¹ Ukan kah aku ituk bibas? Ukan kah aku ituk kalak ngeliat Yesus Tuhan kita? Ukan kah kian kawan sekeheja aku alam Tuhan? ² Entik aku ukan seuhang hasul bagi uhang lain, palin nda aku hasul bagi nuan. Kehena nuan meh bukti kehasulan aku alam Tuhan. ³ Ituk meh pembila aku ahung sidak yang nguji aku: ⁴ Apa kita nisik ada hak untuk makan minum? ⁵ Apa kita nisik hak ngemaik bini yang pecayak, baka yang sidak hasul yang lain, dan bala kaban Tuhan, dan Klefas? ⁶ Atau apa hanya aku dan Barnabas magang yang ahus bekeheja? ⁷ Ada nda tentaha yang bepehang makai duit ia kedihik? Ada nda yang nanam kebun angguh alu nda makan buah ia? Atau ada nda yang miaha dumba ia alu nda minum susu dahi dumba ia? ⁸ Apa aku ngumung baka ituk ngimbai kuasa mensia? Ukan kah ukum bandai baka iyak ugak? ⁹ Kehena bisik ditulis alam ukum Musa," Anang munuh lembu laki entik agik ngundas gandum."Apa lembu yang di pantau Allah? ¹⁰ Apa Ia nda bekisah masalah kita ? Ituk udah ditulis untuk kita, kehena sepa yang membajak ahus membajak alam pengahapan, dan sepa yang ngundas ahus ngundas alam pengantik pakai bebagi hasil panen. ¹¹ Entik kita udah ngelabuh benih ruhani di entaha kian, belebih kah bagi kami untuk ngambik hasil behupa bahang dahi nuan? ¹² Entik yang lain ngambik hak ituk dahi nuan, apa kami netau bulih lebih agik ? Walaupun baka iyak kami nda ngakuk hak iyak. Tapi sebalit iya kami yang ngemaik pemedih apa yang ngehalang injil Kristus. ¹³ Apa nuan nda ketau, bahwa sepa yang bekeheja alam bait Allah bulih makan dahi iyak. Nda ketau meh nuan bahwa sepa yang ngelayan mesbah bulih pemakan dahi yang dibehik ahung mesbah? ¹⁴ Baka iyak ugak meh Tuhan udah madah ke kita bahwa sepa yang udah madah behita injil, ia ahus bulih pengidup dahi injil. ¹⁵ Tapi aku nda ngakuk hak iyak. Akupun nda nulis hal baka ituk yang nyuhuh utan tejadi ahung aku. Lebih bait aku mati dahi pada nda ngakuk apa yang aku kehambik ituk. ¹⁶ Kehena entik aku bekutbah tentang injil, nisik alasan pakai aku bebangga, kehena aku ahus ngeheja iyak. Entik aku nda bekutbah ke injil, aku celaka! ¹⁷ Kehena entik aku ngeheja ituk secaha suka hila. aku bulih upah. Tapi entik nda secaha suka hila, aku lagik bisik tanggung jawab yang udah dibehik ahung aku. ¹⁸ Alu apa upah aku? Bahwa entik aku bekutbah aku mehik injil tanpa dibayah aku sama sekali nda nguna hak aku alam injil. ¹⁹ Sebab sekihapun aku bibas dahi semua ituk, aku udah jadi ulun dahi semua, isak aku setalah mungkin nenang lebih banyak agik. ²⁰ Ahung uhang Yahudi aku jadi uhang Yahudi, isak uhang Yahudi tenang. Ahung uhang yang pecayak ke ukum Taurat, aku ngimbai sidak ugak, isak sidak iyak tenang. Aku bekeheja baka iyak walaupun aku nda behada dibabah ukum Taurat ( ada yang ngimbai gaya lamak nudi bagian luah.) ( Aku ngelaku keheja iyak, walaupun aku nda behada dibabah ukum aku kedihik.) ²¹ Ahung uhang yang diluah ukum Taurat, aku ngimbai baka sidak iyak ugak, walaupun aku kedihik nda diluah ukum Allah, tapi dibabah ukum Kristus. Aku ngelaku hal ituk, isak sidak yang diluah ukum Taurat tenang. ²² Ahung uhang yang lemah aku jadi lemah, isak uhang yang lemah tenang. Aku udah jadi semua utan untuk semua uhang, isak aku dengan segala maksud talah nyelamat bebehapa uhang. ²³ Aku bekeheja baka ituk, pakai kepentingan injil, sepaya aku tau bekeheja sama alam behekat iyak. ²⁴ Apa nuan nda ketau alam pemain semua pelahi bembuang alam sutik petanding hanya suhang magang yang bulih hadiah? Maka dahi iyak bembuang meh pakai ngemenang hadiah. ²⁵ Seuhang pemain ahus tehus ngelatih nguasa dihik alam semua latih. Sidak bekeja baka iyak pakai nehimak bunga yang nda tan lamak, tapi kita bembuang pakai nehimak bunga yang netau layuk. ²⁶ Kehena iyak meh aku nda mbuang tanpa nisik penuju, atau aku hanya ngucuh angin. ²⁷ Tapi aku ngehendah dihik jadi uhang ulun, hingga abis aku bekutbah ahung uhang lain, aku nda kenak ukum