¹ Ketasi Kawus Ulun Kawan erai butung ab, ya patendre iman ko suang Tuhan taka ye mulia, Yesus Kristus, ya ngebiah-biah ulun. ² Aka naan ulun ye sulet tong belai sembayan Allah, da nunang sinsin amas ali bakarut ye buen nelang larang suang desung ye sama, uli kero sulet ade ulun susah ye bekarut ye daat, ³ belalu ko ngokoi lewi hormat tong ulun ye bekarut buen iro ali ngulek tong da, ayu tuan tuet tai nuna ye buen, " et tong ulun ye susah iro ko ngulek , " jakat te biro !, atawa "tuet te dani poo ab !" ⁴ Sa sih ko apu ngebiah leen ulun ali jaji pengadilan ali pikiran-pikiran ye sa buen daat? ⁵ Kawan erai butung ye na kasih ab, dingga, sa sih Allah apu meli ulun ye susah te mate dunia di jaji tatau suang iman ali ngewaris Kerajaan Allah ye ne apu na janji tong dali ye mengasihi Da? ⁶ Et ko apu ngehina ulun susah. Sa ye ulun tatau ye nindas ko ali nyujut ko tong pengadilan? ⁷ Sa sih dali ye nge wawarah Aran ye nahormat buen, ye leka da ko na toak? ⁸ Aka ko nge jalan hukum utama sama ali Kitab Suci, ye iro " Asilah sesama ko meresia nget unuk ko gegales," ko apu ngene ye bene buen. ⁹ Aka ko ngebiah ulun, ko ngene dosa ali na ulek hukum ene ye hukum. ¹⁰ Dese ye taat kawus hukum, tetapi ore menaati erai bagian ye, da basala nangkawe kawus hukum iro. ¹¹ Leka, Da ye ngulek, " ya bezinah, " ali ngulek, " ya munu." Jaji, aka ko sa ngene perzinahan, et ko munu, ko apu jaji ngelanggar hukum iro. ¹² Bepander ali betindak nget ulun-ulun ye sagar na adili ali hukum ye ngebebas. ¹³ Leka, pengadilan sa sagar naan maka asi tong ulun ye sa nundru belas asi; belas asi sagar manang suang pengadilan. ¹⁷ Iman Beloh Naan Pengkoe Ye Iro Mate ¹⁴ Kawan erai butung ab, se si di ye erai ulun ngulek nget da naan iman, aka da beloh naan pengkoe? mahanlah iman iro nyelamat da? ¹⁵ Aka erai ulun erai butung upo ali erai butung bawe beloh naan karut ali nelang perlu pengokan tiap alo, ¹⁶ ali erai ulun te ekang ko ngulek tong da, " tulak suang damai, mudahan unuk ko napalayeng ali na tamboting," et ko sa ngakoi tong da se ye perlu di unuk da, se guna de iro? ¹⁷ Nget iro ade iman , aka iman sa na pasendro ali pengkoe-pengkoe, nget dasar ye iman iro mate. ¹⁸ Tau, ade naan ye ngulek, " ko naan iman , ali ab naan pengkoe ." Ali ab sagar ngejawab, " tundru iman ko ye beloh naan pengkoe , ali ab sagar nundru iman ko ali pengkoe. ¹⁹ Ko persaya nge Allah iro erai. Iro bene. Roh-roh daat ade persaya ali dali seketek takut. ²⁰ Hei ulun galu! hakun si ko percaya nget iman beloh naan pengkoe ye iro sia-sia? ²¹ Sa sih Abraham, ma taka, ne terima leka pengkoe-pengkoe kede da nyarah Ishak, tia da, te mundan altar. ²² Teneng nget iman meng koe sama ali pengkoe-pengkoe, da ali pengkoe-pengkoe , iman ye sempurna patut buen. ²³ Na pesukup se ye na otus Kitab Suci, " Abraham percaya tong Allah ali iro na terima na hitung tong da nget kebenean, ali na ulek " sahabat uyang dari Allah." ²⁴ Jaji, ko teneng leka ke pengkoe ulun di bene kune, sa leka iman a. ²⁵ Leka iro, sa si Rahab, ye sundal iro, na pe bene leka pengkoe kede da nerima pengintai Israel ali pelayan dali ngawat tulak mensit lalo alan ye bali? ²⁶ Jaji sama nget unuk eloh naan roh ye iro mate, nget iro ade iman eloh naan pengkoe sama lei mate.