¹ Paulo, uwaitilwe kuli ba Kilishitu Yesu ukuba umutumwa mukufwaya kwa ba Lesa, na Sosten umukwasu, ² kwi kelesha lya ba Lesa ku Kolinto, abo abalipeleshe muli ba Kilishitu Yesu ne kwitwa ukuba abantu abaswetelele, pamo nababo bonse abali mu mitala abeta pashi lya ba Shikulu Yesu Kilishitu, abo abali ne ba Shikulu babo ne besu. ³ Uluse ne mutende nafibe kuli mwebo ukufuma kuli ba Lesa ba Wishifwe na ba Shikulu Yesu Kilishitu. ⁴ Ndakelwa kupela ukutota kuli ba Lesa bangi pali mwebo nipa kuti luse lwa ba Lesa ukwebati ba Kilishitu Yesu balipelwe kuli mwebo. ⁵ Bamilenga ukuba ababile muli fyonse, mumashiwi yonse kali na mualango monse, ⁶ Koti ni bumboni ubwa ba Kilishitu ifi bwa suminishiwa ati bwankine mukati kenu. ⁷ Fyopele fyo ta mubulishepo impesesha mupashi ili mulukukabila ukupembelela ukufisululwa kwa ba Shikulu Yesu Kilishitu. ⁸ Kabili nabo bakamilengeni ukuketekela ukwine ukufika na kumpelo, ukwebati mukaba abakubula umulandu pakasuba kaba Shikulu Yesu Kilishitu. ⁹ Ba Lesa ba kishinka, abo abamitile mumulimo wabana babo, ba Yesu Kilishitu ba Shikulu. ¹⁰ Bukumo ndu kumikumikombeteleni myebo, mwebakwasu, ukupitila mwishina lya ba Shikulu Yesu Kilishitu, ukwebati bonse mwitabe, kabili ati imipaka ikaba pakati kenu. Ndukumikombetela ukwebati mulukukumankona bonse pamo mu milangwe kabili ne kifiko kimo. ¹¹ Pakuti bali mbulile pafya mwebo, mwe bakwasu, kubantu bakwe Ciloe ati pali ukutosha mukati kenu. ¹² Ifyo ndukwebati: Mwebo mwense mulukulabila, ''Ndi na Paulo,'' Nangu'' ndi na Apolo,'' Nangu'' ndi na Kafasi,'' Nangu'' ndi na ba Kilishitu.'' ¹³ Kani ba Yesu ba lyakanishiwe? Kani niPaulo uwamitanikilwe mweo? Kani mwalibatishiwe mwishina lyakwe Paulo? ¹⁴ Ndukutota ba Lesa nshabatishepo neli umo pali mwebo bonse, kani lokoso Klispo na Gayo. ¹⁵ Iki kyalibele ifi ati neli umo angesa kulabila ati mwali batishiwe mwishina lyangi. ¹⁶ (Kabili nali batishe ne ba muñanda yakwe Sitefana. Ukulila po, nshishi bwino kani nali batishepo bambi). ¹⁷ Pakuti ba Kilishitu tabantumine mukubatisha lomba mukutulisha ikyebo ikiweme - talipo ne mashiwi ya kyengueshi, ukwebati umutaliko wa ba Kilishitu tawinga fumishiwapo amakosa yauko. ¹⁸ Pakuti amashiwi ya mutaliko kya kutumpa kuli babo abaleonaika. ¹⁹ Pakuti kililembelwe ati, ''Nkonaula amano aya babo abamano. Nkaba tumfya ukumfwa kwa ba kengeshi.'' ²⁰ Mba abamano abantu balipi? Mba alipi umulembeshi? Mba alipi uwa ba lesa kanshi taba slialwile amana a mu kyalo ukuba atumpile? ²¹ Pakutatu ka aba mukyalo taba beshibile ba Lesa, ba Lesa batemenwe ukuba pulusha abo abaketekele mukutumpa kwa kutulisha. ²² Pakuti aba Yuda balalomba utwishibilo utwa fya ifingelengwe ne ba Ela ba fwaya amano. ²³ Lomba tulatulisha ba Kilishitu aba talikilwe, ilibwe ilya kutituntulamo kuba Yuda ne kutumpa kwa bena fyalo. ²⁴ Smbi kuli babo abetilwe na ba Lesa, bonse pamo aba Yuda ne ba Ela, tulatulisha ba Kilishitu koti makosa ne mano aba Lesa. ²⁵ Pakuti ukutumpa kwa ba Lesa mano akulu ukukila napa bantu, ne kunaka kwa ba Lesa kukosa ukukila pa bantu. ²⁶ Lolesheni pakwitwa kwenu, mweba kwasu. Tamuli abengi muli mwebo mwali aba mano ukulingana nakumunofu. Twamwali abengi abakwete amakosa. Tamwali abengi muli mwebo aba fyelwe bwino. ²⁷ Lomba ba Lesa balisalile ifintu ifitumpile ifya mu kyalo kukulengesha insoni aba mano. Ba lesa balisalile aba nakile mu kyalo ukulenga nsoni abo aba kosele. ²⁸ Ba Lesa balisalile ifi pufiwe ne ifitumfiwe mu kyalo. kabili ba lasala ifintu ifi ifibonwa ifya lukoso, kukuleta ifintu ukabe ifya lukoso ifyo ifibele ifya buleme. ²⁹ Bali kitile ifi ukwebati tapapo umunofu akese kwikala ne kulitota kuli bo. ³⁰ Nipali fyefyo ba Lesa ba kitile, muli bubukumo muli ba Kilishitu Yesu, abo ababele na mano afumine kuli ba Lesa. Ba libele kulungana kwesu, ku sweteleele, kabili kulubuka. ³¹ Ati koti ni fyefyo,koti ni fyefyo kilembelwe, ''Lekeni uyo uli kulitota nga alitotele muli ba Shikulu.''