¹ Tapi, Saulus, selaitn ngancapm inyie munuh mur'et-mur'et Tuhatn,lalu tur'utn ngadap Imam Bosar, ² lalu mintak tana diak,nang di panah e ke sinagage-sinagage di Damsyik sak bila inyie nomu yakng pecaya'k ke Jalatn nyak, bait laki tinak, inyie ulih maik sidak e ke penjar'a di Yerusalem. ³ Semakitn lamak inyie bejalatn, inyie makin somak ke Damsyik, tiba-tiba ,cahaya dar'i langin't mancak ngelilitn inyie . ⁴ Inyie begar'itn lalu ninga ingan yakng nogor' inyie, "Saulus ,Saulus , ngope iko meraka Aku ?" ⁵ Saulus betanyak," Sope kah Duatn Tuk ?" Lalu iyakng nyak nyaut," Akuam Yesus, nang iko peraka. ⁶ Tapi, bankit lalu tamak lah ke kota, diak iko akan di padah ope nang iko ker'eja ." ⁷ Bala iyakng nang tur'utn tamah Saulus tecongang seudah ninga bungi nyak, tapi adis nonsit ope-ope. ⁸ Saulus bangkit bedir'i, walau pun mata e ngemolakng, tapi inyie adak nonsit ope-ope, lalu bala pangan e ngiritn e ke Dansyik. ⁹ Tiga ari, Saulus adak ulih ngelala, makatn tamah minum. ¹⁰ Kala nyak ada soyakng mur'et di Damsyik, benama Ananias. Tuhatn beposatn ngelelu semaya ," Ananias ! ".maka Ananias madah " Tuk aku Tuhatn ". ¹¹ lalu, Tuhatn ngomong ke inyie ," Bangkit lalu bejelatn ke jalatn nang di sobut Jalatn Bujor, di r'umah Yudas, gogak iyang Tarsus nang benama Saulus, ponto , inyi e agik semayakng, ¹² inyi e udah tau dar'i semaya kalau ada iyakng nang benama Ananias datakng lalu nyomuh e sak inyi e ulih monto agik. ¹³ Ananias nyaut ," Tuhatn ,aku dah ninga dar'i bala yakng banya'k sope iyakng tuk, ma'a gilak banyak e kesalah e nang inyi pulah ke umat kudus Duatn di Yerusalem, ¹⁴ lalu dituk inyie di bor'ik kuasa dar'i imam-imam kepala ke menjar'a iyakng nang nyobut nama duatn." ¹⁵ Tapi , Tuhatn ngomong ke inyie," Pulakng kem pade insia tuk nang aku pilih ke maik nama aku ke seluruh bumi, raja, tamah bangsa Israel. ¹⁶ Sebab, Aku madah ke inyie dimak ngaya inyie mender'ita pade nama-Ku." ¹⁷ Maka , Ananias tamak ke r'umah nyak, numpakng jar'i ke atas Saulus, inyie ngomong," Saulus , Tuhan Yesus nang nyemaya kemaik di jalatn waktu ko masakng kituk, udah nyuruh aku nyomuh iko sak iko ulih monto agik langsokng ko di ponuhi Roh Kudus." ¹⁸ Kala nyak gak keluar jolu upa sisit ikatn dar'i matae langsokng inyie ulih nonsit agik. lalu, inyie bangkit dan di babtis. ¹⁹ Seudah makatn ,inyie di ajar'. Inyie ting'al tamah bala mur'et di Damsyik selama dua tiga ari. ²⁰ Langsong inyie mamer Yesus di sinagage-sinagage inyi'e madah ," Yesus Bonar Anak Allah ." ²¹ Semua yakng ninga e eratn lalu ngomong," Bukan kah nyak insia e nang ada di Yerusalem nang munuh lalu bejanyi maik e di pasokng ke adap imam-imam kepala?" ²² Tapi, Saulus makin nyuruh ngolu yakng Yahudi nang diapm di Damsyik madah nyak am Yesus Kristus. ²³ Dah beberope ari, bala yakng Yahudi ber'encana nak munuh Saulus, ²⁴ tapi Saulus dah doluk ketau. Sidak betumguk di pintu gerbang siang malapm sak sidak ulih munuh e. ²⁵ Tapi, anak buah Saulus ngeluar e malapm ngelalu tembok nang tingik lalu ngulor e ke bobah make keranyakng. ²⁶ Waktu Saulus datakng ka Yerusalem, inyi'e ncoba begabokng tamah bala mur'et. Tapi, sidak golak bante adak pecayak kalau inyi'e mur'et gak. ²⁷ Tapi, Barnabas ngabatn Saulus lalu maik e ke bala rasul, nyeritae ke sidak kalau inyi'e nonsit tuhatn di jalatn, tuhatn ngomong ke inyi'e, lalu dimak inyi'e becer'ita dalapm nama Yesus di Damsyik. ²⁸ Saulus begabokng tamah sidak waktu tamak pamus dar'i Yerusalem samil inyie berani ngomong dalapm nama Tuhatn. ²⁹ Inyi'e becancokng tamah iyakng Helenis, sampe sidak nak munuh'e. ³⁰ Kala nyak bala kabatn'e keteu, langsokng baik'e tur'utn ka Kaisarea langsokng nyuruh'e ka Tarsus. ³¹ Bante, umat di Yudea, Galilea, tamah Samaria mulih damai lalu tumuh. Golak ke tuhatn di ibor Roh Kudus sidak makitn banyak. ³² Waktu Petrus ngelilin wilayah nyak, inyi'e beronse gak ke bala mianak nang diapm di Lida. ³³ Di nyun, inyi'e nomu iyakng benama Eneas, nang udah lapatn tautn adak ulih begaya beguna bante lumpuh. ³⁴ Lalu Petrus madah ke inyi'e, " Eneas, Kristus Yesus nyomuh iko. Bangkit, lalu lipat bongkah ketidi iko!" Kala nyak gak Eneas bangkit. ³⁵ Mangka bala nang diapm di Lida tamah Saron monto'e lalu sidak pecayak ke Tuhatn. ³⁶ Di Yope, ada soyakng muret betinak benama Tabita, roti'e Dorkas. Inyi'e bait tamah selalu bebagi. ³⁷ Inyi'e takonak sakit langsokng mati. Waktu bala ngemanik'e, sidak ngelotak e di tingkat dua. ³⁸ Bante Lida diapm di simak Yope, bala mur'et, udak ketau kalau Petrus ada diak, nyuruh sidak dua madah Petrus lalu mohon," Inang bobak betunguk-tunguk ke bongkah kami!" ³⁹ maka, petrus bangkit langsokng turutn tamah sidak. Inyie datakng, sidak maik Petrus ke tingkat duak. Bala kebalu bediri di sepiak petrus samil nangis, langsokng nunyok perocak nang di pake'e tamah di pulah Dorkas selama inyie agik tamah sidak. ⁴⁰ Tapi, Petrus nyuruh sidak keluar dudok lalu semayakng. Abis nyak inyie nonsit ke mayat Tabita lalu ngomong," Tabita , bangkit!" Lalu , betinak nyak ngemolakng dan nonsit petrus, langsokng dudok. ⁴¹ Petrus ngulor jar'i e langsokng mantuk inyie bediri. Abis nyak samil madah bala yakng kudus tamah bala janda, inyie madah Tabita idup. ⁴² Kejadian nyak tesebar ke seluruh Yope, lalu banyak yakng pecayak ke Tuhan. ⁴³ Maka, Petrus diapm di Yope kasa gak lamak'e tamah insia benama Simon, tukakng kulit.