¹ Endues saet delyak aimon haet aenero saet delyak mim moflae saet mim miro me hop cori ma na mim saet mim fanggomu sop mim mori baha seri hiyak e mim saet fenti alo ainon. ² Mal non tit haet ersak ri sop mim sop mirom e en mim mas nan yak e sop mim misrak e ribope hofa menon senam se ut sop delyak menon tilut-tilut, maan sop haet esrak enon ribope mim. ³ Emdu mat saet delyak mim miro me sop mofla et mim fenti oma ribope yam me nohofa mim ma mim bema menon tehe mim tilut melmal se meno u tehe mim menon mim tilut mam Arpames natun Kristus Yesus. ⁴ Mim tilut enon mim riteren ribope haet mit momlo ainon daa.

⁵ Et Fentialo saet delyak mim mofla haet sop mi mesrak e mebope saet Arpames menon mela so saet warilon et relat menon tap aenon rarmo. ⁶ Saet mim mesrak op fehaet, mim mbema miki enon tehe saet enno fehaet sop fehaet menon rarmo wari tom mim mi daltat sop tap mafei ma en melmal se. ⁷ Haet aen mim mah e ne mela warilon. Mim bema me non tehe saet et lus sop sila Yesus atun eyam ur mim penyek ehla.