¹ Pikeran Macam Kristus Jadi, man dalam Kristus bisi dorongan semangat, pehiboran kaseh, pesekutuan Roh, Kaseh sayang, wan bolas kasehan, ² sempurnaan am sukakcitaku agan sehati sepikeran, man bisi kaseh yang sama, dipersatuan dalam roh , wan bisi sutek tujuan. ³ Jangan melakuan ngpa bay ajat ambisi yang egois antah bay kesombongan yang sia; tapi bay agan kerondahan hati, anggaplah urang lain lobeh ponting dari pada diri kolay surang. ⁴ Janganlah surang-surang kolay meliat kepontingan kolay surang, tetapi bay samaam macam kepontingan urang lain. ⁵ Biaram pikeran ini bisi bisi di antara hundin, macam ngpa yang bisi di milikek oleh Yesus Kristus, ⁶ yang biar bay memeilikek rupa Allah, inya tah meanggap kesetaraan nyak ak agan Allah inyan tay sebagai sesuatu yang asak di pertahanan. ⁷ Sebaleknyak, inya membuat dirinytak tah memilikek ngapa-ngpa ak wan mehambaan budak dirinyak macam budakuntok menjadi macam rupa manusia. ⁸ Dalam keadaaknyak sebagay manusia, inya merondahan diri nyak agan taat sampai mati, malah bay mati di kayu salib. ⁹ Untok alasan iniam, Allah saja meninggian nyak wan meanugrahan ke inya nama di atas segala nama ¹⁰ supaya dalam nama Yesus, setiap bekutut-belutut -- baik yang bisi di langit, yang bisi dibumi, hondak bay yang bisi di bawah bumi-- ¹¹ Wan setiap lidah mengakok ek Kristus Yesus adalah Tuhan, bagi kemuliaan Allah, sang Bapa! Allah bekeroja di dalam kita ¹² Lobay inyan am, dulor-kabanku yang tekaseh, macam ngapa hundin kuntan taat am, bukan hajak pas aku bisi samaan hundin, lobeh gek ini nin pas aku tah samaan hundin ak, kerojan am keselamatan hundin agan golak wan gontar. ¹³ Lobay Allah nam yang bekeroja di dalam hundin nan, baek untok mehondakek hondak bay untok mengerojaan ngapa yang menyonangan-Nyak. ¹⁴ Lakuan am semua nyan nan wan tah menggerutu atau membantah ¹⁵ supaya hundin tah becacat wan tah besalah, sebagai anak allah yang tah becola di tongah-tongah generasi yang bengkok wan sosat ini nin, sehingga hundin besinar diantara siak sebagai torang dunia. ¹⁶ Begiting am kekuat ke Firman kehidupan supaya pas hari Kristus, aku nisi alasan untok bemogah bahwa aku nin tah ku bekojut agan sia-sia wan bekeroja koras sia-sia ak. ¹⁷ Biar bay aku asak dicurahan macam cawan persombahan dipucok kurbann wan pelayanan iman hundin, aku sukak wan rindang wan segegala hundin am. ¹⁸ Macam inyan am juak am hundin, wan alasan yang sama, sukak rindang dam samaan aku. Paulus Meutus Timotius wan Epafroditus ¹⁹ Dalam Tuhan Yesus, aku beharap uleh copat-copat am meutus Timotius ke Kolay supaya aku dihiboran pas mendongai kabar tontang kolay. ²⁰ Lobay, aku hadak urang lain macam inya, yang saja tulus memedulian kesejahteraan kolay. ²¹ Lobay, yang lain nan kah sibok memedulian kepontingan siak surang, bukan nyak kepontingan Kristus Yesus ak. ²² Macam yang kolay tahu, Timotius udah membuktian dirinyak beharga, inya melayanek samaan aku am demi kemajuan pemberitaan Injil macam seurang anak wan bopak nyak. ²³ Lobay inyan am, aku beharap uleh meutus inya asak udah mengetahuek ngapa yang kay tejadi wan aku, ²⁴ bak aku pecaya ke Tuhan bahwa aku surang akay datang juak am ke kolay. ²⁵ Tapi bay, aku bepiker perolu juak am meutus Epafroditus ke kolay. Inya nan dulorku, kaban sepelayananku, kaban seperjuanganku. wan urang yang membawak posan ke kolay juak am agan yang melayanek kebutuhanku. ²⁶ Lobay, inya saja tegonang wan hundin bak saja susah hati nyaj lobay kolay mendongai bahwa inya kebojian. ²⁷ Saja bay, lohu tay inya cam inyan am boji sampai hamper mati am, hajak Allah menunjokan bolas kaseh ke inya -- bak tah hajak ke inya ak, ke aku juak am -- supaya dukacitaku antah betumpok-tumpok. ²⁸ Lobay inyan am, aku saja yakin akay meutus nyak gek am ke kolay supaya kolay uleh besukakcita pas menampai nyak gek am, wan bekuyangam kekhawatiranku. ²⁹ Sambut dam Epafroditus nan dalam Tuhan wan ponuh sukakcita agan hormatek urang-urang yang macam inya ³⁰ lobay inya hamper mati demi pekerojaan Kristus; inya mempetarohan nyawa nyak untok menggantian bantuan yang tah kay uleh kolay borekan ke aku ak.