1
Oioa rogo nau arere, vararua komuko vau gomai, ge gitoua airari ouka. Iesu torae gitoue vaunini tetaratsi veia gitou maei,
2
eau oiei gogo matomo vau ire gitoue vararuai, ire gitou pou tomie eau oioa rogo itoruei e gitou gama aria airari ita a.
3
Arige eau ga bae gitou pirivu soioa ruma tegitou tomia airari oioa tamusi gitou ouka, gitou ga mata porogani ga paru oioa garu. Ire gitou sari oroioa mautu abua."
4
Gitoue vaunini tetara korie eia veia areia maei,Mitou ga abia beretsi ovei ga vari re vararua oioa ba bunau ari maei?"
5
Eia tagie gitou maei, ''Mutou a beretsi iriva?" Gitou veia areia vera, inimata a sagaporo irua."
6
Eia veia re vararua ga pou sotaroa tabu. Eia abia beretsi inimata a sagaporo irua, vei neneki soio te Pago, Te eia tovi momoa beretsi. Te eia abia soio te vaunini tetara ga rovea re vararua.
7
Gitoue vaunini tetara abia a raia sari, te Iesu vei neneki soio te Pago te Iesu veia re vaunini tera ga rovea re vararua ga e gitou aria.
8
Vararua kakara ari e gitou ogo, Tegitou abinaua pirigira airari tovoa kerara inimata sagaporo irua.
9
Mapare vararuao, ataoseni iva a. Te Iesu ba tegitou soiyo o.
10
Eia subui sae soiroa boutu tomie vaunini tetara, tegitou soio ta mautu kerirae Dalmanuta o.
11
Vamuria re Iesu gomai garitara e gitoue muraruga ra aigogoru gomai tsi vaika tomi te eia o. Gitou veia re Iesu ga igoa aigogoru ita oioa mautu neneki ga gari para te ra ri ga tovomuri e Iesu.
12
Eia rapu tabaea rorovira oiroa karurura te ei a vei maei, "Terarova te vararua oioa rogo a arei tagie Eau ra vagagarira ri mavei te Eme igogougoru oioa totsiboi? Seserematomo eau veia mutou, atsibo gamma ga garitara oio te vararua kakara oioa rogo ari maei."
13
Mago te eia ere taro te vararua,
goio saeroua b
out u, goio rou oioa waira mautu.
14
Ge gitoue vaunini te Iesu vautaroa ri ga abia gitou a bred sari .Aramori a bred a tapanara ita mori toioa bout uo.
15
Iesu vaterie vaunini tetara, veivei maei, "Mutou ga bomurie mutou ire a vagagarira te gitoue muraruga ra aigogoru me te Herodi."
16
Gitoue vaunini tetara vaikegara kabiri oio te gitou maei, Eia veia ire tatou a bred ouka."
17
Iesu ge rovi ta pepere ra are gitou veiveiao, Te Iesu tagie gitou maei, "Terarova te mutou pepere ra bred oiei ouka re? Mutou gamma matagaga o rovi? Gabutara mutou oio sogama kope?
18
Amatamutou ouka? gausamutou ouka, emutou gamma no? Ge mutou gamma gabutarea?
19
Oil are eau tovimomoa bred atapara inimata a kabiri te vararua a taoseni inimata o, ge a parora bred iriva te mutou tovo a oioa rogo are vararua goio vaikapopo?" Gitou vere, "Savuru gotaro irua."
20
"Oio a rogo are eau tovimomoa a tapara bred inimatasagaporo irua kabiri te vararua a taoseni iva o, mutou tovo a parora bred iriva?" Gitou vere, "Inimatasagaporo irua."
21
Te mutou, sogama matagaga?"
22
Gitou gomai goio a mautu e Betsaida. Vararua ra mautu aro vaigomai te taro ita matara kesa oio te Iesu ge Iesu ga vei mauri e ei a.
23
Iesu sautorea rimare taro matakesao, abie eia goio abua oioa mautu aro. Oio are Eia kaputevorua mata ra tau a rimaraoioa matara, Eia tagie eia, "Eme koramuria ri inoatotsibo sari?"
24
Eia inosoata, te Eia vei maei, "Eau inoe tauaro tatuga maea aobu tatugao."
25
Mago eia sautorea matara rou, ta taro koramuria ri mata, a matara neneki, te eia koramuria ri inoemi o.
26
Iesu bae eia soio a mautu tetara te eia vei maei, "Gamma goio a mautu kerira."
27
Iesu goio tomie vaunini tetara oioa mautu kakara oiro e kaesaria, me Pilipai. Oioa kabiri ra garu eia tagie vaunini tetara maei, "Gitoue vararua gabu vere eau e erei?"
28
Gitou korieia tsi vei maei," Joni ra vapupuru ra. Gitou sari vere, 'Elaisa,' ge gitou sari vere, Taro ita ra vanopararara.'"
29
Mate eia tagiaroue gitou, "Ire mutou vere eau e rei?"
Te Pita vere, "Eme rature Kraisti."
30
Iesu vei totomua gitou ga umara veivei are eita vere Iesu to.
31
Te Iesu goio vaimeimari te gitou ire Rature Taro ga goio a mausakara sari, ge gitoue muraruga me gitoue muraruga ra aigogoru me muraruga ra kirikesi, ga biri eia, ge oioa rogo ga ita irua iitoru eia ga mauri rivu.
32
Eia vei paraea pepere ra rere. Mago te Pita abie eia goio a papara ruma te eia veivei ta arei a o.
33
Mate Iesu vuro inosoio te vaunini tetara te eia vei ta re Pita vere, "Goio vamuri tegaku, Taumata! gabutaramu gamma mae te Pago, gabutaramu ge oioa totsiboi te vararua."
34
Mago te eia vaikapopo te vararua o me vaunini tetara te eia veia gitou maei, "Arige taro ita ga tsitsiria garu tegaku, Eia ga sugutaroa mauri ra, borea tauvarautu tetara, mago tsitsi te eau.
35
Ge eari ga sautorea mauri ra ea ga burau, ge eari sugutaroa mauri ra tetara oioa aigogoru tegaku, oiroa pepere ra te Pago mea aisara, mauri ra ga kokora.
36
Avaisurira ari mavei ge a taro ga abia oioa totsibo kakara oioa bai te ra ri vaigari para mauri ra tetara?
37
Arova ge a taro ga igoa terari ga abi rivu ra maurira?
38
Eari mae ra ire eau mae ra rari vanopara ea pepere ra neneki tegaku oioa rogo are vararua poke taro e Eau ioigo a tavovuro ari gamma kokora, e Rature Taro ga mae ra ire eia oioa rogo te Tamara me enseli."