¹ Mate Iesu iritaroa ba a aro te eia goio a ba ra mautu kerira oio e Judia goio a gare ra nanu e Jodani. Te vararua gomai vaikapopo rou oio tetara, te eia vaimeimari te gitou ra totsibo are gitou igoa o. ² Te gitou e muraruga ra aigogoru gomai tovomurie Iesu tsi tagie Iesu maei, "Ea oio matata ire atamare ga eretaroe ritura?" ³ Te Iesu veia gitou maei, "Mosesi veia mutou mavei?" ⁴ Te gitou veia re Iesu maei, "Mosesi vere ari ge a tamare ita ga vera ga ere taroe ritura, eia ga so kikesia pepere matata ra oioa tava ra taurai ra te ra ri ga ba taro e ritura mago ba garei te ritura." ⁵ Iesu veia gitou maei, "Mosesi kikesi matatea pepere ra arere, ira, oiro tamutou vavaga matomo te ra ri ba garei e riuritu mutou." ⁶ "Aramori oio a vu-ra totsibo ra tabuei, Pago tau a tamare mea tasema.' ⁷ Oil mori a vu-ura arere, tsi maea tamare ga eretaroe tamara me tsirara ga goio pou tomie ritura, ⁸ tsi mae e gira ga gari maea vovo gira ga ita mori, gira gamma ga pou baba rou, ouka, e gira ga pou a vovo gira ga ita mori.' ⁹ Matsi mae arova e Pago veia ea ga gari, eita gamma ga poropepea." ¹⁰ Oioa rogo are gitou mori pou oioa ruma, gitoue vaunini tetara tagie eia rou ra a pepere ra aro o. ¹¹ Iesu veia gitou maei, "Arige a taro ita ga ba taro e ritura eia goio taurai rou e tasema ita, a taro igoa ta tavovuro ra toroverira. ¹² Arige tasema eretaroe eurara taurai taurai rou a tamare ita, a tasema o toroveri tomie eia." ¹³ Gitou ga in o mago e vararua oio vagomeimaie ruratu gitou oio te Iesu ge e Iesu ga kaka tavue gitou, aramori e vaunini te Iesu vakumurie garei e gitou. ¹⁴ Are Iesu inoe vaunini tetara igoa tavovuro ari mae o, Eia temasi ire gitou te eia veia gitou maei, "Marao a bibibainiere gomai tegaku, mutou umara ba garereie gitou, ire a Mautu ra Marokara tsi ga te eari gari maea abibio. ¹⁵ Sesere matomo eau vei mutou, "Vararua ari gamma gari mae a bibi o, gitou gamma ga koramuria ri ga goiroa Mautu ra Maroka ra te Pago." ¹⁶ Te eia abie vaunini baini a bibi o te eia sautorea auto gitou tsi kaka ta gitou o. ¹⁷ Oioa re Iesu soko tatuga tomie vaunini tetara, a taro ita gomai te Iesu to-tu-ru muga tetara tsi veia arei a maei, "Taro ra vaimari emi ra, Eau ga igoa arova ga e eau abi ra maurira?" ¹⁸ Mate Iesu vei are vararua o vere, "Mavei te mutou vei e Eau re Taro ra vaimari emi ra? A taro ita gamma kokora, e Pago ita mori tsi kokora o. ¹⁹ Mutou ge rovi ta pepere matara veivei vere: 'Gamma bibirie tauaro, gamma ioigo a tavovuro ra toroverira, gamma pakikari, gamma kogono a pepere ra are eita, nomurie tamamu me tsiramu.'" ²⁰ Te a taro veia re Iesu maei, "Taro ra vaimari ra, Eau ge tsitsiria vaimatata ra taumei oio ta samura gu." ²¹ Iesu inoe taro te eia massage taro te Iesu veia re taro maei, "Eme oio so boboto ira atsibo ita. Eme ga pirivu goio sove a totsibo kakara tau me abia siriva ra rove are gitoue vararua ari a totsibo ouka o, mago e me ra abia vurutsi ra mautu ra maroka ra. Yo, gomai tsirimurie eau." ²² Oio mora are eia no oa pepere ra aro, Eia gabumuri a gamma kokora te eia temasi te eia soio to, ira rova eia abia aisa kerira. ²³ Iesu matarau inoe vaunini tetara tsi veia gitou maei, "Ea gama ga koramuri vau ire gitoue vararua ari a totsibo komuko ga goio a mautu kerira te Pago!" ²⁴ Gitoue vaunini tetara vaikegara kabiri oio te gitou ra a pepere ra are Iesu veivei a o. Aramori e Iesu vei rou are vaunini tetara maei, "Vaunini, Mavei ea oio ma vaka ra ri ga goio a mautu kerira te Pago! ²⁵ Ea oio koramuria kamelii ga goiro oioa pupao ra nidelio mago e vararua ari a totsibo ga goio a mautu kerira te Pago." ²⁶ Gitou e vaunini te Iesu no a pepere ra aro te gitou vaipepere kabiri te gitou maei, "Mago erei tsi ga pou emi?" ²⁷ Mate Iesu veia gitou maei, "Oio te gitou e vararua ea gamma koramuri, ge oio te Pago ea koramuri. Ire atotsibo kakara oio te Pago ea koramuri." ²⁸ Iesu veia gitou mae o te