'' ¹⁷ Lomba uyo ulilunjile kuli ba Shikulu alaba mubili umo nabo. ¹⁸ Mutukeniko mufumeko kufya bukende! Bonse bumbi ububipisho ubo muntu akita buli pesonde lya mubili, Lomba umuntu wa bukende alabifya pa mubili wakwe umwine. ¹⁹ Tamwishipo mwebo ati umubili wenu litempele lya mupashi wamushilo, uyo uwikala mukati muli mwebo uyo uyu mulinakwe ukufuma kuli ba Lesa? ²⁰ Twamwishipo ati tamuli mwebene? Pakuti mwebo kamushitwa ne mutengo. Fyenke fyo Lemyeni ba Lesa ne mubili wenu na mumupashi wenu, uyo uli waba Lesa.