¹ Eia iritaroa ba aro tomie vaunini tetara tsi goio to oioa mautu tetara o. ² Oioa rogo ra mairara, Eia goio a ruma ra kiraka te gitou e Juda tsi vaimeimari te vararua o. Vararua komuko vau n.ooa vaimari ra tetara e gitou saki. E gitou vere, "Eia abia vaimari ra ari nauei orovei?" "Matagaga ra ari mavei to oio tetara re?" "A vagagarira ari mavei te eia igogougoru ira oioa rima o?" ³ " Arei gamma taro ra tsirigira ruma o, e tuare Jeimsi me Josesi tomie Saimoni e rature Maria o? Saige ratavevirera nau gamma omai tomie tatou?" ⁴ Mate Iesu vei are vararua vere, "A taro ra vanopara pepere ra abi bunaua aisa kerira oio a ba, oio mori a mautu te gitou tomi kabiri te titami gitou gamma igogougoru oio a mautu kerira." ⁵ Eia gamma ga igo a aigoru ita, Eia ga veimaurie vararua sari mori. ⁶ Iesu saki, ire, gitou gamma tautaurairo. Mago te eia goio a mautu kakara tsi vaimeimari te vararua o ra pepere ra te Pago. ⁷ Mago te eia tore vaunini tetara savuru gotaro irua, gomai tetara, abia gitou a vagagarira te ra ri ga vakumuri gareia karuru ari gamma kokora, te eia bae gitou goio irua, irua te ra ri ga vanono a pepere ra te Pago, ⁸ Mate Iesu veia gitou maei, "Gamma aiabia atsibo ita maea a watsi mea paromama tomie mutou- ⁹ arimori e mutou ga sautorea to-o tamutou." ¹⁰ Eia veia gitou maei, " Oio a ba ari mae mutou ga goio pou ira oiroa ruma, pou oio kara oioa rogo a ri ge mutou ga pirivu. ¹¹ Ariga mautu ita gamma masaga ri ga no e mutou, oio are mutou ga pirivu, vakuri taro a kavou oioa ava mutou." ¹² Te gitou goio vanoparara ta pepere ra o ge vararua ga umara ioigo ire a tavovuro ari bunu. ¹³ Gitou vakumuria karuru ari bunu nauo komuko vau, te gitou sigiria aoeli ra vveimaurira oat a auto gitou te ra ri veimauri e gitou. ¹⁴ E King Herodi no mae a aisare Iesu vava. Gitou sari vei vere, "Jion I ra vurui tsi apuritsi rivu oio a pireo te eia abia vagagarira te ra ri ga vaigari para atotsibo sari. ¹⁵ Gitoue sari vere, "Eia e Elaija," ge gitou sari vei maei," Saige eia taro ra vano parara pepere ra ita ari pou ravairao aige." ¹⁶ Oil are Herodi no a Perere ra arere, Eia vei maei, Eau ga tagutu a autore Jioni ra Vurui ire eau tautaurairo mae eia apuritsi rou." ¹⁷ Te Herodi bae gitou ga goio sautore Jioni ra Vurui ga tau e eia soiro a ruma ra kapirobo ra ire eia vera ga taureirai rou e Erodiasi (e riture tarirae Pilipu), ire Erodi tsi taurai e eia o, ¹⁸ Ire Jioni veia re Herodi, "Ea gamma kokora ire eme ga taurai rou e riture tarimu." ¹⁹ Aramori Erodiasi ge oio temasi re Jioni te eia vera ga biri e eia, aramori Erodiasi gamma koramuri, ²⁰ ire Erodi matau e Jioni; Eia rovi mae Jioni a taro ita kokora neneki tatao vau. Tis mae Herodi bomurie eia o. Ge oio are Herodi no mori a pepere ra te Jionio, ea temasi aramori eia ge moimoge mori ra ri no a pepere ra tetara. ²¹ Vamuria rogoa re re, A rogo ra pirigo re Herodi tsi gari to te eia raragia airari are gitoue vararua kakara ra aigogoru tetara, muraruga te gitoue vararua ra vaikuera tomie muraruga ra mautu e Galili. ²² Oioa re gitou gomai vaikapopo tomi aia ri, E rature Erodiasi a tasema gomai tsi tsiria rorobo te gitou o, Eia sagege ire Erodi me vararua ari gari oioa airari ra rogo ra pirigo re Erodi o. Mate Kingi veia re tasema o maei, "Arovae me masaga ge eau ga abia aume tagie eau vora eau ga abia aume." ²³ Erodi vei sesere a re tasema o maei, "Arowa eme tagia re eau, Eau ga abia aume, oioa ba ra magasa tai." ²⁴ Mago a tasema o gogara goio te tsirara, tsi veia re tsirara vere, "Eau ga tagie eia ra arowa?" E tsirara veia re ratura vere, "Eme ga tagie eia ra autore Jioni ra Vurui." ²⁵ Subui vau mori a tasema bai o pirivu soio te Kingi tsi tagie eia maei, Eau masaga vera gari vau moriei e me ga abia gakua autore Jioni ra Vurui taua oioa tsiraurau ra airari are gitou puia oioa aobuo." ²⁶ Aramori e Kingi ga tsitsiria pepere ra te tara, ire eia ge vei ta pepere ra ari sesere oio ta Mata re