¹ Demeh hent, ku meh kirih sebuah nyige tebuka ang sorga, ngan suara matine, de ku mehkeping remeng suara trompet mehgomong denganku, neyena, ''Nyekehlah neg ti ngan Eku ra mehpayanne ngasagmu nih de harus terjadi demes ti.'' ² Saat hent legi, ku dogkuasane Roh*ngan kirihlah, sebuah takhta deh ang sorga ngan ni urang nya nguru ang semu takhta hent. ³ Ngan ,Depne de nguru ang semu takhta hent, mayan remeng batuh permata yaspis ngan sardis; ngan deh sebuah pelangi ang sekeliling takhta hent, de dogkirih remeng zamrud. ⁴ Ang sekeliling takhta hent deh duweh puruh empat takhta ngan ang semu takhta hent ku mehkirih duweh puruh empat nyatuh-nyatuh* nguru, mehmengi jubah buda ngan mahkota-mahkota emas deh ang baak ne dent. ⁵ Ngan, mesu takhta hent luwah kilat petir ngan gemuruh suara guntur. Ngan, deh iju dian de bejilau ang takhta hent, de edehlah iju Roh Tempa. ⁶ Ngan, ang jewi takhta hent legi dogdeput sesuatu remeng lautne kaca, remeng kristal. ang tedo nagn ang sekeliling takhta hent deh empat makhluk de puno dengan meteh ang bagian jewi ngan kenangne. ⁷ Makhluk de pertama remeng ni bireng singa, ngan makhluk de keduweh remeng ni bireng sapi dari, ngan makhluk de ketaruh berjewi remeng mesia, ngan makhluk de keempat remeng ni bireng mannuk beuh de deeg ne celing. ⁸ Keempat makhluk hent masing-masing mehgenpune enem irad de puno dengan meteh, baik sisi sepa maupun uhane; nyewa ngan ngarem, keempat makhluk hent kade dehkelak ne ngenai ne nyena, ''Kudus,Kudus kuduslah Tuhan, Tempa De Mahakuasa, de mes deh, de deh ngan de ra mendeg.'' ⁹ Ngan, setiap kali makhluk-makhluk hent mehnyogonnen kemuliaan, hormat, ngan ucapan syukur ngasag Depne de nguru ang semu takhta, de mudip selama-lamane, ¹⁰ keduweh puruh empat nyatuuh-nyatuuh hent sujud ang jewi Depne de nguru ang semu takhta hent, ngan mehyembahne nyahent de mudip selama-lamane hent, ngan mehgelemparne mahkota hent sambil neyena, ¹¹ ''Ya Tuhan ngan Tempa mi, Ekam layak mehgerima kemuliaan, hormat, ngan kuasa karena Ekam meh mehgunnane segala sesuatu ngan karena kehendak- Kam semua hent deh ngan dogtunnane.''