¹ Ifi efyo untu alingile kutulangulukilako, kwati mupyungishi waba Kilishtu na bukalama bafifiseme ifishinka fya ba Lesa. ² Lomba nifindo ifiwaikwa bakalama iflyo ifyasangilwe ifyo fikilamo ikishinka. ³ Pakuti kuli nemo kintu ikinini ifyo mfwile ukupingulwa kuli mwebo nangu kukilye kya milandu ikya bantu ikili kyonse. Pali fifyo tekuti njipingule ne mwine. ⁴ Nshishipo ubupingushi ubo babika pali nemo. Pakuti nshi labile ukwebati nshikwete umulandu. uwakumpingula ba Shikulu. ⁵ Pakuti pali fyefyo tekuti muputule umulandu pafintu ifili fyonse papindi, ili ba Shikulu tabangesa bakaleta aatubile ifintu ifi fisamikile ifyamu mfinshine kusokolola ukufwaya kwa muchima, penka umo akapokele ifya kumulemya ukufuma kuli ba Lesa. ⁶ Bukumo, mwebakwasu, Nalitentulwila ne mwine na Apolosa pamo pamulandu wakwe mwebo, ukwebati kuli fwebo mwebo musambilile ukulumbulula uku labila, ''Mwelukupulaisha pafyo lembelwe, iki nipakuti tapalipo muli mwebo uwakulitota mukutundaika umo ne kukanina umbi. ⁷ Kuli nani uwakubona ubupusano pakati kabo ne babyobe? Nifindo ukwete ifi tawapokele? Nga uli kipokele, nindo ukolitotela kwati tawakipokele? ⁸ Mulikwete kale ifyo mufwaya! mwaba kale abanonshi! Mwalitendekele ukutangilila kabili akatelamukila ukufuma kuli fwe: kine, ndeketekela mwali tangilile, ukwebati twinga tangila na mwebo. ⁹ Lomba ndelanguluka ba Lesa batubiko abatumwa pakutelangisha ukuba abakupelako pamulongo. Kati bantu abasangwa ne mulandu uwamfwa. Twaba kimonwamonwa mu kyalo - kwiba malaika, na ku bantu. ¹⁰ Tuli abatumile pamulandu waba Kilishitu, pakuti muli abamano muli ba Kilishtu tuli abanakile, lomba muli aba kosele. Mwebo mulilemene, pakuti mwebo mulikatilwe mubuleme, lomba fwebo tulikatilwe mukubula ubuleme. ¹¹ Ukufika na pali ino pindi tuli ne nsala ne kilaka, twafwikwa ne fyabukyushi tulapumwa, ne tatukwepo apakwikala. ¹² Tulabombesha, ukubomba ne maboko esu, anga batweba umwenga, tulapala, nga batupata, tulashipikisha. ¹³ Nga twabepelwa, tulalabila mukutekanya, twaba kwati finangwa ifya mukyalo ne bafiko mufintu fyonse. ¹⁴ Nshilembele ifi fintu mukumilengeshe nsoni mwebo lomba ndukumikengesheni mwebo kwebati abana abo ntemenwe. ¹⁵ Nangu uli ne myanda amakumi ikumi abalamishi muli ba Kilishitu, tamukwete baWishinwe abengi Pakuti nalishile kuba Wishinwe muli ba Kilishitu Yesu ukupichila mu kyebo. ¹⁶ Ndukumipapatileni mwikale abakunkonka nemo. ¹⁷ Ekyo namitumina mwebo Timote, umwana wangi muli baShikulu umutemwe wakishinka. uwakumya musha mwebo inshila yangi muli ba Kilishitu, fyenka fyansambisha konse mumakelesha monse. ¹⁸ Lomba bambi mwaba aba kulitota mukokita kwebati nshikesa kuli mwebo. ¹⁹ Pakuti ndeisa kuli mwebo bukumo, nga ba Shikulu basuminisha. Eli nshakeshibe amashiwi ya balya abalitota, lomba nkabona amakosa abo. ²⁰ Pakuti ubufumu bwa ba Lesa tabuli mfyebo sombi mu makosa. ²¹ Mulefwaye ndo? Nkese kuli mwebo ne kasako nangu ne butemwe kabili ne pashi uwakunakila?