¹ "Samua ngia lakak Aku padah ka kao supaya kao nanak tagoncang. ² Ayungk a ana nguser kao dari sinagoge. Bahkan, waktu a satiap urangk nanak ngabunuh kao akan bapikir bahwa ayungk a gik babakti ka Allah. ³ Dan, hal-hal nginak akan ayungk a karaja barang ayungk a nanak kanal ka Bapa atopun Aku. ⁴ Tapi, samua nginak udah Aku padah ka kao supaya apebila waktu atangk, kao ingat bahwa Aku lakak madah ka kao. Dan, hal-hal ngia nanak Aku padah ka kao pas awal a barang Aku masih gik kao. Pakaraja Roh kudus ⁵ Tapi, mpitu Aku akan ampus ka Ia nang ngutus Aku, dan nak saurangk pun dari kao nang manyanya Aku, 'Ka mane Kao da'k ampus?' ⁶ Tapi, barang Aku lakak madah samua ngia ka kao, kasedihan misi-misi ati kao. ⁷ Tapi, Aku meretau kan kebanaran ka kao: labih baik bagi kao kalo Aku ampus barang kalo Aku nanak ampus, panolong nginak nanak akam atangk ka kao; tapi kalo Aku ampus, Aku akan mangutus-Ka ka kao. ⁸ Dan, pas panolong nginak atangk, Ia akan nyadarkan dunia akan dosa, kebenaran, dan penghakiman; ⁹ tentang dosa, barang ayungk a nanak pacayak ka Aku; ¹⁰ tentang kebenaran, barang Aku ampus ka Bapa dan kao nanak akan nele Aku agik, ¹¹ dan tentang penghakiman, barang panguasa dunia ngia lakak dihakimi. ¹² Masih manyak hal nang ingin ku katakan ka kao, tapi kao nank bisa nanggung a mpitu. ¹³ Tapi, lakak Ia, Roh kebenaran nginak atangk, Ia akan ngabimbing kao ka dalamp samua kabenaran. Barang, Ia nanak ngomong atas kainginan a sorangk, melainkan samua hal nang Ia dangar nginaklah nang akan Ia padah; dan ia akan meretau kao hal-hal nang akan tajadi. ¹⁴ Ia akan mamuliakan Aku barang Ia akan narima nang Aku tarima, dan akan meretau a ka kao. ¹⁵ Sagala sasuatu nang Bapa miliki nginak milik-Ku. Pe gak, Aku madah bahwa Roh kebenaran akan memberitakan ka kao ape nang ditarima Ia dari-Ku." Dukacita Menjadi Sukacita ¹⁶ "Tinggal sesaat jak, dan kao nanak akan nele Aku agik; dan sakali agik, tinggal sesaat jak, dam kao akan nele Aku." ¹⁷ Beberape murid Yesus sali batanya, "Ape maksud a Ia bapadah ka dirik, 'Tinggal sasaat jak, dan kao nanak akan nele Aku agik; dan sakali agik, tinggal sasaat jak, dan kao akan nele Aku?' dan 'barang Aku akan ampus ka Bapa'?" ¹⁸ Jadi, ayungk a batanya, "Ape nang Ia maksudkan dengan, 'tinggal sasaat jak'? Dirik nanal naok ape nang Ia omong."