1
Gitou gomai garitara oioa pepe ra mago, oioe Gerasens.
2
Arogo are Iesu iritaroa bout u, a taro ari a karuru gamma kokora oio tetara gomai garitavue eia oio a ba aro.
3
A taro pou pou oioa mautu ra pireoreo. Ge a taro ita gamma koramuri e eia, a bigomu tai gama ga igo rooe eia
4
Gitou saurtorea, kisitore eia tomia seni soioa aeni vaka pene vau. Aramori eia vari momoa a seni o mea a eni ra kapirobo ra o moimomoio. Eita gamma koramuri e eia.
5
Oioa ra rogo mea aro kakara oioa mautu ra pireoreo me oioa mapaitsi nauo, eia ga veikukakua tsiraari mago tagutu momoa vovo ra ire watsia ri mata vau o.
6
Are eia ino e Iesu soio a buao, eia asi goio tetara tsi toturu muga tetara o.
7
Eia tari tomia kiraku, "E au ga igoa rova soio tau me, Iesu, e Rature Pago oata sesere? Eau tagia eme oiroa aisare Pago ga e eia mori, gamma ga abia agua airigi."
8
Mate e Iesu veia arei a maei, "Eme iritaroa taro re, gogara, eme a karuru ari gamma kokora"
9
Mate Iesu tagie eia maei, aisamue erei?" Tea taro korie eia maei, aisague eami, ire mitou komuko."
10
A taro tagie Iesu rou ga e Iesu ga umara bae gitou sioioa maututu ra baba aro.
11
Ge oioa rogo a re re, e boboro sari oio aiari oioa mapaitsi ita,
12
Tegitu veia are Iesu maei, "Bae mitou ga goio te boboroo; maraoe mitou ga goiro te gitou."
13
Tsimoro eia baa te gitou; a karuru ari gamma kokora goio tsi te boboroo, te gitue boboroo nau subuivau asi sotaroa maruruoo tsi soio ta a mago.
14
Mago te gitoue tauaro ari vaiarie boboroo asisoioa mautu kerira mea mautu keketu nauo, wawano tsira arova garitara oiroa mautu kerirao, tsi mae vararua goio a ba aro te ra ri ga ino atsiboa ari gario.
15
Mate gitou gomai te Iesu, te gitou ino ta taro ari a karurubunu mamugae eia o, oio pou pou, ea tovo a tovorobo ra aro pakakea a gabutara raoio neneki etsi; te gitou matau to.
16
Gitou e vararua ari ino a arova gari oio te taro ari a karuru ari gamma kokora mamugae eia, te gitou vei para ea arova gari oio tetara, te gitou vei are vararua tai ra arova gari oio te boboroo.
17
Tsimoro e gitou sokotari ba gareirei te eia oio a mautu te gitou.
18
Oioa re Eia toasoiro a bout u o, taro ari akaruru ari gamma kokora oio mamugae tagie Iesu ge eia ga goio tomie eia.
19
Aramori e Iesu oio gamma masaga, te e Iesu veia arei a maei,"Pirivu soio a ruma tau me tomie vararua tau me mago veia gitou ira arova e Tarokerira igoa soio tau me, ira oioa garu ari mavei te eia vaino a girogo tetara soio tau me."
20
Mate taro ari a karuru ari gamma kokora mamugae eia o, goio tsi vei para ta re vararua ra atsibo kerira e Iesu igoa soio tetara kabiri a mautu kerira, te gitou e vararua kakara no o a, mata gitou kope tomi a moimoge ra kerira vau ra atsibo ari garitara oio tetara o.
21
Oioa re Iesu goio rou oioa gare oroio oiroa bout u, a vouvoru re vararu gomai garitavue eia, oio are ea oio so oioa pepe ra amago.
22
Tsimoro e muraruga ita te ra ruma ra kirakao aisarae Jairusu gomai, ge oio are ea inoe eia o, ea toturu muga oio a ware Iesu.
