¹ Eteren ebope tamtori papouma jemaat ren Efesus titsop fenti alo ren et haet tapul en limlu betwi haet en mori maon sop salil aen enerer en limlu aedian emas haet. ² Yat yimnas penyek ube e sa fiawenwi feinar o ensampana afahie: Yat yofahie yat yimnas yibope ut tap tit atuahi tanirya tamtori-tamtori klori ebofupe ut aen adal eroe fendumat haet adete ebe tani rasul aenahi haet melmalse tap aenofape, ebofu ut aen ait aenfendumat adaltari. ³ Et utaenon atuahi sop omnas fetes enero enhaet yabehak sop ut tap omnas femori. ⁴ Aenahi aenahofa yat yahuk elas ut enhaet ut aen tanim afei ube serba haet enon mabe. ⁵ Behe haet fanggomum fe utaen warilon ut aen alot atuahi sop afeinar ero ensanahaet enmatan ut afei, aentap aenohofa, yat yaen yama yamibope sop yat yaen yaite aen dian ebe enero pelemat aenero ut tap ⁶ Aen ahofatit ae dian ebe enero pelemat aenero ut tap atuahi. Aen ahofatit haet aienon yammibope haet ut ahite penyeksehe afeinar atak aene-aene Nikolaus haet ema ahite. ⁷ Hame urenyam ateahaet oflaerer ensanpana haet esrak erer fanggomu omtu ebope jemaat-jemaat ut hanta etuok Et aen yurfiam atin aenon ai aenfiamat haet aenon en witilon Firdaus Arpames.

Ebope jemaat en Smirna

⁸ Et eterenon ebope tamtori papouma jemaat en Smirna entit fentialo enhaet matan enhenbiti haet aen aper sop enon ero arispar. ⁹ At yimnas endubar sa fetap semalse sop yamfe kobrause enro utsefa sop ahitri fendumat haet riadete tendir ya tamtori fendumat aenon jemaat foman. ¹⁰ Baen nela nenarim afei ebope ensanpana haet aenon ut fetes! Melmalse foman aen nanoknar tamtorilus aenero aenerema enwarilon kawalimu aenero yam adale sop yam aen aenreri endu fetap senam snafut waheto ateahari aen aurfian ebope haet torena enon mabe. ¹¹ Hambe aur aenyam atehaet aen oflae ensanpana haet en esrak fanggomu omtu ebope jemaat-jemaat Yamhanria mifarok ut tap aen femori ensanpana-ensanpana aenri enrerperwar haet rilu.''

Ebope Jemaat en Pergamus

¹² Ut ater aene bope tamtori papouma jemaat en Pergamus tit ebe fentialo, haet haet aien witilon haet matasop matalalu. ¹³ Yat yimnas en nihifa ut omnapar sihaet ento enpele torena foman sop ut tapul ebope yabe hak sop ut tap adaltar iman ube yat yibope uma tap matan Antipas yaboufri haet aenfia yebope haet pare aen tanirya yam enha foman onapar. ¹⁴ Aenahi Yat yabema lus eyorpar aenon ut en Yat enerer aenon rilus tamtori haet ritit aen wihi Bileam haet aurfri fentifia ebope balak ebe fetesmal tamtori Israel enofe fendumat tin urfri berhala sop afei fetes-fetes. ¹⁵ Aenofauma aenon yibope tamtori-tamtori ratopul rebope fentihaet fanggomu aifian Nikolaus. ¹⁶ Behe saet atuahi Aen tap aenahofa Yat yaen sisya yama ut yibope sop Yat aen sisyahe yomi yibope sop Yat yaen mela yatopar fri fendumat rilat witilon haet en yabe waryak fnoutit. ¹⁷ Hanta entilafnou et ema oflae ensanpana haet esrakri fanggomu omtu ebope jemaat-jemaat. Yamhanria afar ok yibope aen yaurfiam aenri mang yibope aen memimnar: Sop yat yaen yaufiam yibope fati fepamo haet enyatse riteren ham fafou haet tap omnas ero ut hanta lus ero hambe pelaur eroa

Ebope Jemaat en tiatira

¹⁸ Et eteren ebope tamtori papouma ren jemaat Tiatira tit Arpames Natunbe fentialo haet comana ofei ofe yafu melatano sop fe ae ofei ofeiofe tembaga: ¹⁹ Yat Yimnas penyek sehe ubeerseya fia aurfian saet ebeinam fia auren yam hofa yat yafastan yat yimnas hibofu ube erseya haet atuahi bobok sefe enonri bope haet matan. ²⁰ Henahi, Yat yohuk aelas ut renhaet ut afok pare mofni Izebel haet adete tanimal Nabia aurfri sop sahukri fendu-fendu yabe aenyam afei fetes sop anpana murfiam berhala. ²¹ Ut Yau haet yaurfu samo mat saet atuahi saet et eyorpar pe aluahi aen nafei ehla. ²² Arome ya sop yatepar et aen ranjangan tamtori mehal. Sop fendumat sop afe ehla rilat yat yatepar aen warilon pelefetes dwahemal, saet fendumat tap afar ri endu-enduhe amfendi saet. ²³ Saet abori-abori mat sop yatut prari sop penyek jemaat mat sop omnase boju Yau sae sop yatop tar-u atek warilon sop fituk afo tamtorimat sop hofa yau sop yaris pare ebope yamtatorimat atak aene endupela fei. ²⁴ Aeno fetit yebope yam utsop tamtori-tamtori malus ren Tiatira saet tap atak, aenne yisrak yam sop saet afiri ensampana fendumat riadete teluk-beluk foman ebope yama yam yisrak yam yat tap yabou yerfar fin endumafo lus ebofiam. ²⁵ Aenofetit ensanpana sop riainon ebofian tapul ahiyat yama. ²⁶ Sa hambe aturan mataa sop afei yabe erseya aendelyak ebope saet aurfian tapul aen fendu-fenduhe. ²⁷ Saet sop ut aar fendumat ritapul aitoti besi, fendumatmat sop aet aha annofe tembika rifeinar perak relat annofe so riturfe mam. ²⁸ Et ebope mam aur femim semiar betwi. ²⁹ Hambe aen tilimrau ut uma ofla ensanpana saet esrak enon fanggomu ebope re jemaat-jemaat."