¹ Paulus iferer fiamal,tomtu mal ratopul reswore Arpames natun tomtu be ehla,lafun timotius ribema fanggomu en tehe.Filemon,ritilut bohema ritilut rifei aesea, ² Sop lafun mofni to afia,ribe ma tilut,sop akipus,ema ribema ritok fentima,fendu mal ren limulon mat sae. ³ Oma teltili Arpames ifri,rebema ma,lap natun omtu Yesus Kristus.

⁴ yabema yen yasnaniau Arpames ebemen fanggomu en fefi yan mesou warilon. ⁵ Ef ofla yambe fanggomu sop serba mal mitte Tuhan Yesus sop tamtori amfendi fyori. ⁶ Yat mkesou yofei yam penyeksehe ifei bilu fanggomu etma sop en fanggomu hefi fenti fia ene rerbe Kristus. ⁷ Yat momblo yofei yat yodalu sop serba ube saet en yambe,fanggomu,lafuni amtori amfendi fia mbolri riferori.

Paulus ehime Onesimus

⁸ Iten fanggomu duahe Kristus warilon en warilon sop eyaari.Endu mal eyaari yam. ⁹ saet ebema serba fia.Sop yahim me pe ebema.yautit Paulus.Tomtu fehare en nofe tamtormal ridot reswore Kristus Yesus be ehla. ¹⁰ Yat yohimu pe yabe natun tifya Onesimus.Samomal yiten samoyen yisworen. ¹¹ Samo matan fetes mal se,ten maltit unduma fia.Endu mat fia feube feyau. ¹² yat yoarre yabema fitua afo arispar aer rama, ¹³ Yama mel mal pe yom nas yes sware las yai nun'u sop las yamu samo resworya fetifia. ¹⁴ Amap,riayarya yat yorpar peyafei,lahap riayarya yat yorpar peyafei endu-enduhe sop yaiferou endu mat peyafei.Endu mat yambe afeio endut lahap peyafei endu mal yabema yohautar. ¹⁵ Onesimus ebema ayorpar atu aofen tafun yam aturi tafun tai tero yai arispar ero aen sam senanse, ¹⁶ Et omo mat sae tap afei erseya,ofei elok fe lafun fia,lafukri undu mat penyekse,feyabema fe u buma.Yabema,ubema en tanim mana warili en Arpames warilon. ¹⁷ Ahimu pe amap relat tafei esra,tit Onesimus feyan matit yama. ¹⁸ Samo yat afelu ehla sao et afei ehla map tit yabe ¹⁹ yat paulus yabema yoter miayak sebne:Tafun yabe yaur fe.Tap yisrak endu es ube endu wurya.Yabe mayan yisrak behe. ²⁰ Yalafuk ri aien warilon Arpames.Ayat ifya fiamat ebe ifya,yomnas fitut afo uh Kristus. ²¹ Yat yohautar u ubema fanggomu yat yotak ainu,aiwa walimat yoter fu be yat yomnas tafun ube afei ube wifya mal se. ²² Samo mat saet afok par limuj mat mehlo tes yat yen yenfannu yat yenyen fanu mesou ubu yaafok pak ahil tap,yat yafok ahil ero.

Fia Mal Atut Ahi Tit

²³ Epafras,ema ritrilut ratopul reswore warilon Yesus Kristus,yabe yififia. ²⁴ Markus aris tarpus,Demas sop Lukas fendu mat ribema ren ra snanyak e. ²⁵ Ma teltil Tuhan rerbema Yesus Kristus omateltil erer penyeksehe.