Urangk dari Gadara dingelapas dari Roh Jahat ¹ sampelah ayungk ka sabarang danao, ka kampong urangk urangk Gadara. ² pas Yesus turunt dari perahu , dengan capat urangk dari kuburan nang karasukan roh kotor betamu Yesus. ³ Ia tinggal ka dalamp kuburan-kuburan. Nanak ada urangk nang sanggup ngikat ia agik, bahkan dengan rantai. ⁴ Barang, ia nak sering diikat dengan balanggu kaki dan rantai, tapi ia mutus rantainya dan matah balanggunya. Nanak ada sotek pun nang cukup kuat untok nudukan ia. ⁵ Satiap siang dan malam, ia ngampak ka kuburan dan ka bukit-bukit dan ngelukai ia sorangk dengan batu. ⁶ Pas urangk nak nelek Yesus dari jauh, ia batelamak dan nyembah ka hadapan Yesus. ⁷ Lalu, sambil ngampak dengan suara karas ia bakata, "Ape urusan antara aku dengan Kao, Yesus, Anak Allah Nang Mahatinggi? Aku mohon ka-Kao demi Allah, usah nyiksaku!" ⁸ Barang, Yesus nak bakata ka ia, "Kaluarlah dari urangk nak, hao roh kotor!" ⁹ Lalu, Yesus batanya ka urangk nak, "Sape namaku?" Dan ia nyawab, "Namaku Legion barang kami manyak." ¹⁰ Ia bakali-kali mohon ka Yesus supaya nanak ngusir ayungk a sari kampong nak. ¹¹ Ka sanak ada kawanan ayak babi mao makant di dekat bukit. ¹² Lalu, roh-roh jaat nak mamohon ka Yesus, dengan bakata, "Suruhlah kami ka babi-babi nak hingga kami tamak ka dalamp ia." ¹³ Yesus ngabulkan ia. Barang nak, roh-roh kotor nak ampus dan tamak babi-babi. Kawanan nang bajumlah kira-kira dua ribu nak talamak ka tapi jurangk sampe ka danao, lalu tanggalam ka dalamp danao ¹⁴ Lakak nak, panjaga-panjaga babi nak melarikan diri dan bepadahkan ia ka kota dan ka kampong. Dan, urangk urangk kaluar untok nelek ape nang mau jadi. ¹⁵ Lalu, urangk-urangk nak atang ka Yesus dan nelek ia nang jadi karasukan roh jaat, nang ada legion, mao duduk, dan udah bepakeyan, dan ia udah kambali waras. Dan, ayungk a pun jadi galik. ¹⁶ Lalu, ayungk a nang nyiksa kajadian nak, carita ka urangk-urangk macam mane hal nak jadi ka urangk nang karasukan roh jaat dan tantang babi-babi nak. ¹⁷ Barang nak, urangk-urangk mule mintak Yesus untok ningalkan kampong ayungk a. ¹⁸ Lakak nak, pada waktu Yesus mao naik ka perahu, urangk nang tadinya karasukan roh jaat nak mamohon supaya ia boleh barata dengan Yesus. ¹⁹ Lalu, Yesus nanak ngizinkan ia, malainkan bakata ka ia, "pulangklah ka sanak sodara kao. Carita ka ayungk samua hal nang lakak Tuhan ngalakuan ka kao dan kalok Tuhan babalas kasihan ka kao." ²⁰ Lalu, urangk nak ampus dan mule memberitakan ka urangk-urangk ka Dekapolis tantang samua hal nang lakak Yesus ngalaku ka ia. Dan, samua urangk jadi heran. Anak Yairus Dibangkitkan dan bini nang pandarahan Disembuhkan. ²¹ Pas Yesus nyabarang agik dengan perahu ka sabarang, urangk manyak bakumpul di dekat-Ia, dan Ia barada ka tepi danao. ²² Lalu, sotek urangk pamimpin sinagoge nang banama