vararua oio are gitou aiario. ²⁷ Tsimoro e Kingi bae taro ra vaikuera tetara ita ga goio abia autore Jioni ra Vurui somai tetara. Mate taro ra vaikue ra o goio tsi sapautua autore Jioni oiroa ruma ra kapirobo ra o. ²⁸ Ire tau a autore Jioni oioa tsiraurau ra airari ari kerira vau o tsi abia soio te rature Erodiasi atasemao te eia abia soio te tsirarae o. ²⁹ Oio are vaunini tetara no oa geremuimurira, e gitou goio abia vovore Jioni te gitou goio uraiao. ³⁰ Mago te gitoue aposeli gomai vaikapopo tomie Iesu, te gitou veia re Iesu ira arova e gitou igoa oio a aigogoru ra veimarira o. ³¹ Mate e Iesu veia gitou vere, "Gomai tatou goio a mautu ari ki so maira bai o." ³² Mago te gitou sae oioa bout u te gitou goio ta ba ri mae vararua oio vora ouka o. ³³ Aramori oio are gitou goio o vararua komuko vau ge inoe gitou. Te vararua nauo tsitsirie gitou goio garitara soko, oioa ba re Iesu maitou ga goio vora o. ³⁴ Oioa re Iesu me vauni tetara goimai to oioa pepe ra nanu o, Iesu inoe vararua komuko vau gomai garitara rou oio. Are Iesu inoe gitou o e Iesu go go vau ire gitou re eia inoe vararua o mae sipsipi are vavara ouka o. Te eia soko ta ri vaimeimari te vararua o ra totsibo komuko. ³⁵ Oioa mauravi to, gitoue vaunini te Iesu gomai veia re Iesu maei, "Mautu arei a ba bunau gea paga mauravi etsi. ³⁶ Bae gitou goiro a mautu kerira oioa ba ri mae teitami gitou oio vora ga e gitou ga tagia a gitou a airari sari." ³⁷ Aramori e Iesu veia gitou vere, "Mutou abia gitou a tsibo sari ga e gitou aria." Te gitou vei rou are Iesu vere, "Koramuri e mitou ga goio roto a beretsi ari a mapa ra adetsi irua o ga gomai varii re gitou?'" ³⁸ Iesu veia gitou, "Mutou abia tapa ra beretsi irivaa?" Goio so inoe vararua o." Oio are gitou poropoga ta o, gitou vere, "Mitou a beretsi inimata mea araiya irua." ³⁹ Te Iesu vei ta re vararua nauo ga pou baini oioa vouvoru sotaroa garirasio. ⁴⁰ Gitou pou oioa vouvoruo adetsi ita ita sari pou savuru inimata inimata. ⁴¹ Iesu abia beretsi inimata mea araiya irua o, ino soata mautu ra marokara ruburobo a. Eia tovimomoa bred io posa momoa araiya o abia re vaunini tetara ga e gitou abia re vararua kakara nauo. ⁴² Vararua kakara ari e gitou ogo. ⁴³ Gitoue vaunini te Iesu tovo a pirigi ra bred mea araiya o oioa kera savuru gotaro irua. ⁴⁴ A mapa re vararua ari arii o a taoseni inimata (5000). ⁴⁵ Gama ta ba e Iesu bae vaunini tetara saesoiroa bout u ga muga soio a gare ra mautu e Betsaida, ire eia babae vararua goio tsi. ⁴⁶ Oioa re vararua kakara rivu to, Eia soata ta mapaitsi te ra ri ga kaka. ⁴⁷ A rogo goio mauravi rarorogo tsi ta bout u te vaunini te Iesuo oio ta kabiri ra mago, ge e Iesu tsi oata mapaitsi a seberao. ⁴⁸ Iesu inoe gitou mae gitou oio tuayavi ra ri ga vuro matatea bout u te gitou. Te ra arowa ta ave kerira oio vakukuria bout u te gitou, Oioa mauravira e Iesu tatuga to oata atara mago vera ga goio mugaragoe gitou. ⁴⁹ Ge oio are gitou inoe Iesu tuga oata atara mago, gitou gabu vere, eia ameimasi te gitou kukaku to, ⁵⁰ ire gitou inoe eia e gitou matau. Subui vau mori e Iesu peperea gitou maei, "Tsiamutou taburi emi. Eau mori tei, mutou umara matutau!" ⁵¹ Eia goiro a bout u tomie gitou, mata ave o karuvu to. Gitoue vaunini te Iesu saki vau. ⁵² E gitou e vaunini tetara gamma matagaga ira mararanira pepere ra ari a tapa ra beretsi a masovara mavei. Ge, a tsi a gitou oio vavaga. ⁵³ Oioa re gitou poropepea nanu o goio a gare oroi o a mautu e Genesareti e gitou vaitsiripi a bout u o. ⁵⁴ Are gitou gogara oioa bout u gitou e vararua ge inoanna te gitou, ⁵⁵ Te gitou aiayasi soiro a maututu nau o tsi vaigomaimai te gitou ari airobe soio te gitou soio te Iesuo. ⁵⁶ Aba ari mavei e gitou goio o, oiroa mautu kerira, oioa mautu ra baaa kerira, gitou ga tau e vararua ari airorobe oio te gitou o oioa ba ra sirovara airari. Gitou veivei a re Iesu ga e gitou ga saumoria pepe ra tokoromo ra tetara, ga e gitou ga mauri ira.