¹ Yesus ngulek tong kawan ulun ye siut, kawan hal ye ngene ulun bedosa pasti sagar naan. et celaka ulun ye ngene koe. ² Lewi buen aka batu gilingan na suruk tai biung da, belalu da na obet tong suang laut, ke da ngene sebab erai keulun ke kawan ulun idis ihe bedosa. ³ Leka iro buen kam waspada,! aka erai butung ko bedosa, tagur da. aka da menyesal, ampun da. ⁴ Aka da bedosa tong ko turu kali erai olo nelang tiap kali sulet demasu da pelos ngulek, kaweng maaf, ampun da." Kuasa Iman. ⁵ Kawan rasul ngulek tong Tuhan, tameh lah iman kain. ⁶ Tuhan nuing.," Aka kam naan iman nget kesolai insoi sesawi, kam tau ngulek tong tongga murbei ihe, tebubut lah ko ketana teule tai laut. pasti tongga iro sagar taat perintah ko. Pelayan ye taat perintah tuan da. ⁷ Peribahasa ye erai keulun ke kam naan pelayan ye mengkoe te ume atawa mekatik bebiri. aka pelayan iro uli, se da ngulek tong pelayan da, ko lekah man. ⁸ Betantu sa,! kebalikan ye da sagar ngulek tong pelayan iro," sedia maka okan tong ab, pakai pakaian ye berasih nelang jaga ab pedingian ab man isep, uli iro ko ahan man. ⁹ Se kah ? Pelayan iro sa perlu na terimakasih ene apu taat perintah tuan ye. ¹⁰ Nget iro ade kam. aka kam apu nampelos kawus ye naperintah tong kam, uleklah." kain je pelayan biasa ; kain je nempelos kewajiban kain. Sepuluh ulun kusta napebome. ¹¹ Tesuang alan elui tong Yerusalem,Yesus lalo daerah perbatasan Samaria ali Galilea. ¹² Kede litep erai jaa, da na dasu sepuluh keulun bekadan. dali jakat ke oro. ¹³ Nelang nook," yesus.! tuan.! ketasilah kain. ¹⁴ Kede Yesus kite dali, Da ngulek, alan demasu kawan imam, aweng dali meriksa unuk kam.desung dali malan, penyakit dali jaweh. ¹⁵ Kede erai keulun kedali kesa da apu bome, da mulik nelang ego ngehormat Allah. ¹⁶ Belalu da sujut tai hadapan Yesus, ngulek terimakasih tong da. Ulun iro erai keulun Samaria. ¹⁷ Belalu Yesus ngulek," sasih naan sepuluh keulun ye na pebome.? te kame ye sie keulun eso. ¹⁸ Kone me je erai keulun asing ihe ye mulik ngotus terimakasih tong Allah. ¹⁹ Belalu Yesus ngulek tong ulun iro, "buet, alan tulak leka ko percaya tong ab ko bome. Penyulet kerajaan Allah. ²⁰ Sasenu ulun Farisi nyituk tong Yesus kede me Allah sulet dian merintah. Yesus nuing, pemerintah Allah sa tela ali kawan tanda ye tau na ite ulun. ²¹ empe ulun tau ngulek, ayu teneng, ihe da.! atawa, te biduh da.! leka Allah apu mulai merintah te botuk - botuk kam. ²² Uli iro Yesus ngulek tong kawan ulun ye siut da. sagar sulet wayah ye kam tau kite erai olo ke kawan olo anak meresia, et kam sa kate kite ye. ²³ Nende ulun sagar ngulek tong kam. ite. te biro.! atawa ite, tai behe.! et ya kam keluar ngeto da. Penyulet anak meresia. ²⁴ nget leen ilap ye beamba te langit besen sila, nget iro ade nede keadaan anak meresia te olo na ye. ²⁵ Et nyentela ye da harus deo kesa kenarean nelang sa naterima ene kawan ulun jaman nehe. ²⁶ Te olo anak meresia na petendre one ye. keadaan ye nget te jaman Nuh one. ²⁷ ulun man isep, peruku tarus nget iro empe da Nuh litep tong suang kapal belalu baah sulet nelang nempate kawan ulun kawus ye. ²⁸ Sameh nget te jaman Lot. ulun man isep, ngejual, sekule nelang ngebuet belai. ²⁹ Et kede da Lo keluar neke Sodom, te olo iro apui ali belerang lotu ke langit pelos ngabinasa dali kawus. ³⁰ nget iro keadaan ye nede te olo anak meresia na petendre. ³¹ Te olo iro ulun ye rahat naan te munan sapo belai ya naan dolui dian ngepe kawan barang ye naan te suang belai. nget iro ade ulun ye rahat te ume ya uli tong belai ye. ³² Ingat se - se ye apu kune sao Lot. ³³ ulun ye ngeto nyelamat pemolum ye, sagar kejawehan pemolum ye. et ulun ye kejawehan pemolum ye sagar nyelamat pemolum ye. ³⁴ Percaya leh ; te malem iro, due keulun desung turui te erai ranjang.erai keulun sagar na oit, erai keulun na ikah. ³⁵ Due ke ulun bawe desung mengiling gandum,erai keulun sagar na oit,erai keulun sagar na ikah. ³⁶ Due keulun rahat begawi te ume,erai keulun sagar na oit, erai keulun na ikah. ³⁷ Kawan ulun ye siut Yesus nyituk, te kame hal iro sagar terjaai Tuhan.? Yesus nuing," te kame naan bangkei,te biro naan tempulu pengokan bangkei..