¹ Gitu e parisi gomai vaikapopo tomie Iesu. Tomia gitoue vararua ra matagaga ra kirikesi peperesi matatara ari oroio e Jerusalemuo, ² Gitou ino te vaunini sari te Iesu oio aiyaria auraru tomia rima gitou mumuga,ea tsi mae.Gitou gama vui mage aiyari, ³ Gitou e parisi me jiusu kakaragama ama ga ari, Gitou ga so vui sokoa rima gitou , [ gitou sautorea tavovuro ra vireru tegitou e ataro kerira e risu gitou veia, ⁴ Oio are gitoue Parisi pirivu oroi yo a mautu ra sirovao, e gitou gamma ga aria airari ita kara oioa rogo ari ge gitou pupuru, Ira tavovuro sari oio re e gitou gamma vaigari a ara mori e gitou ga tsisiri emi vaua tavovuro ari mae vuivui a kapu kabara mea totsibo are gitou igoa oio a kapa tomia papoga ra purourou o.) ⁵ Gitou e parisi me tauaro ari kikesi a pepere matata ra tagie Iesu vera, "Mavei te gitoue vaunini tau me oio gamma tsitsi matatea tavovuro te tutubu ga tou me gitoue muraruga ra mautu, ge te ra arova te gitou aiarì gamma vuivui a rima gitou?" ⁶ Aramori eia veia gitou maei, " Aisaia ge vei matagaga ta mae e mutou e tauaro ra kogonora, Eia kikesi tai a vere, "Gitou e vararua komuko vau veisare eau oioa are gitou mori ge a tsi a gitou mea gabutara gitou oio pou abua omai tegaku. ⁷ Gitou geremuri bunaunau ire eau, gitou tovomuimuria tavovuro ra pepere matata ra tea taro mea pepere ra te Pago.' ⁸ Eme poke taro ta vaimatata ra te Pago te mutou sautorea tavovuro ra pepere mata ra te tutubu ga tou." ⁹ Eia vei tai a gitou maei, mutou e tauaro ari ioigo a tavovuro ari gamma kokora o, mutou ga sinau ra ri ga tsitsiria vaimatata ra te Pago tsi mae mutou oiere tsitsi ra tavovuro mea gabutatara ra te tutubu mutou ere! ¹⁰ Ire Mosesi vere, " Mutou ga bomurie tamamutou me tatsira mutou,' ge, 'Eari gogiro e tamara me tsirara ea ga pe o.' ¹¹ Aramori mutou ga vei, vere, 'Arige a taro ita ga veia re tamara o tsirara, "Arova vaisuri ra are eme ga abia omai tegaku ea koramuri"' ( are re gitou ga vera airova, 'a Airova'), ¹² Ea mae eia ga inotaroe eia ga igoa aigogoru nau te tamara me tsirara. ¹³ Mutou vaigari a pepere matata ra te Pago gamma gari emi ira tavovuro te tutubu gatou sari. ¹⁴ Eia tora nau e vararuao te eia veia gitou maei, ''No emia peperera teaku, mutou ga taua oioa gabutara ratamutou. ¹⁵ Atsibo ita pou ogara tea taro gama ga igo nuni e eia ari oiroa tsiara. Arova pou oiro gogara tea taro gaigoe eia nuni."Tavovuro kokora ravairao gari rou tsi vakumuriai. ^{16 17} Oio are e Iesu iritaro e vararua goio goiroa a ruma, gitou e vaunini tetara tagie eia ge eia peperea gitou oioa peperera Mararanira. ¹⁸ Mate Iesu vere, "Mutou mae vararua ari a gabutara gitou oukao? Mutou taige so gama ino atsibo ari pou ogara tea taro ita ga eia abia soiro tetara gama ga igoe eia nuni, ¹⁹ Ira arowa tsibo ari nunio gama ga goiroa tsiara, ea go goiroa tamusira mago eia gogara rou oioa murira kiroko.,Tomia peperera arere e Iesu taua airari kokora ma agarura tera ri ariao. ²⁰ Eia vera, ''Ea mae atsibo ari oroiroa tsiarare taro gogara igo nunie eia, ²¹ Atsi maea taro aro, arowa oiroa tsiara gogara ea ga vaigaria gabutara bunu, pakarira, maevaibiri ra, ²² vaigo tutavure riture taro arootasemao igo tutavu re eurare tasema aro, masaga bununaua totsibo teita,meraigege kogonoa pepere ra, tavovuro ra tavovuro ra temasi bunau ra, giriro, itsi sae memori mea tavovuro ari pawawa. ²³ "A tavovuro nau ari kakarai tsi igo nuinunie varar uao.'' ²⁴ Eia eretaroa bara makobu ra Tabu tegitou e Taire me Sidoni. Eia goiroa a ruma ita ge eia gama maga e tauwaro aro ga ino anea mae eia oio pou oiro. Ari mori eia oio gama taukovu. ²⁵ Subui vau mori a tasema ita e ratura bai a tasema a karuru bunu oio tetara Tasemao noa geremuimuri re Iesu oio te gitou sari te eia gomai toruru mago oioa vare Iesu. ²⁶ Atasemao oroie Giriki, eia tere Fonisia.Eia tagie Iesu ga vakumuri gareia karuru bunu ari oiro te raturao. ²⁷ E Iesu veia areia maei, '' Maraoa momoro so ari soko. Iri ea gama kokora irari ga abia auraru tegitou e momoro ga pigie re voto." ²⁸ Aramori a tasemao koria apeperera te eia vei are Iesu maei, "Ino, Taro kerira, arimori e vovoto poupou oioa auruva ra tevoro eia aiyaria momorora airari te gitoue momoro ari puparu sotaroa auruvara tevoro." ²⁹ Eia veia areia maei, "Ira oio a arova eme veia, me ge goio. A Karuru bunu eretaro te ratumu. ³⁰ Eia pirivu soio a ruma te eia ino mae e ratura oio naunauta oio a papoba, gea karuru ari bunuo oio gamma pou tomi roue eia ³¹ Mago te Iesu goio roua ba ra magsa te gitoue taire te eia gomai garitara oioe Sidoni oioa magoe Galili oiro oioa tabu te gitou e Dikepolisi. ³² Gitou vaigomai e eia ta gausara ari vavo mea arera kapi eia gamma pepre o e gitou kegara tavue Iesu ra tagiara gae eia ga taua rimara oata tea taro. ³³ Mago e Iesu abie eia goio a pepe ra a ba o oioa sekegira, te e Iesu sugu a mapa kukura soiroa gausara, mate eia kapute vorua rima ra, tsi saua tabererao. ³⁴ Mago te eia ino soata mautu ra maroka ra; rapumaraurau rorovira te eia vei maei, "Efata," Eia vei vere, "Eme kope!" ³⁵ Tis eau veimauri a gausara te eia koramuria ri no o to, tea atsibo ari sautorea tabererao porosi te eia pepere emi to. ³⁶ Iesu vei are vararua vere gitou ga umara veivei are eita. Aramori e Iesu veia gitou ga umara pepere ge gitou ga ma no o e eia. Gitou oio pepere mori. ³⁷ Gitou saki vau te gitou vere, "Eia veigari a atotsibo kokora komuko vau. Eia igoa te gitou ari gausa vovo o no o to te gitou ari gamma pepere o, e gitou pepere emi to."