1
Saet Saulus sop boufri Stefanus rifun pare et, aen waheto it tes rifeiye, sare mat dwahe nofei ri jemaat ren Yerusalem et sop fendumat penyek rofris riona-riona Yudea sop Samaria et ribe para rasul.
2
Rilus tamtormal saleh ribon Stefanus et itoma rer ratapanmat saet dwahe enofe haet .
3
Saet sop Saulus ofetar ri pelatut jemaat sahet ahil aentimu- limuhe et yaokri, tamtormal-tamtormal sop am fendumat yau oktari fendumat rem kawalimu.
di Samaria
4
Saet fendumat sop ri rofris riu riyale renon sop esrak e fenti alo.
5
Filipus opor en sao mat Samaria saet esrak enon enohofa Kristus.
6
Saet tamtormal sefa saet fituafo tehe riarome ensan paet be filipus esrak enon fendumat rioflae sop ria rome fare-fare ajalo mat sop pelafei.
7
Sae roh-roh fetes danrok ri tamtormal-tamtormal foman ecili saet ilabrarmar saet sop lila eras nar saet tamtormal sefa eri dobri tot sop eri mom ram par ofeiri debu.
8
Saet sop enom it molo dwahe en sao mat.
9
Samo enon tomtues pria ebehat Simon saet tapun saet mempraktik kan fenti uris ao sop afei kagum penyek sehe tamtormal. Samaria rit ridete enofe saet tanirya tomtu dwahe.
10
Penyek tamtormal enerer ren netu enon tamtormal leno ndwahe, esrak tamtormal it enon fedwahe Arpames sop ridete dwahe.
11
Saet fendumat rarfri cori mama ren fanggo nebope saet dely ak en samo mblamal ete nofei fendumat eri raheswis sop fenti somne.
12
Samo mat saet tamtori-tamtormal ren rasnanyak e Filipus saet fenti alo oma enon Kerajaan Arpames sop ebe hat Kristus Yesus fendumat ranis ripali tamtori-tamtormal mafe-amfendi.
13
Saet Simon ehak beh snanyak e et sop ramis ripal le et mblaohe enon nen raruk se Filipus et samo erome endu-enduhe mujisat sop fare-fare bon ajaib sop ofeima et ofeen heswis.
14
Saet samo mat saet rasul-rasul rem Yerusalem roflae itoma tamtori-tamtormal Samaria delyak urfri Arpames fenti olo, fendumat rikispar Petrus sop Yohanes ribope tamtori-tamtormal re notoo.
15
Otoma sop ofei mesou denom fendumat ren fendumat urfri fanggomu om tu.
16
Saet fanggomu ontu tap opor afo tamtormal sop ri fendu-fendumat renin onem delyak rani ripale warilon ha Tuhan Yesus.
17
Saet Petrus, Yohanes mori lalo raha fok.
18
Saet Simon eron ri ebope fanggomu omtu urfri ehole mori baba afo rasul-rasul Simon ofei bel-bel narma doi sen etma ebope rasul-rasul.
19
Saet esrak yaurfe ema ebope yau dwahemal tit aenom nahi tamtormal saet ebope yau yaimu mim baba afo saep turfiama fanggomu omtu.
20
Saet sop Petrus esrak ri ebope Simon ut sop ubedoisen saet atapor tanim yan tilut aen yam fenggo mu mifei yam aurfiam karunia Arpames saet doisen.
21
Yan pak tapse bagian hofa hak warilon enak tit saet fenggomu tapse afar nare aen tanirya Arpames.
22
Saet uma atu den wifei ehla entit sop afei mesou ebope Tuhan saetut pak afei a mat fitum afo ait et afokpari e bape yam.
23
Saet yau yarome ebope yam aeno nem warilon nofsu haet meta en warilon jeritan ehla.
24
Samo Simon bou fri sop esrak mesou saet yau yibope Tuhan saet ensanpana saet yaan yesrak tapse fone yau.
25
Aenalelyak Petrus sop Yohanes bersaksi saet melmal sop esrakenon fenti olo Tuhan fendumat esris par aen Yerusalem ainon ne nesrak fenti alo saf sefahe desa tamtormal Samaria.