¹ Dah ado manyak urokng nyusun segek catatan tentang kajadian-kajadian dah tajadi ka tangoh-tangoh diri, ² angayo hal e cataan nang dah di nyapeot ka diri oleh urokng-urokng nang mulai samulo dah jadi saksi mato ba pa pambarito Firman. ³ Karmo aku dah malajari dengan taliti dari mulae, batol lah gae aku nulissotNyo' sacaro baurutan unto' kau Hai teofilus nang Mulia, ⁴ supayo kau biso nahui kabanaran tantang jukut-jukut dah di ngajarot kakau. MATAKKI TANTANG YOHANES PEMBABTIS ⁵ Pas maso pamarentoh Herodes, Rajo Yudea, ado seko urokng banamo ⁶ Zakharia nang barasal ampat ka kalompok iman Abia. Binie barasal ampat ka katurunan Harun, ba namo e ado lah Elisabet adolah urokng- urokng nang banar ka mato Allah. Na'ido' idup inok bacela sasuai ba samuee hukum ba parentoh, Tuhan. ⁷ Tapi na'ido ano'ado anak karamo kaduoe manu' ba kaduoe dah tuho sidi. ⁸ Pas sampe pagiirot kalompoke unto' ba tugas, Zakharia namu tugas unto' jadi Imam ka hadapot Allah. ⁹ manururut kabiasaan ka imanan, Zakharia tapilih badasarot undian unto' taamo ka bait Allah lalu nunu ukupan. ¹⁰ Pas waktu ukupan Di mareot, samue' umat ba pinto ka uas. ¹¹ Tibo-tibo, Malaikat Tuhan magarikot diri E ka Zakharia lalu badiri ka sabaloh kanan Altar ukupan, ¹² Pas nanang malaikat ko Zhakaria jadi gagatar ba gai' sidi. ¹³ Tapi bo,malaikat ko bakato ka Io," ame gai', Zhakaria, karamo doa pamintaanNgu dah di nangar. biningu, Elisabet, mok maranakot seko kamudo angaki unto' Mu ba kau mao ngayuki Yohanes. ¹⁴ Kau mao basukacita ba ka epoot ba manyak urokng nang nurut ba sukacita atas kalahiroTe. ¹⁵ Io mao jadi ayok ka hadapot Tuhan ba inok akan nyocok anggur ato nyocok minuman karas laine. Pas, ampat ka doop buntik umaE, Io mao di ngisii oleh Roh Kudus. ¹⁶ Io mao ngamuat urokng Israel ba muok Ka Tuhan, Allah na'ido'. ¹⁷ Io mao bajoot ngadohoi Tuhan nang Roh ba kuaso Elia unto' ngamuat ati bapo'-bapo' muok ka kamudo-kamudo na'ido'. Io gae mao nyurh urokng picayo sidi unto' muok ka hikmat-hikmat urokng. Nang jaiolah Io nyiapot umat nang dah di njadiaot unto' Tuhan ¹⁸ Zahkaria bakato ka malaikat ko, "Jamae ke aku biso nahui jukut nyian? karamo, Aku nyian dah tuho bini ku gae dah baumur tuho." ¹⁹ Malaikat ko nyahut," Aku adolah Gabriel, Malaikat nang badiri ka muho Allah. Aku dingutus unto' bakato ba kau ba nyampeot kabar baik nyan ka Kau. ²⁰ Tapi, kanio dangarlah! kau mao jadi awok inok biso bakto sampe ka ari jukut- jukut Nyian tajadi karamo kau inok picayo ka kataKu, nang mao Io cukupot pas Waktu E. ²¹ Samantaro ko, umat nunggu Zakharia. Na ido'batanyo-tanyo dameo Zakharia ado lamo sidi ka doop Bait Allah. ²² Pas kauar, Zakharia inok biso bakato ka na'ido. Na'ido pun nahui Zakharia dah namu pananangan ka doop bait Allah karamo Io sugak ngamuat isyarat ka Na'ido' tapi inok biso bakato. ²³ Dah jako waktu tugas ka imananNe abis. Puok lah Zakharia ka rumoh E. ²⁴ Ako kajadian ko, Elisabet babuntik ba nosokot diri E