Pita veia re Iesu maei, "Me so no, mitou iritaroa totsibo kakara tsi tsirimurie e me i." ²⁹ Te Iesu vei vere, "Sesere matomo Eau veia mutou, eita oio gamma eretaroe tamara o e tsirara o e ratameimarera o e ratavevirera o e ruratura o a ruma mea totsibo nau tetara kokora o Te ra ri ga igoa aigogoru tegaku mea pepere ra te Pago ³⁰ earigama ga abia adetsi ita ra atsibo ari kerira oioa rogo ari mae: a ruma me gitoue taume teitari me taume ratavire me tatsira gitou me vaunini mea magasai, ari pou oioa mausaka ra, vamuria mausaka ra, gitou ga abia mauri ra. ³¹ Aramori e vararua ari mamuga e gitou ga goio vamu ri, ge vararua ari vamu ri ga goio muga." ³² Are gitou tatuga oioa garu goatata te Jerusalemuo, e to oio mamugae gitou. Gitou e vaunini tetara saki, ge vararua ari vamu ri tsitsirie gitou o ge matau. Mate Iesu tora tomie vaunini tetara gomai vaikapopo te eia veia gitou ira arova ga gari oio tetara. ³³ "Ino, mitou goatata te Jerusalemuo, ire e Rature Taro ga e gitou ga e gitou vaigoio e eia oioa rimare gitou muraruga ra aigogoru me tauaro ra kirikesi. Gitou ga biri e eia mago abie eia soio te gitoue Gentaeli. ³⁴ Gitou ga vei suku e eia, kapute vorue eia, vatububutue eia, ga biri e eia. Aramori vamuria a rogo itoru eia ga apuritsi rivu." ³⁵ Jeimsi me Jioni, e ruratu re Sebedi, gomai tetara tsi vei maei, "Taro ra vaimari, mitou masaga e me ga igoa mitou arova e mitou tagie Eme oio vora." ³⁶ Iesu veia gitou maei, "Mutou massage a arova ga eau igoa mutou?" ³⁷ Gitou vera, "Abie miitou ga pou tomie eme oioa mautu neneki taume, ita ga pou oioe pirigata ge ita ga pou oioe kaesi." ³⁸ Aramori e Iesu veia gitou maei, "Mutou gama matagaga ira arova e mutou tagagia ire eau ei. E mutou oio masaga ari ga niu oioa a kapuu are eau niuniu oio vora i o vuivui oioa vurui are eau ga vuivui oio vora o?" ³⁹ Gitou veia re Iesu maei, "Mitou koramuri. "A kapu are eau ga niua nanu oio vora, tomia vurui are eau ga vuivui oio vora o, mutou tai ga vuivui oio vora. ⁴⁰ Aramori e ari ga pou oioa mautu ra maroka ra oioa rima gue pirigata me oioa rima gue kaesi gamma ga koramuria ri ga igogougoru a aigogoru tetara, aramori e gitou are Eia teia aisara gitou o." ⁴¹ Arogoa re gitoue vaunini te Iesu savuru o no a pepere ra are re, gitou soko ta ri vaipou temasi ire Jeimsi me Jioni. ⁴² Iesu tora tomie vaunini tetara gomai vaikapopo te eia veia gitou maei, "Mutou matagaga ire gitou e vararua ari gamma kokora mamugae vararua re Gentaeli ge gitou e muraruga ra aigogoru ga tovomuria ri igoa aigogoru oio ra te gitou. ⁴³ Aramori ea gamma oioa garu ra mae re kabiri tamutou. Ea ri gabutara vaigari ra ri ga gari kerira oio tamutou ga gari mae a taro ra aigogoru te vararua, ⁴⁴ ge eari vaigari ra ri ga mamugae mutou ea ga gari mae a taro ita ra aigogoru te gitou kakara. ⁴⁵ Ire rature Ta-aro gamma gomai terari ga vaimatata totsiboi, ouka eia gomai terari suri, aramori sugutaroa mauri ra ire tatou e vararua ari gamma kokora o." ⁴⁶ Gitou gomai goio a mautu e Jeriko.Oio are Eia eretaroe Jeriko tomie vaunini tetara me vararua nauo, e Rature Timaesu, Bartimeusu, ari a matara masori kaka, poupou oio a pepe ra garu. ⁴⁷ Are eia no mae e Iesu re Nasareti, Eia tatora tsi veivei maei, "Iesu, Rature Devitsi, gogo ire eau!" ⁴⁸ Gitou e vararua komuko vau temasi te gitou veia arei a ga pou. Aramori eia ta ri matomo vau tsi vei maei e Rature Devitsi, go go ire eau!" ⁴⁹ Iesu magiri veia re vaunini tetara ga tore eia. Gitou tore taro matamasori, veia arei a maei, "Gamma matutau! Apuritsi! Eia oio tato re eme." ⁵⁰ Eia kaigareia tovorobo ra tetara oro gara o, magiri matata, tsi goio te Iesu o. ⁵¹ Iesu korie eia tsi vei maei, " Arova e me masagea ga e Eau igoa aume e?" A taro ari gamma noino vere, "Raboni, Eau masagari ga inoe vararua." ⁵² Mago te Iesu veia arei a, "Goio. Tautaurairo tau me veimauri eme." Subui mori ea ino, te eia tsirimurie eiao.