23
Eia kegaratavu rou e eia, veivei maei, "E ratugu a tasema bai o a gaviga taburi. Eau vei a aume, gomai tau a rimamu oio tetara ge ea ga neneki rou."
24
Mago te Iesu tomi te eia o, ge vararua komuko vau tsirimurie e Iesu gomai tsi magiri gegeviavau oio tetara.
25
Ge oio o a tasema a ita airobe ra pasasarauve pou oio tetara revara savuru gotaro irua.
26
Ea pou tomi a airirigi mea mavakara aro noinoe taro ra aigogoru ra vovo te ra ri ge ea ga abia mauri ra, a ramori ea oio gamma kokora ea ge oio airobeo kerirea.
27
Oioa re a tasema o no a geremuimuri re Iesuo, ea tsirimurie Iesu oiro tomi a voouvoru re vararua o te eia saubaia pepe ra tokoromo ra te Iesuo.
28
Tea tasema o vei maei, "Arige eau ga saumoria pepe ra tokoromo ra te Iesu, Eau ga neneki."
29
Oioa re a tasema o saua pepe ra tokoromo ra te Iesu o, a kasosoo karuvu, te eia gabumuri a oiro oioa vovo ra mae eia mauri etsi oioa mavakara tetara.
30
Gammataba e Iesu gabu muria mae a vagagarira ari oiro tetara o ere taro te eia. Eia vuro mataraurau kabiri te gitoue vararua tsi tagie gitou vere, "Erei tsi saua tokoromo ra tegaku ei?"
31
Tegitou e vaunini tetara veia re Iesu maei, "Eme so inoe vararua komuko vau tsi tsirimurie emei, te Eme veivei rou vere,
'Ere tsi susaue eau ei?"
32
Aramori e Iesu mataraurau terari ga inoe eari igoa tavovuro ari mae o.
33
A tasema o no a, ea rovi ta arova gari oio tetara, te eia matau eia panini. Eia gomai para oio te e Iesu toturu muga tetara veia re Iesu a sesere ra ira arowa garitavue eia o.
34
Iesu veia re tasema o maei, "E ratugu a tasema, tautaurairo ra tau me veimauri eme. Eme goio tomi a tsiamagogora mea mauri ra."
35
Are Iesu oio so pepere o, gitoue vararua sari gomai te muraruga te ra ruma ra kiraka, veivei maei, Eratumu a tasema o taburi etsi. Terarova te e me abia re taro ra vaimari ra a mavakara?"
36
Aramori e Iesu ge rovi ta pepere ra te gitou are gitou veiao, te eia veia re muraruga ra ruma ra kirakao vere, "Gamma matutau. Tautaurairo mori."
37
Ea gamma massage vararua sari ga tsirimurie Eia e Pita, Jeimsi, me e Jioni, ratamarere Jeimsi.
38
Gitou gomai garitara toio a aba ra ruma te muraruga ra kirakao te eia i no mae oio o vararua komuko vau oio ngenengene vau; e gitou ugogo tsi veikukakua tsira ri o.
39
Oioa re eia ru soio a ruma, Eia veia gitou, "Mavei te mutou ugogo te mutou titari ei? Abibi bai ei gamma taburi eia nauta."
40
Gitou regeviraie eia. Aramori e Iesu iritaro e gitou o gara ge e Iesu abie morie tamare a tasema o me tsirara tomie gitoue vararua ari oio tomie eia o, te gitou goiro a ruma oio a ba are a bibibaio oio taburi irao.
41
Eia sautorea rimare a samura o te eia veia re a tasema bai o maei, "Talita, koum!" ea pepere maei,"A samura bai a tasema, Eau vei aume, Eme agoro."
42
Subui vau ea apuritsi tuga, (Arevara a tasema o savuru gotaro irua). E gitoue vararua o saki tomi a veisarera kerira vau.
43
Mate Iesu vei totomua gitou mae eita gamma ga rovi atsibo arei. Tsimoro eia veia gitou ga abia areia airari ga eia aria.