24 ¹ lima ari sataruse atakng lah imam ayak barage rage basangahe urakng nang tuha, dikoa ada uga pangacara badama Tertulus.kabatn'ne ngadap ka wali negri tarus nyampeatn dakwan'ne ka Paulus. ² Di nyarulah Paulus ngadap tarus Tertulus mulai'k dakwa ia, jakatae:" Felik nang mulia , karana usaha nyu kami tarus ngarasai'k sejahtera, lalu karana kao bijaksana uga manyak kabaikatn talaksana untuk nagari kami. ³ Samuae koa ba di mae - mae pun kami tarima, batarimakasih sidi. ⁴ Supaya ame talalu manyak ngabisatn waktu nyu, aku mintak supaya kao dangaratn kami sabantar ma'an pake kamurahatn atinyu nang terkenal koa. ⁵ dah jalas ka kami,kade uraknh nyian panyakit ssampar, urakng nang minjawat pakara ka antara samua urakng Yahudi ka saluruh dunia nang baradat, tarus ia uga seko tokoh dari sekte urakng Nasrani, ⁶ Malahan ia nyoba ngalangar Bait Allah. karana koa kami naap ia tarus mao ngadili'a ia manurut ukum taurat kami. ⁷ Tapi kapal pasukan Lasias atakng nyegah kami tarus ngarabut ia pake kakarasatn dari kokot kami, ⁸ lalu nyuruh para pandakwa atakng ngadap ka kao, kade kao babaro mareksa ia, barulah kao nahuik ahe nang kami nuduhatn ka ia. ⁹ urakng - urakng Yahudi uga dukung dakwaan koa tarus bakata, kade pakara nyian batol aya koa. ¹⁰ Lalu wali Negri koa mare isarat ka Paulus , kade ia muih bakata, lalu bakata lah Paulus:" Aku nau'an kade kao dah batahutn tahutn lamae jaji hakin nagari nyian. maka koa aku ina'k ragu - ragu bela pakara ku nyian ka adaapatn nyu: ¹¹ " kao bisa mastiatn , kade inak labih dua balas ari nang de'e aku atakng ka Yerusalem untu'k sambahyang. ¹² inak paranah urakng namuik aku batangkar ba sae pun ato minjawat kaributan ,, baik ka daapm Bait Allah mao pun ka daapm ka kota. ¹³ tarus kabatn'ne inak bisa buktiatn ka kao, ahe nang kabatn'ne nuduhatn ka aku ¹⁴ tapi aku ngakoik ka ako, kade aku berbakti ka Allah enek moyang kami ba cara nuna,an maraga jubata, yakoa maraga nang kabatn'ne nyabut sekte. Aku picaya ka samua nang ada di nulis ka daapm ukum taurat ba nang ada ka daapm kitab Nabi - Nabi. ¹⁵ Aku narohik arapan ka Allah, sama aya kabatn'ne uga, kabankitan urakng mati koa ada, baik urakng nang banar mao pun urakng inak banar, ¹⁶ karana koa aku salalu barusaha untu'k idup pake ati nurani ka adapatn Allah ba Manusia. ¹⁷ Lalu abis koa sangahe tahutn lamae,Aku atakng agi ka Yerusalem untu'k ngicakng pamareatn nagari ku untu'k nyambahatn pasembahan - pasembahan. ¹⁸ Samintara aku nglakuatn samua koa, ba sangahe urakng Yahudi umpat ka asia namuik aku ka daapm bait Allah, akak aku mentahiratn dirik ku, tampa urakng manyak ba kaributan, ¹⁹ kabatn'ne lah nang aruse ka kao dian tarus ngajuatn dakwaan kabatn'ne, kade kabatn'ne ada parihal ka aku. ²⁰ biaratn lah urakng - urakng nang ada ka dian angkitn matakatn kajahatatn ahe nang kabatn'ne namui, pas aku di ngadapatn ka makamah agama. ²¹ ato kahe karana omongan nang ku ngataatn, pas waktu aku badiri ka tangah - tangah kabatn'ne, parihal kabangkitatn urakng mati, lalu aku ari nyain di ngadapatn ka kao. ²² Tapi Feliks nang batol - batol nahuik maraga Jubata, nagasatn pakara kabatn'ne, jakatae:" pas atakng kapala pasukan ka dian, aku nang naap kaputusan ka daapm pakara nyu. ²³ tapi ia nyuruh perwira di koa tatap nahan Paulus, tapi pake tahanan rehetn, tarus inak muih ngalarang ayukg - ayukng'e ngalayanik ia. ²⁴ Pas dah sangahe ari lamae atakng lah feliks ba sabikatn'ne Drusila, urakng Yahudi:" ia nyuruh nyaruk Paulus, lalu nangar dari ia nganai ka picayakatn ka Yesus kristus. ²⁵ Pas Paulus bakata masalah kabanaratn,panguasaan dirik ba penghakiman nang akan atakng. Feliks jaji gai'k tarus bakata:" cukup lah doho angkitn ampuslah :" kade ada kasampatan nang gagas, aku pane nyaruk kao agi. ²⁶ Samintar koa ia baharap, kade Paulus mao mare'a duit ka ia, karana koa pancah ia nyaruk Paulus untu'k baromong ba ia. ²⁷ pas ganap dua tahutn , Feliks di ganti di ferkius festus, untu'k naap ati urakng Yahudi, ia ngabiaratn Paulus tatap ka daapm pinjara.