¹ Kam puna kawan anak Allah ye na kasihi, leka iro kam harus bolum ngecontoh Allah. ² Kone kam bolum te suang kasih, nget Kristus ade mengasihi taka, Da ngurban unuk Da tong taka, nget erai kurban ye harum nelang pesanang ate Allah ³ Kam puna ulun na Allah, leka ioro kawan pengkoe ye pokeng nelang sa senunuh, atawa beloh patut naan te botuk kam, ya empe ulun bali naan tujuan ngulek kam ngene kawan hal ye nget iro. ⁴ Beloh patut ade tong kam ngotus kawan ye daat, ye pokeng nelang sa pantas. Kebalikan ye kone kam ngotus terima kasih tong Allah ⁵ Pentaru bebuen: ulun ye dasar ye pokeng, atawa beloh senunuh atawa kakan ngepe, (ye dasar nget iro sameh ali nyembah berhala), ulun iro beloh tau jaji ulun pelian Allah ye na perintah ene Kristus ali Allah. ⁶ Ya kam tetipu ene kawan pepaneran ye sa bedi, ene leka kawan hal ihe ye nimbul merikong Allah nengkawe kawan ulun ye sa ngunau tong da. ⁷ Jaji, ya budas mapakat atawa sendro ali kawan ulun nget iro. ⁸ Kam gegales one bayuh nondo te suang dendem. Nehe kam apu jaji ulun na Tuhan, kam nondo te suang ma'a, leka sebab iro, kam harus bolum te suang maa. ⁹ Leka ke maa iro keluar kawan macam pengkoe ye buen, adil nelang mengkoreng bujur te pengite Allah. ¹⁰ Kone ngeto mentaru ye se pesanang ate Tuhan, ¹¹ Ya ngene kawan pengkoe ye sa bedi ye na ene kawan ulun ye bolum te suang dendem, kebalikan ye , ene kam ngebuka petendre kawan hal modeliro. ¹² Ene kawan hal ye na ene dali menteng-menteng iro, ngene dipander sika apu maka mangen. ¹³ Kawan nget kawus ye na pebelawoi te suang maa sagar ite ali jelas. ¹⁴ Ene ola ke kawusye tau na teneng ali nyata, puna ma'a iro sebab ye naan engan. Buet hei ko ye tukan turui nelang buet ke pempate! Kristus sagar beamba te mundan ko." ¹⁵ Leka iro perhati bebuen cara bolum ko. Ya bolum nget kawan ulun da'i, bolum nget kawan ulun merahati. ¹⁶ Pakai ali buen nungkukesempatan ye naan te ko leka masa ihe puna wayah ye daat. ¹⁷ Ya golu, et selidiki se na ga ene Tuhan. ¹⁸ Ya kam mabuk leka anggur, leka iro ngerusak kam. Kebalikan ye, kone kam nekuasa ene Roh Allah. ¹⁹ Pakai kawan engan ke Mazmur, Kidung pujian, ali nyanyian rohani nelang nyanyian hormat tong Tuhan. ²⁰ Kone kam nget te kawus seleur ngotus terimakasih tong Allag ma'a te suang aran Yesus Kristus. Nasehat Tong Ulun Mensao (Tuha upoali tuha bawe) ²¹ Dian ngehormat Kristus, ware kam tunduk erai ali ye bali. ²² Tuha bawe buen tunduk tong tuha upo ye, nget tunduk tong Tuhan. ²³ Leka tuha upo ye iro kepala tong tuha bawe ye. Sameh nget Kristus jaji kepala tong jemaatr nelang da gegales ade Raja Penyelamat tong jemaat ye jaji unuk ye. ²⁴ Sameh nget jemaat tunduk tong Kristus, nget iro ade te suang ke kawus tuha bawe patut tunduk tong tuha upo. ²⁵ Tuha upo, buen kasihtong tuha bawe ye, sameh nget Kristus kasih jemaat nelang ngurban unuk ye dian tong jemaat iro. ²⁶ Kristus nampelor iro dian Da mahan ngeberasih jemaat iro makai ajaran ye ali lalo danum baptisan, dian di olo da mahan nyarah jemaat da tong Allah. ²⁷ Ali nget iro Kristus ngene jemaat iro jakat ali mulia nelang berasih te hadapan da, ali beloh naan nawada atawa daat ²⁸ Nget iro ade tuha upo buen kasih tong tuha bawe ye nget da kasih unuk da. ²⁹ Beloh usah naan ulun ye merikang unuk da gegales kebalikan ye, da melihara nelang nyaga ye nget Kristus ade melihara jemaat ye. ³⁰ Taka ketoan iro, ene taka puna kawan anggota unuk Kristus. ³¹ Te suang Surat berasih ne surat, "Leka iro erai ke ulun upo sagar ngikah ne-ma da dian sendro erai runa ali tuha bawe da, belaku kedue ye sagar jaji erai". ³² Nget iro naan arti ye mendalam: nelang ab ngoit iro nget hubungan Kristus ali jemaat. ³³ Et ayat ihe naan hubungan ye ade ali kam; buen tiap tuha upo kasih tong tuha bawe ye ngetbda kasih unuk gegales nelang buen tiap tuha bawe ngeto dian ngehormat tuha upo ye.