salamo limo buot. Io bakao," ²⁵ nyian lah nang Tuhan mare aku Io maratiot ba ngapus Aib ku ampat ka antaro urokng manyak." PAMATAKOT TENTANG YESUS KRISTUS ²⁶ Pas waktu umur buntik Elisabet ba umur anam buot, Allah ngutus malaikat Gabriel ka segek kota ka wilayah Galilea, Nang ba namo Nazaret. ²⁷ Io di utus unto' namui seko ambini nang batunangan ba seko angaki nang ba namo Yusuf, katurunan Daud namo ambini ko adolah Maria. ²⁸ Lalu, malaikat ko atok ka Maria nang bakato, " salam, kau nang di marakti! Tuhan ba kau," ²⁹ Nanggar kato ko, maria jadi heran. Io batanyo- tanyo ka doop atiE dameo arti tentang salam ko. ³⁰ Malaikat ko bakato ka Io," ame gaik Maria, karamo Allah dah mareot kasih karuniaE ka kau. ³¹ Dangarlah, kau nano babuntik ba maranakot seko kamudo ngaki, ba kau nano mare Io namo Yesus. ³² Io nano jadi ayok nang di sabut anak Allah nang Mahatinggi. Tuhan Allah mao mare Io kadudukan Daud, nenek mo yang Nge' . ³³ Io mao marentoh atas katurunan Yakub unto' salamo- lamoE ba KarajaanE inok biso bahahir." ³⁴ Lalu, Maria bakato ka malaikat ko," Jamae jukut nyan biso tajadi, Sadangan aku nape ba aki?" ³⁵ Malaikat ko nyawab lalu ba kato ka Io," Roh kudus mok atok ka atas ngu ba kuaso Allah nang Tinggisidi mao menaungi kau. koolah sababpe, Kamudo nang mao lahir ko adolah kudus ba mao di sabut kamudo Allah. ³⁶ Ba, Nahuilah bahwo Elisabet kamaru ngu ko, agik babunik gae ka umur tuhoe, Io nang daho' di matak mandul, kanio dah babuntik salamo anam buot. ³⁷ Karamo, inok ado jukut nang msokakal unto' Allah." ³⁸ Ba Maria bakato, " sasubgguhe Aku nyan Hambo Tuhan. Tajadi lah ka aku angayo nang kau madohot." Ako ko, malaikat ampus ninggot Io. MARIA NGAMPUSI ELISABET ³⁹ Pas ari ari ko, Maria ba siap- siap unto' ancang ampus ka daeroh bukit, ka segek kota ka Yahuda. ⁴⁰ Io taamo ka rumoh zakharia ba mare salam ka Elisabet. ⁴¹ Pas Elisabet nanggar salam ampat ka Maria, Anak ka doop parutte malompat ba Elisabet dimanuhi Roh kudus. ⁴² Ako ko, Elisabet, ngampak ba suaro koat, " Dibaraktilh kau ka antaro samue'e ambini ba di baraktilh buoh buntik ngu. ⁴³ Sape ke aku nyian ke uma Tuhan ku atok ka aku? ⁴⁴ Sidi, Pas suaro ngu sampe ka tarenyek ku, kamudo ka doop buntik ku malompat, karamo sukacita. Barepolah ⁴⁵ Io nang picayo bahwa dameo nang dimadohot Tuhan ka Io mao di ganapot." PUJIAN MARIA UNTO' ALLAH. ⁴⁶ Lalu,Bakatolah Maria," jiwo ku mamulioot Allah, ⁴⁷ Ba Roh Ku basukacita ka doop Allah, Juru Slamat ⁴⁸ Karamo, Allah mampritungan, hamba Nya nang hina Nyian. Dangarot lah mulai kanio ba Sataruse, samue' ganarasi mao nyabut aku babahagia, ⁴⁹ Karamo Io nang maha Kuasa dah ngamuat jukut-jukut ayok ka Aku, ba Kudus lh Namo E'. ⁵⁰ Rahmat -Te, ampat ka ganarasi ka ganarasi, ka urokng- urokng nang gaik ka Io. ⁵¹ Io dah nunjukot kuasa E' ba kokot Te' Io nyarai- baraiot urokng- urokng nang sombong doop pikiran hati E. ⁵² nurunan paro panguaso ampat ka tahta na'ido' ba ninggiot urokng