¹ E vós mortos nas vosas transgresións e pecados, ² nos cales andabades noutro tempo segundo a corrente deste mundo, conforme as potestades do aire, o espirito que agora opera nos fillos de desobediencia, ³ entre os cales tamén todos nós viviamos noutro tempo nas paixons da nosa carne, satisfacendo os desexos da carne, e eramos por natureza fillos de ira, o mesmo que os demais. ⁴ Mais Deus, que é rico en misericordia, por causa do grande amor co que nos amou, ⁵ ainda cando estabamos mortos nos nosos delitos, nos fixo vivir xuntamente con Cristo (por graza sodes salvados), ⁶ e con El nos resucitou, e con El nos sentou nos lugares celestiais en Cristo, ⁷ a fin de poder mostrar nos séculos vindeiros excedentes riquezas da súa graza pola súa bondade para con nós en Cristo Xesús. ⁸ Porque por graza sodes salvados por medio da fe, e isto non é de vós, senon que é don de Deus; ⁹ non por obras, para que ninguen se xacte. ¹⁰ Porque somos feitura súa, creados en Cristo Xesús para facer boas obras, as cales Deus preparou de antemán para que andivesemos nelas. ¹¹ Lembrádevos, entón, que noutro tempo vós os xentís no corpo, chamados incircuncisos polos da circuncisión feita no corpo por man humana, ¹² estabades separados de Cristo naquel tempo, excluidos da cidadanía de Israel, alleos aos pactos da promesa, sen enperanza e sen Deus no mundo ¹³ Mais agora en Cristo Xesús, vós, que noutro tempo estabades lonxe, fostes achegados polo sangue de Cristo. ¹⁴ Porque El mesmo é a nosa paz, o que de dous pobos fixo un, derrubando a parede medianeira de separación, ¹⁵ abolindo no seu corpo a enemizade, a lei dos mandamentos e normas, para crear en si mesmo un novo ser humano dos dous , establecendo así a paz, ¹⁶ e para reconciliar con Deus aos dous nun corpo por meio da cruz, matando nela á enemizade. ¹⁷ El veu e anunciou a paz a vós que estabades lonxe, e a paz aos que estaban perto; ¹⁸ porque por medio de El, uns e outros temos nosa entrada ao Pai mesmo nun mesmo Espírito. ¹⁹ Así pois, xa non sodes nen extranxeiros nen forasteiros, senon que sodes concidadans dos santos e sodes da familia de Deus, ²⁰ edificados sobre o fundamento dos apóstolos e profetas, sendo Cristo Xesús mesmo a pedra angular, ²¹ en quen todo o edificio vai crecendo ben axustado para ser templo santo no Señor, ²² en quen tamén vós sodes xuntamente edificados para morada de Deus no Espírito.