1
Yat Paulus, testamtori mal lahap nenan tapse aop vesehahar covuar ebema yam, wotop lahapnenavei ebema yam tavun ento. Yat vanggomu yivri yam ebema kristus mal bilu tap sop makiviya.
2
Yat yohim ehautar yam : baen yam eskia ya sop ovnau lahap nenavei en rarukse. Enohuva yat vanggomutya eskiya sesia ehautar tamtori-tamtori moririvyak mal etnatanpe mim menon etaen venduwarilon,
3
Ebema mim menon venduwarilon. Wotop mim lahap mivetar mitaen venduwariln.
4
Ebema padai mimbe warilon, tivetar ben padai venduwarilon. Ebema padai mal rivepenon ebema biluh Arpames, mal bilu ebe lelenar benteng-benteng
5
Mim mitotnar ebema vanggomut tamtori sop lelenar endu mal rive so bilu tamtormal saet sehahar eilale ebe arpames. Mimbe wihiobon penyekse vanggomu sop etotnar ehautar Kristus.
6
Sop samovin vleliwihi mim duk taennave viya, mim tenon sebe ema tavun etaaene ebema vetes.
7
Bateyo mal ovtar en matalon comana yambe! tavun testamtori melmal-melmal womnas pe et aenave ebe kristus, atemaha et vanggomuite en warilon vituavoebe pe mim mima ebe Kristus etaen pave ebe.
8
Ema, saebe yat pave savseva viya yatsetapul yam ivemimTuhan ehautar mim pe lelenar yam. Warilon venti saet yat lahap tavun en pave ebe.
9
Tavun yat lahap bou avtar pave yat yodal yam ebema menorani-menoraniyabe.
10
Ebema venti tamtori, menorani-menoranebe saet bilu sop somne, wotop tavun aloite covuar ate ebebilutap sop venti-venti ebe lahap ahilokvanggomu,
11
Ttavun atemaha tamtori nal resra ovehae riomnas pe eskiae mim, tavun aloite covu. Etaen pave venti mimbe wariloon menorani mimbe, saet lahap aloite covu.