nang rendah ati e'. ⁵³ Io dah nganyangan urokng kaparot ba kabaikan. Tapi ngoser urokng kayo dari ba kokot kosong. ⁵⁴ Allah dah mareot patolongan ka urokng Israel, hamba E, karamo ngingat ti Rahmat-Te. ⁵⁵ Jamae nang dah Io madohot, Ka nenek moyang diri, Ka Abraham ba katurunan unto' salamo- lamo E." ⁵⁶ Dan, Maria diop sabayo-bayo ba Elisabet kiro-kiro talu buot lamoe, lalu Io puokng ka rumoh E. KALAHiROT YOHANES PAMBABTIS. ⁵⁷ Kanio' tibo lah Waktu E bagi Elisabet mok barank ko ba Io maranakot Seko kamudo angaki, ⁵⁸ Urokng samak rumohE ba kamaru E nangar bahwo Tuhan dah nunjukot Rahmat-E nang ayok ka Elisabet, ba na'ido ikut ba suka cita ba sabayo ba Io. ⁵⁹ Pas ari nang ka lapan, na' ido atok unto' nyunato kamudo ko. na'ido' mok mare Io namo kamudo ko Zakaria, angayo namo Bapak E. ⁶⁰ Tapi, uma E bakato," inok, Io mok di bare namo Yohanes." ⁶¹ urokng-urokng ko bakato ka Elisabet," inok ado seko kamaru- kamaru ngu nang di mare namo ko. ⁶² Ako ko, na'ido mare isyarat ka Zakaria unto' nanyo ka Io, namo ameo nang mao Io bare ot ka anake ko. ⁶³ Zakaria minto sege papot tulis, ba nulis angayo Nyian:"Namo E Yohanes." Ba, samue urokg jadi heran. ⁶⁴ Saat ko gae, moot Zakaria tabuko ba jioh E tabebas. Io pun mulai ba kato ba muji Allah. ⁶⁵ Samue nang samak rumoh na"ido' jadi gaik ba kajadian ko,ko jadi bahan buoh bibir ka samue kampong ka bukit Yudea. ⁶⁶ Dan Samue urokng nanggar jukut nyian batanyo- tanyo doop ati na' ido", mok jadi dameo ke nano?" karamo, kokot Tuhan nyarataib Io. ZAKARIA MULIOT ALLAH. ⁶⁷ Zakaria, bapok Yohanes, ugok Io di manuhi ba Roh Kudus ba nubuat, jare, ⁶⁸ " Tapujilah Tuhan, Allah Israel Karamo Io udah malawat ba nabus umat E. ⁶⁹ Io dah mangkittot tanduk kasalamatot unto' diri. ampat ka turunan Daud, hamba nya, ⁷⁰ Angayo nang io firmanot, Ampat ka moot2 nabi E nang Kudus ampat ka zaman bahare. ⁷¹ Supayo diri di salamatot ampat ka musuh-musuh diri. Ba ampat ka kokot samue' urokng nang teget ka diri. ⁷² Io ngmbuat unto' nunjukot rahmat ka Nenek moyang diri. Ba karamo Io ingat ba pajanjian- Ne' ⁷³ Nang kudus, adolh sumpoh nang di ngatoot, ka nenek moyang diri, Abraham, ⁷⁴ Bahwo diri mao dibebasot ka kokot musuh-musuh diri supayo diri biso ngelayani-Io inok raso gaik, ⁷⁵ Doop ka Kudusot ba kabanarot ka hadapot- Ne', Saumur idup. ⁷⁶ Ba kau, anaku, mao di sabut Nabi Allah nang Mahatinggi, Karamo kau mao bajoot ngadohoi Tuhan, unto' nyiapot marago ka-Io. ⁷⁷ unto mareot pangaratiot tantang kasalamatot ka umat-Te lewat pangampunan atas doso-doso Na'ido'. ⁷⁸ Karamo Rahmat ba balas kasih Allah diri, cahayo matahari mao naranki diri ampat ka tampat tinggi ⁷⁹ unto' naraki na'ido' nang dioop ka galapot ba nang barado ka doop bayang- bayang maut, unto' ngiringan poho diri manuju ka doop joot damai Sajahtra." ⁸⁰ Makae, kamudo ko batumbuh ayok sidi, ba mankin koat ka doop Roh. Io dioop ka padang balantara sampe tibo waktu E unto' nunjukot diri ka bangso Israel.