Yairus atang dan lakak nelek Yesus, ia nyambah ka kaki-Ia. ²³ Dan, ia mamohon dengan sungguh ka Yesus, kata ia, "Anak bini ku nang masih damuk ampir mati. Atang dan taroh kokot-Kao atas ia supaya ia namu disambuhkan dan idup." ²⁴ Lalu Yesus ampus barata Yairus. Ada macam mayak urangk nang ngikut Yesus dan ngarumun-Ia ²⁵ Dan, ada sotek urangk bini nang pandarahan salama dua beles tahun. ²⁶ Ia udah bakali-kali mandarita oeh manyak tabib, dan udah ngaluar samua nang dimilik ia, tapi nanak ada gunanya dan kaadaan ia malah batambah buruk. ²⁷ Lakak nak nangar tantang Yesus, bini nak nyamak Yesus dari balakang ka tangah-tangah karumunan urangk dan manjabah jubah-Ia. ²⁸ Bini nak bakata, "kalo aku namu manjamah jubah-Ia jak, aku mao sambuh." ²⁹ Pas nak ugak pandarahanya berhenti dan ia marasa kalok tubuh udah sambuh dari panyakit ia. ³⁰ Yesus langsong naok dari diri-Ia sorangk kalok ada kuasa nang ada kaluar dari-Ia. Ia babalik ka antara karumunan nak dan bakata: "sape nang nyentuh jubuh-Ku?" ³¹ Lalu murid-murid Yesus bakata ka-Ia, " Kao nelek karumunan urangk bapeset-peset-Kao dan Kao bakata, ''sape nang manjabah-Ku"' ³² Lalu, Yesus mandang sakaliling untok nelek sape nang lakak ngelakukan ia. ³³ Lalu, lakak nak naok ape nang lakak jadi pada diri ia, bini nak jadi galik dan gamatar. Ia atangk dan nyambah ka hadapan Yesus lalu merek tau Yesus samua kabanaran ia. ³⁴ Lakak nak, Yesus bakata ka bini nak, "Anak-Ku, iman kao talah nyalamat kao. ampuslah dalamp damai sejahtera dan sambuh dari panyakit kao." ³⁵ Samantara Yesus masih bakata. atanglak barape urangk dari rumah pamimpin sinagoge nang bakata, "Anak kao udah mati. Ngape masih ngaco Guru?" ³⁶ Tapi, Yesus nanak mao nangar ape nang lakak bakata, ia bakata ka pamimpin sinagoge nak, "Usah galik, pacayak jak." ³⁷ Lalu, Yesus nanak ngizin sotek urangk pun ngikut-Ia, kacuali Petrus, dan Yakobus, dan Yohanes, sodara Yakobus. ³⁸ Lalu, ayungk a sampe ka rumah kapala sinagoge nak, dan ia nelek ingar, dan urangk-urangk nanggis ugak maratap dengan suara karas. ³⁹ Lakak nak, pas Yesus tamak, Ia bakata ka ayungk a, "Ngape kao inggar dan nangis? Anak nak nanak mati, tapi gik tidur." ⁴⁰ Tapi ayungk a ngetawa Yesus. Lalu, Ia nyuruh ayungk a samua kaluar dan Ia ngajak amak dan inok anak nak, barata urangk-urangk nang bersama-Ia, lalu tamak ka ruangan tampat anak kamudak nak barada. ⁴¹ Lakak nak, dimegang kokot anak kamudak nak dan Ia bakata ka Ia, "Talita kum!"(Artinya, "nang dara kamudak, aku bakata ka kao, lumpatlah!" ⁴² Anak bini nak capat badiri dan mule bajalant-jalant, barang ia baumur dua belas tahun, dan capat samua urangk ngerasa miah heran. ⁴³ Lalu, Yesus merek parintah nang karas ka urangk tua anak nak supaya usah ada sotek urangk pun nang ngetahui hal nak, dan ngata ka ayungk a supaya anak nak dimerek makant.