¹ Mago te Iesu soko ta pepere ra vaimari ra tetara soio te gitoue vararua kakara oioa pepe ra mago, gitoue vararua komuko vau gomai garitara rou oio tetara. Te eia to a soio a boutu ari tsiriripi oata a mago, te eia pou oiro vora tsi pepere a re vararua o te vararua o pou no no teia o. ² Iesu vaimari e gitou oioa pepere ra tsirovo ra, oioa vaimari ra tetara soio te vararua o, eia veia gitou maei, ³ " No! taro ra vauma goio te ra ri ga garu a ruratura airari tetara. ⁴ Oioa re eia gugarua ruratura airari, sari paruoioa garu ta moumaru gomai tsi ari nau a o. ⁵ Sari paruoata aba ri a waiwatsio mea tabu o, arere a tabu ga ma komuko. Gea aurugi ra ge kusi emi vau, ire a tabu ga ma komuko. ⁶ Aramori oioa rogo a ri maea aro ga goata to, a vauta ga mugutu, ire gitou gamma tau a vavara, tsi mae gitou mugutu irao. ⁷ Asesera airari sari pa ru oioa aba ri a pepae mea tuaganau oio vorao. A vauta nauo gararoboa te gitou gamma kusiemi ga vaigaria vavuara. ⁸ Asesera airari sari paru oio a tabu ari kokora te gitou kusi emi vau ge oio are gitou ga vaigari a sesera airari ea ga kara vau mae savuru itoru (30), aro ga goio mae savuru inimatasagaporo ita (60), o kara mae adetsi ita (100)." ⁹ Mago te eia vei maei, "Eari a gausara oio te ra ri ga no, marao eia ga no!" ¹⁰ Oio are Iesu mori a seberao, gitoue vararua ari pou tomie eia o me vaunini tetara savuru gotaro irua tagie eia ra mararanira pepere ra. ¹¹ Iesu veia gitou, 'Mutou ge abia kokora ra tetara te ra mautu kerira ari neneki te Pago soio tsi tamutou. Ge oio te gitoue vararua kakara ri ouka o atotsibo kakara ga oioa mararanira pepere ra. ¹² Ire a mata gitou ge kope, ge gitou gamma ga koramuria ri ga inoe vararua, Ire gitou ga no o aramori e gitou gamma ga matagaga, ge gitou ga poke taro a tavovuro ari gamma kokora mago e Pago ra kavou taro ta tavovuro bunu te gitou o." ¹³ 13 Eia veia gitou, "Mutou gamma matagaga ira mararanira pepere ra arei? Mavei ga e mutou ga matagaga ra mararanira pepere ra nauo?" ¹⁴ Taro ra vaimari ra ga pepere a pepere ra te Pago. ¹⁵ Ari nau oioa pepe ra garu, amoumaru gomai aia ri e gitou tsi mae vararua goio no no a pepere ra te Pago, ge Satani ga gomai abi gareia pepere ra are gitou veiveiao. ¹⁶ Asesera airari sari paru oioa tabu ari a waiwatsio; ge, ea tsi mae gitoue vararuua ari no a pepere ra te Pago tsitsiria o. ¹⁷ Aramori e gitou gamma sugu a vava gitou, aramori e gitou magiri vavaga. Ge ari gea ri ge a mausakara ita ga gari, e gitou ge ga paru. ¹⁸ Asesera airari sari paru oioa tabu ari amamota totogo nau a ugi oio vora. Gitou tsi mae vararua ari no no a pepere ra te Pago gamma tautaurairo oio vora ga tsitsiria, ¹⁹ Aramori e gitou oio tsitsiria tavovuro ari gamma kokora o. ²⁰ Asesera airari ari paru oioa tabu ari kokora e gitou kusi emi vau. A kara ra ga gari mae savuru inimatasagaporo