¹ Waktu ari nang katiga, ada acara panganten ka Kana, Galilea,dan inok Yesus ada ka daun. ² Yesus dan Murid-murid a ugak di ngundang ka acara panganten nginak. ³ Pas aek anggur abis, inok Yesus bapadah Ka Ia, "Ayungkng a ke abisanaek anggur." ⁴ Yesus ngajawab, " nang bini ape hubungan nya gik-Ku? Waktu-Ku nanak dah atangkng." ⁵ Inok Yesus bapadah ka para pelayan a nak "Ape pun nang Ia padah Ka kao, karajakan nginak." ⁶ Ka daun,ada enam tong dari batu, nang biasa di make urangkng yahudi ka upacara panyucian. Masing-masing tong nginak muat kira-kira dua ato tiga centong. ⁷ Yesus bapadah ka para palayan, " Isilah tong-tong nginak dengan aek." Dan,Ayungkng a ngisi tong-tong ngaun dengan aek sampe bisi. ⁸ Laka nginak,Yesus bapadah ka ayungkng a, " Mpitu tangkap lah sabebet dan babalah ka pamimpin acara." Lalu, Ayungkng a maba aka pamimpin acara ⁹ Pas Pamimpin acara nyecep aek nang udah dimuat anggur nginak,dan Ia nanak naok dari mane barasal (tapi kaum pelayanan nang nagkap aek nginak naok), maka pemimpin acara nak nyaru nang laki, ¹⁰ dan bapadah ka Ia "Satiap urangkng nantar aek anggur nang baik labih dulu nang pia samua urangkng puas nyocokm,barulah dinantar qnggur nang kurang baik. Pegak kao naroh qnggur nang baik sampe mpitu." ¹¹ Tanda ajaib nang pertama kali Yesus memuat ka Kana, Galilea,dan madah kemuliaan-Nya, dan murid-murid a pacayak ka Ia. ¹² Laka nginak,Yesus turunt ka Kapernaum gik inok, Sodara-sodara, dan murid-murid-Nya, Ayungkng a diampmka daun salama beberape hari. Yesus ka Bait Allah ¹³ ri Raya Paska urangkng Yahudi dah samak,dan Yesus naeklah ka Yerusalem. ¹⁴ Ka bait Allah, Ia nele urangkng-urangkng nyual kambing, domba,dan marpati,Ada gak para penukar duit duduk ka daun ¹⁵ Yesus muat cambuk dari tali dan nguser ayungkng a samua kaluar dari bait Allah, termasuk samua domba dan lkaming ayungkng a. Ia ugak muang duit-duit karencengdari para panukar duit dan mulangkng a meja-meja ayungkng a. ¹⁶ Ka para padagang merpati Yesus bapadah, "Baba kaluar samua ngia dari ditu'k! Usah muat Rumah Amak-ku tampat untuk bajual bali!" ¹⁷ kalo ada nang tatulis: "Cinta ka rumah-Kao,Ngangus Aku." Mazmur.69:10. ¹⁸ Laka nak,urangkng-urangkng Yahudi nyaut dan bapadah ka Ia, "Tanda ajaib ape nang Kao bere'k ka kami ngape sampe muat hal-hal nang macam ngia?" ¹⁹ Yesus ngajawab ayungkng a, "Ancur kan Bait Allah ngia dan dalamp tiga ari Aku ana ngabangun a ulang." ²⁰ Ayungkng a nyaut, "Paralu 46 taun da'k ngabangun Bait Allah nak,dan Kao ana ngabangun a dalamp waktu tiga hari?" ²¹ Tapi,nang Yesus maksudkan Bait Allah nginak tubuh a sorangkng. ²² Karna nginak,pas Yesus dingabangkit dari antara urangkng mati, murid-murid a taringat ka kata a nak; dan ayungkng a pacayak ka Kitab Suci dan perkataan nang Yesus Omong ²³ Pas Yesus ada ka Yerusalem salama parayaan paskah,manyak urangkng pacayak dalamp dama a karna nele tanda-tanda ajaib nang dimuat a. ²⁴ Akan tatapi Yesus sorangkng nanak pacayak ka diri a ka ayungkng a barang Ia nganali samua urangkng, ²⁵ dan nanak butuh sape pun unto mere kasaksian tantang manusia jukit ia naok ape nang ada dalampati manusia