PASAL 3

MIYAK YAIFU SNANYAK UBE GAYUS

1 Ren penatua y ibope gayus uren u sop ureni warilon melmal. 2 Lafukri sop uren mi, yau yofei mesou aimon yam fia-fia haet warilon penyek endual non tamnifia relat fe haet tamxak metu ema fia. 3 Haet yau sop yaen yartmomlo afei sisya lapuk lafukri riminar sop ras nam yake hofa endu melmal se aen moho fa arahap tit yam menon warilon melmal se. 4 Yau tap yaur aen momlo saet sefa dwahe remon rof laok hofa natum-natumri rahemel melmal warilon. 5 Lafukri saet yohauuter yam et efeter pelait saet fiahe warilon penyek pfei marhaet lafuk-lafukri fendumat endut tapse tamtori renmerer. 6 Fendu haet ras manyak e ren mohofa sop tendirya Jemaat, yam sop afeimar naet fia ane ahofa ebope arpermas sorok yam. 7 Fehaet fendumat fiaonar elemi eboha sop tap ri snanyat. 8 Aen haet tit mim sesya masorok u tamtori-tamtori fehaet fendumat riamom emim tendim maro pelayan femelmalse.

DIOTREFES RILAT DEMETRIUS
9 Yau fehaet ater aiwali ebope jemaat, fehaet Diotresfes bou tanit afei matam aen erer fendemat sop riyorpar peritite mim. 10 Haet sop hofa yau yama yau sop famggomu yaif yam et afo efei sisya sop sop ahite mim menfenti fenti haet fete! tap eyor pere fendumat ren jemaat. 11 Lafuk risaet las menyau baen yam afei fetes fehaet sop afei fia tamtori saet rifei fetes taifum arome arpames. 12 Penyek tamtori enhaet snanyak e saet fia hofa demetrus baem aen melmal sop snanyak mim melmal.
MORI TAIFE TELTILFAN
13 Yenon sefa endumat saet weryak yohim yet peyete yibope aemnha yau tepse bou peyater yam ebope yau saet pena sop tinta. 14 Yau ait yabo ahi haet mames mus sisyahe sop mim saet nesrak rer tea ne tan tanmya. 15 Maen fiafiah e aenfeit saet sop aen ahit it yama aen non ahip yama mori taife mim ebope tafula fukri aen moton.