irua (60), o aro ga adetsi ita (100) ga komuko vau. ²¹ Iesu veia gitou maei, "Taro ita tautau a mama ga oioa auruva ra kera mea papoga? Ouka, "Eia ga tau a oata tsiraurau ra airari. ²² Ira atsibo ita gamma ga taukovua arova e tatou gamma ga rovi a, mea totsibo ari mae gitou taokovu a gamma tau mataga gea oioa paga tategao. ²³ Arige a taro ita ga agausara oio tera ri ga no o, marao eia ga no!" ²⁴ Eia veia gitou mae, No emi a arova e Mutou no oa, ira arova e eme ioigoao ga e me ga abia mapa ra mae mori a are eme ioigoao. ²⁵ Ira ea ri ga tsitsiria vaimatata ra te Pago, e a ga abia kerira, ge ea ri gamma tsitsi ri a pepere ra te Pago, oioa aigogoru tetara ea ga abia." ²⁶ Eia veia gitou tai maei, "Mautukeria te Pago tsi mae a taro ari garu a sese ra airari oioa tabu ari kokora o. ²⁷ Eia naunauta oioa ra rogo ge oioa kaivoki eia ga inomae a rova eia garu a o kusi, ge ea gamma rovi a mavei. ²⁸ A magasaì ga vaigari para rivu a totsibo oroioa vu-ura: Soko a oioa avurao, mago goio a gausara, mago tsitsi ri a vavuara kara ra o goio toio a gausara. ²⁹ Oioa ri ga vavuara ga momogo, Eia ga tagutu momoa ga sovea ire gitou matua tsi." ³⁰ Tsimoro eia veia, "Oioa rova ga e tatou ga vaitoto tomi ira mautu kerira ari neneki te Pago, o arova a pepere ra tsirovo ra ari mavei ga e tatou ga rube emi vau ire a? ³¹ Ea mae a vokora sesera a toma o, ge, oioa ri ga garu a, ea ge keketu vau oioa sesera airari ari nau e gitou gugarua oioa tabu ei. ³² Aramori, oioa ri ga garu a o, ea ga kusi a vuruara ga tau a kara ra ga komuko vau rou oioa airari ra vauma, tai a nana a ra ga tauwara vau, ge a mumaru ra mautu ra maroka ra ga koramuria ri ga tsigia roa gitou oio vora." ³³ Oioa tsirovo ra pepere ra ari maei eia ge vei ta pepere ra soio te gitou, ge gitou matagaga tsi ira, ³⁴ Te eia pepere o eia gamma pepere mori eia pepere oioa mararanira pepere ra. Ge oio are Eia mori a seberao, Eia ge rube matagaga ta totsibo kakara soio te vaunini tetara. ³⁵ Oioa mauravi ra, rogo a ro, Eia veia gitou, "Tatou goio a gare a ro oroi o." ³⁶ Tsimoro e gitou eretaroe vararua o, abie Iesu ga goio tomie gitou, ge eia ge oio, oiro to oioa bout u. Ge a bout u sari oio goio toitomie gitou. ³⁷ Ge oioa ba ra bai aro aiwa gomai tomi ave kerira a mago pei soiroa bout u te a bout u o voru vau ira nanu. ³⁸ Aramori e Iesu oio naunauta otaroa basisira bout u o, siroruvau a sebera. Gitou goio paroe eia ga agoro vei vei maei, "Taro ra vaimari, eme gamma rovi vere tatou agavi ga peo?" ³⁹ Eia apuritsi, karea aipu o, te eia veia re a mago, "Tsiamagogora" Taburi keke!" Mago ta aipu mea gasio karuvu, amago taburi keke to. ⁴⁰ Mago te eia vei a gitou vere, " Mavei te mutou matutau? Mutou sofa ma tau a tautaurairo ra?" ⁴¹ E gitou matau vau te gitou veipepere kabiri te gitou vere, "Arei e rei, ire aipu mea mago nomuri vau eia a o?"