Tabe Tong Filemon ¹ Erai butung ab da Filemon, sahabat nelang uyang kain! Ab, da Paulus, erai ulun tahanan leka ene Kristus Yesus, sendro ali erai butung taka da Timotius, nulis surat tong ko. ² nelang tong jemaat ye bekumpul te belai kam; ade tong erai butung taka bawe, da Apfia ali uyang seperjuangan taka, da Arkhipus. ³ Kain harap mudahan Allah Ma taka Tuhan Yesus Kristus ngokoi berkat nelang damai sejahtera tong taka. Ucapan Syukur Suang Iman Ali Kasi Filemon ⁴ Semu kali Ab bedoa, ab ngutus aran erai butung nelang ngotus terima kasih tong Allah. ⁵ Leka ab keringa erai butung bene-bene percaya tong Tuhan Yesus nelang kasih kawus ulun tong Allah ⁶ Ab bedoa mudahan taka erai butung yelah kawan ulun percaya sagar mahan pengentaru ye lewi solai leka kawan berkat ye naan taka sendro ali Kristus. ⁷ Erai butung ab Filemon, kasih ab ali kawus ulun na Allah, Pe ego ab nelang ngokoi semangat tong ab! Kawus ulun na Allah apu ego leka erai butung. ⁸ Leka nget iro, ye lah erai ke ulun erai butung ye sameh ke percayaan , ab tau merintah ko dian ngene se ye harus na ene ko ⁹ et leka ab mengasihi ko ab je kaweng ko. Ab, Paulus ke ulun tuha nelang neke desung na tahan te penjara leka Kristus Yesus. ¹⁰ Ab, da Paulus empe erai pengaweng tong ko nget da Onesimus, anak ab leka te suang penjara ihe ab apu jaji ma rohani da. ¹¹ one diru ye da beloh bedi tong ko, et nehe da bedi, sa je tong ko, et tong ab ade. ¹² Nehe ulun ye na kasihi ab iro ab ngirim mulik tong ko. ¹³ Sebene ye ab kakan nahan da sendro ab ye iro pengganti ko, dian da tau membantu ab, seola ab na tahan te suang penjara ihe leka ngulek kabar buen ke Allah. ¹⁴ Et, ab sa kakan ngene se aka ko male setuju. Ab kakan tatau aka ko nampelos ye ali kerelaan ate ab gegales ab sa kakan maksa ko. ¹⁵ Tau ade da Onesimus apu bepisah ali ko kengola ihe dian ko tau mahan da eso tong kengola ola ye. ¹⁶ Nehe da sa je erai ke ulun budak tong ko da lewi ke iro. Da he ade sameh ulun Kristen ye na kekasih. Da be di bene tong ab, makin ye tong ko be pasti da be di bene nget ye lei budak apu nget erai ulun erai butung suang Tuhan. ¹⁷ Leka, sebab iro, leka ko nganggap ab uyang ko sameh kristen, ayu terima eso da Onesimus sameh nget ko nerima ab. ¹⁸ Aka da salah atawa beutang ali ko, dio ye ab nanggung kawus ye iro. ¹⁹ Ab Paulus, nehe ab dion ye ab gegales nyurat engau ihe, "Ab sagar bayar kawus ye. Ab sa perlu pekingat nget ko gegales naan utang ali ab, yeiro pemulum ko ye kone nget ye ulun kristen. ²⁰ Leka iro demi Tuhan ko awat ab, empe ego ate ab nget erai butung te suang Kristus. ²¹ Ab nulis surat ihe leka ab harap ko sagar ngene se ye naawen ab likan ab ketoan ko sagar ngene lewi ke iro. ²² Uli iro, awat nyedia kamar tong ab te belai ko, leka ab harap Allah mulur doa kawan erai butung kawus pelos ngoit ab mulik nuju kam. Tabe Te Pengawus ²³ Da Epafras ye naan sendro ab te suang penjara leka ene Yesus Kristus, ngirim tabe tong kam. ²⁴ Terima ade tabe kawan uyang ab da Markus, da Aristarkhus, da Demas ali da Lukas. ²⁵ Anugerah ke Tuhan Yesus Kristus memberkati kam.