¹ Sop waheto tes minggu tit saet waheto mat sae en orar mo pani mahe amfendi-amfendi mat munar Yesus be lipi sop rito rempa-rempa saet sop fendumat rerifan ni ² Saet fendumat riten fatidwahe Delyak rihak pare enlipi. ³ saet sop samo fendumat recil fendumat tapse riarome Tuhan Yesus Pare. ⁴ Saet fendumat Ren rapopa-rapopap nar saet endutit e omrakaha enenon lu tamtormal peisaro mayo opornar-opornar etuen-fenduma tendi fendumat tendi fendumat tedi lipur ya ⁵ Amfendi-amfendi saet nenari rie tut sop enon erer tamtor-tamtormal pare? ⁶ Et hitit tapse Et etiak delyak, Fanggomu afei hofa ensanpana et be pele esrak ebope saet yam menonihi galilea ⁷ Et esrak saet natun tomtumat ritop rifri morilalo afo,tamtori-tamtormat rifei ehla,enslatai saet sop etiakaha erispar saet waheto Toul,” ⁸ Saet amfendi-amfendi mat fanggo murifei samo Yesus esrak ⁹ Saet fendumat resrispar riu nar lipi Yesus.fendmat rasrarak e ofar tane peristiwa et ebope keseblasan rasul ripara ritaane Yesus sop rilus. ¹⁰ Amfendi-amfendi mat sop resrak e enduma et ebope para rasul enonfe Maria Magdalena, Yohan, Maria ibu Yakobes sop lus rima amfendi lus,” ¹¹ Sop fehaet esrak amfendi Amfendi mat tit radeldal tar ri saet para rasul saet fendumat tapsi snanyak ebope amfendi-amfendumat tit. ¹² Saet sop Petrus etu sop elof o Yesus belipiet empon sop eromen en warilon, saet momlofei sop popraptan en afo hofa afei ma

YESUS TANIFNAURI RIBOPERI RIATAAINE RARA RIUNAR EMAUS

¹³ Saet waheto tit umalu tamtormal ritaaene Yesus etiak desa hat Emaus saet enohkira-kira 60 stadia enos ao Yerusalem ¹⁴ Ellu tamtormat esrak enon penyek peristiwa saet enofe. ¹⁵ Saet fendunat tit renon reber sop cakap–cakap saet fraro rurfri fanngo inu, Yesus ehak, emal omap rarukse sop rirtilut fendumat. ¹⁶ Saet sop corimana fendumat fetapse endut enohofa fendumat tap rieilale Et. ¹⁷ Yesus esrak ebope Fendumat, ”Ensompanae yam Lu menmenesrak ren rarahe?” Erilu tamtori it sop etuihi saet ploen fendumat omarakaha sangat sedih. ¹⁸ Saet tomtues ren fendumat sop riki en Kleopas esarak Ebope ensanpana Et tes-tesmat fendumat remon sebe ren Yerusalem saet tapse omnase hofa sop ennofe en ihitit fofou-fofo tit?'' ¹⁹ Yesus esrak endat enohofa? ”Fendumat sop esrak et ebope,”enohofa Yesus en Nasaret,et ennohofa tamtumat nabi saet daen Kuasa esrak en warilon saet ofeinar Arpames lafuar sop aen cafuar penyek sehemim. ²⁰ Saet tafun rilus imam-imam dobri sop para urenimim murfri tit Et sop dihukum pare sop fendumat rehuen hlata . ²¹ Melmalfia mim menon U tit taoe etsop efok pare fendu Israel waheto tit waheto toul saet samo penyek sehe tit enon,”saet sop amfendumal rilus renerer mim. ²² Saet rofnaliem saet fendumat renlus riu narlipi omrarmo pani mahe enihi. ²³ Fendumat tapse riaoriarome YESUS pare sop fendumat ries rispar sop esrak ri hofa fendumat saet riromfeen Yesus pare samo fendumat resrispar sop riesar hofa saet mirome tani ofna uwi malaekat malaekat sop resrak hofa et wenon ²⁴ Saet rilus renne mian reaop lipi sop riaro ne riren sop riesrak e amfendi-amfendi rit sop fendumat tapse arome Yesus,” ²⁵ Saet Yesus esrak ebope fendumat, ”Oh saet sop yam men parfo fitum afo saet enenmelaetopar penyek senep entohe sop esrak en paranabi. ²⁶ Baennela Kristus haru onase femar moritit ehilok en sop warilon Fiamalise.'' ²⁷ Saet Yesus Esrak rifia penyek entes sop eteren warilon Aiwalifa, annotetanimal afei aen aiwai Musa ata ahi penyek sehe aiwali para nabi. ²⁸ Saet fendumat delayak en rarukse desa Emaus Yesus salillimblahe seakan-akan tafum aitaomblahe salinao. ²⁹ Saet sop fenakinat afastane et sop esrak, ”Ainon ritilut mim saet waheto delyak rarukse pani sop fro edarisyo pele esrak samo Yesus ehilok et enon ritilut fendumat. ³⁰ Saet sop Etiakaha ritilut fendumat ren mejapana, Yesus it roti sop memberkati,tit eryak-eryakmar sop urfrima bope fendumat ³¹ Saet sop corimana fendumat rahafok sop fendumat reilale Yesus samoenonrakaha-omrakaha Yesus ofilnariten carifu fendumat ³² saet sop esrak rifendumat tesrilus,”Benfiluk afo mim. Serba-serba saet tit esrak saet mim maenfia mimahenei sop saet et esrak ferinar Awali Fia ebope mim?'' ³³ Samo watit yom fendumat sop erispar ao eyerusalem eroini keseblasan nature sop tamtormal-tamtormal sop ritilut rikien-rikien. ³⁴ Natunri-naturimat sop resrak,”TUHAN melmal delyak witiak sop Tanim ofnalie simon ebope ³⁵ Lu mitaone sop a map esrake Ensanpana aen afei warilon fendumat rabenei fendumat enes srak pe endumat aen nohofa fendumat yeilale Yesus, samo Et eryaknar are.

