1
Eia veia gitou maei, " Sesere matomo eau veia mutou, " Sari oiei tamutou oiei magigiriei, gamma ga taburi, ge ea ga inoa mautu neneki te Pago ga gomai tomia vagagarira."
2
Arogo inimatasagaporo ita vamu ri vora, Iesu abie Pita me Jeimsi me Joni e gitou goata amapaitsi ita tomie Iesu. Oioa re gitou oio o,
3
A vovore Iesu gari bisau. A tovorobo ra tetara gari matagaga pakakea, maea diksoo e gitou vuivui ra totsiboi.
4
Gama taba e Elaisa me Mosesi gari para oio tegitou te gira pepere teitomi te Iesuo.
5
Mate Pita vuu tsi veia re Iesu maei, "(Rabbi) Taro ra vaimari ra, ea neneki re tatou ga pouomaiei, ge tatou ga tsigia ruma itoru, ita tau me, ita te Mosesi, ge ita ga te Elaisa."
6
(Ire eia gamma rovi a rova eia veivei a, ire gitou matau.)
7
A karu gomai tuvuroboe gitou. Apeperera ita oroio a karu o vei maei, "Arere e Ratugu are eau masaga matomoa. No a pepere ra tetara."
8
Subui vau, e gitou gamma inoe eita oio tomie gitou, e Iesu moori.
9
Oioa re gitou piririvu to, Iesu pepere totomua gitou vere, gamma veivei are taro ita ra atsibo are mutou inoa o goio kara oioa are e Rature Pago ga mauri rivu oioa pireo.
10
Tsimoro e gitou taukovua pepere ra arere kabiri te gitou, Aramori e gitou vaipepere kabiri te gitou ra pepere ra ari "apuritsi rivu oioa pireo" masovara mavei.
11
Gitou tagie e Iesu, "Ira maei te tauaro ra kirikesi vei vere Elaisa ga mugasoko somai?"
12
Iesu veia gitou, Elaisa ga gomai garitara soko te ra ri ga vaimatata totsiboi. Mavei ta kirikesi veivei vere e Rature Taro ga goio a mausakara sari mago e gitou sautorea igobunu te eia?
13
Aramori eau ga veia mutou mae Elaisa ge gomai garitara tsi, te gitou igoa tavovuro ari mae gitou vera ga igoa soiotetara, maea kirikesi vei a o."
14
Oioa re gitou gomai te gitoue vaunini, Gitou inoe vararua kakara gomai vaikapopo tomie gitou te gitoue tauaro ra kirikesi vaikegara tomie gitou,
15
Are gitou inoe Iesuo, vararua kakara saki te gitou asi soio tetara tsi vei neneki soio tetara o.
16
Iesu tagie vaunini tetara, "Mavei te mutou veika tomie gitou?"
17
Eita oio kabiri te vararuao koria tagia ra tetara vei maei, "Taro ra vaimari, Eau vaigomaie Ratugu oio taume.
Eia gamma pepere ra karuru ari gamma kokora oio tetara.
18
Ea rapumatatea, kara tatorea totogora, vakurie eia sotaroa tabu, ga veresisari ra ga tsitsigio, ge a vovora
ga rapumatata vau. Eau vei are vaunini tau me ga vakumurie eia, e gitou gamma koramuria."
19
Eia korie gitou maei, "Gitoue vararua ari gamma tautaurairo, mavei ga e Eau ga pou taba tomie mutou? Ge vakairiva ge eau igoa maei soio tamutou? Abie eia somai tegaku."
20
Gitou vagomai te samura o oio tetara. Oio are a karuru ari gamma kokora o inoe Iesuo, Subui vau ea abie eia goio a mautu kerira. A samurai paru sotaroa tabu te eia vere seisari to.
21
Iesu tagie tamara, "Vakariva eia igotsi maei?"
Tamara vere, " Oio ta gaganara.
22
Arogo komuko vau ea bouboru soiroa avi arogosari soiro a nanu tovomuria ri biri e eia. Arige me ga koramuria ri ga tovomuria ri igoa atsibo ita, gogo iremitou surie mitou."
23
Te Iesu veia re taro maei, "Arige me koramuri'? Atsibo kakara oio te eari tautau rairo ea koramuri."
24
Subui vau e tamare a samurao kakua tsirari tsi vere, "Eau tautaurairo! Surie eau ira tavovuro bunu eau igoa te eau gamma tautaurairo."
25
Oio are e Iesu inoe vararua komuko aiasi gomai tegitou, Eia kaarea karuru ari gamma kokora vei maei, "Eme a karuru ari gamma kokora mea gausavavo ra, Eau vei toutomu aume iritaroa samurai, ge gamma goioiro rou tetara."