YESUS TANIFNAWI EBE RITAAN RITAAN NE

³⁶ Saet rilat tamtormal ren esrakri endumal til, Yesus etuen molmal-molmal se fendumat sop resrak e fendumat, ”Aenfia tilut aen ³⁷ Saet sop fendumat en rahes wis sop feknatanpe fendumat ren riromefefoman. ³⁸ Samo Yesus esrak ebope fendumat ensana yam mabeswis sop ensana. Fitum afo afiak orak aha fifum afo ³⁹ Arome mim sop ain tam saet melmal melmal membaha ahyakyau sop yorom U.” ⁴⁰ Saet Yesus esrak enom et ofnawi ma’it sop ae itma ebope fendumat ⁴¹ Ae nofehaefen fendumat renon tap ri snanyae saet rit momlo sop Rapo prapton-Rapoprapton,Yesus ehimta ri ebope fendumat,”ensan pana sop menihi yam yambema endutes ube timpana?,” ⁴² Haet fendumat rurfri inafalu tibu ebope ⁴³ Yesus it inamat sop yan ri fendumat confu. ⁴⁴ Saet Yesus esrak ebope fendumat,tit esrak saet yam esrake yibope saet yau yenon rertiat penyek entes sop eter. Hofa yau warilon ehla Taurat Musa aiwali para nabi saet Mazmur saet atuahi.” ⁴⁵ Samo Yesus ofokfrifendu ertuahi fendumat aiten omnase aiwalifia ⁴⁶ Yesus esrak rilasma ebope fendumat,”Enon eteren ebope Kristus sesiamalas marmor sop etiak anaenrer tamtormal oper saet waheto Toul. ⁴⁷ Et afer ahi saet sohus fiambe ehla sop enferli warilon ebe hamal ebope penyek fendumat riop aen Yerusalem. ⁴⁸ Yam aenofe saksi-saksi rem penyek sehe matit ⁴⁹ Monasepe Yat faok e janji mamyobe ebopeut samo saet sop ainon risao Yerusalem aop yam ourfia lengkap saet dwahe en pelemat enaha,”

YESUS FREDIRIT EHOK SURGA

⁵⁰ Samo Yesus esrak ripara ritaaene sop marak sao aonaren aen. Betania.saet sop edi ahama sop memberkati fendumat ⁵¹ saet Yesus memberkati fendumat. Et tamfeiri en fendumat sop fre dirit o surge. ⁵² dobri tot e sop resrispar riu Yerusalem saet sop itmamlo ⁵³ fendumat remon bait Arpames warilon sop ras nanyek ARPAMES.