26
Eia tari kerira te eia iritaroa samura o tomia panini ra tsi gogara to oio te a samura o. A samura o mae eia peo to, te gitou komuko vere, "Eia peotsi."
27
Aramori e Iesu sau oioa rimare
samura o te eia veimagirie eia, te ea magiri to.
28
Oioa re Iesu gomai oiroa ruma, gitoue vaunini tetara tagie eia, " Mavei te mitou gamma koramuria ri vakumurie karu ru a ri gamma kokora?"
29
Iesu veia gitou maei, "Arimaere ea gamma koramuria ri ga vakumurie eia ga oio a kiraka,"
30
Gitou ere taro a mautu aro te gitou goio a mautu kerirae Galili o. Ea gamma massage eita ga rovi a mautu ari mae gitou oio pouvora,
31
"ire Eia veimeimari e vaunini tetara. Te eia veia gitou mae, " Rature Taro ga e gitou vaigoio e eia oioa rimare vararua ga e gitou biri peo eia.
Eia ga peo ge oioa rogo itoru eia ga apuritsi rivu rou."
32
Aramori e gitou ga ma matagaga ra kirikesi arei, te gitou matau ra ri ga tagie eia.
33
Mago te gitou goio a mautu e Kapenaumu. Eia goio to oiroa ruma mate eia tagie gitou, Arova te mutou veipepere ra oioa kabiri ra garu o?"
34
Aramori e gitou gamma pepere. Ire gitou veipepere re oio te gitou oioa kabiri ra garu re erei tsi kerira oio te gitou.
35
Iesu veia gitoue vaunini tetara gomai pousotaro, te eia veia gitou maei, "Arige eita massage a ri ga mamugae vararua, ea ga rovi ari vagotaroe eia ga igoa aigogoru kakara."
36
Eia gauabibi bai ita kabiri te gitou, te eia veia gitou maei,
37
"Eari abie abibibai maei oiroa aisare Iesu abie eau; Eari abie eau gamma abie eau ouka eia abie eari bae eau ei."
38
Joni veia re Iesu, "Taro ra vaimari, mitou inoe eita vakumuri a karuru ari gamma kokora oioa aisamu te mitou sirataroe eia o, ire ea gamma tsirimurie mitou."
39
Aramori e Iesu veia maei, "Gamma siratoutaroe eia, ire eita rou oiei gamma ga igogougoru a aigogoru kerira oioa aisagu mago vamuria aigogoru gamma pepere bubunu ire eau.
40
Eari gamma Sununu e mutou ea gamma tamutou.
41
Eari abia mea nanu terari ga niua oioa aisagu ire eme te Kraisti, sesere eau veia mutou, ea gamma ga koramuri ari poropepea vurutsi tetara.
42
Eari mamugae vaunini bainiei ita ari tautaurairo re eau soio a tavovuro ari gamma kokora, ea kokora ire tatou ga vu patsitsiria vokuru ita kerira oioa airoru ra mago bore eia pigie eia soio mago.
43
Arigea rimamu mamugae me soio a tavovuro ari gamma kokora, tagutu gareia. Ea kokora ire me ga goio a mautu neneki ra mauri ra tomia rima ita, ari ga irua ea ga vaigoio e me soio a mautu ra a a vi.
44
Arige avamu ita mamugae me soio a tavovuro ari gamma kokora, boroutu garei a. Ea kokora ire me ga goio a mautu kerira neneki te Pago tomia ava a ita, ira avaa irua tomi ga vaigoio e me soio a mautu ra a avi.
45
Arige a va amu mamugae me soio a tavovuro ari gamma kokora, tagutu garei a. Ea kokora ire me ga goio a mautu kerira neneki te Pago tomi ava ita, ari ga irua tomi ga vaigoio e me oio a mautu ra a avi.
46
.
47
Arige a matamu mamugae me soio a tavovuro ari gamma kokora, ea kokora ire me ga goio a mautu kerira ari neneki te Pago tomi a mata ita, ira mata irua tomi ga vaigoio e me soio a mautu ra a avi,
48
Oio are a pase ra vovogitoue vararua gamma ga pe o mea a avi gamma ga mate.
49
Ire vararua kakara ga aaviturugogoe gitou.
50
Puae kokora, ge ari ge ea gamma vaigari a mamina ra, mavei ge me ga koramuria ri vaigari rou a mamina ra? Abia puae kabiri tamutou, tomi a tsi a magogo ra ga oio tamutou me teitamim."