¹ Seudah kerusuh yak abis, Paulus ngunakng bala mur'et, seudah nguat ati sidak, inyie madah ke sidak inyie pogi ke Makedonia. ² Seudah inyie nyusor bongkah diak samel morik nasehat ke sidak, inyie sampe di Yunani. ³ Lalu, diak Paulus tingal selamak 3 bulatn. Bante iyakng Yahudi besekongkol pake ngelawatn e waktu inyie maok belayar ke Siria, keputus inyie pulakng ngelalu Makedonia. ⁴ Paulus di kabatn Sopater dari Berea, anak Pirus, oleh Aristarkhus tamah Sekundus, dari Tesalonika tamah Gayus dari Derbe, tamah Timotius, Tikhikus tamah Trofimus dari Asia. ⁵ Sidak berangkat doluk nunguk kami di Troas, ⁶ tapi kami belayar dari Filipi seudah Ari Raya Kue Adak Beragi, datang ke sidak di Toras selamak 5 ari, diak kami diapm selamak semingu. ⁷ Waktu malapm mingu nyak, kami bekumpul nak magi kue, Paulus ngomong ke sidak bante maksud e nak berangkat lolapm e, lalu inyie ngemanyakng omong e sampe tingik malapm. ⁸ Banyak lampu di ruakng atas, bongkah kami bekumpul. ⁹ Dinyun ada soyakng pemuda benama Eutikhusn agik dudok di jendela samel takonyap. Sementara nyak Petrus langsokng mem ngomong, inyie makin takonyap tidi lalu jatuk dari lante tiga waktu sidak ngengkait e inyie udah mati. ¹⁰ Namun, Paulus turun lalu nyomak, langsokng ngerokut e, samel ngomong, "Inang ribut bante nyawa inyie ada di dalapm inyie." ¹¹ Paulus nait agik, lalu magi kue langsokng makan, inyie ngomong panyakng lebar agik , sampe lolapm. Seudah nyak inyie berangkat. ¹² Sidak maik pemuda nyak pulakng agik idup sidak ngosa senang. ¹³ Tapi, seudah doluk ke kapal, kami belayar ke Asos maksud e nak ngamik Paulus di nyun bante inyie udah ngerencanae pinyak, bante inyie soyakng nang ingin bejalatn kaki kiak. ¹⁴ Waktu siatn betomu tamah kami di Asos, kami ngamik siatn, lalu turun ke Metilene. ¹⁵ Seudah belayar dari nyak, ari sutik e kami sampe di Khios. Ari sengkolapm ea kami nyomak Samos, ari sutik e agik kami nyampe di Miletus. ¹⁶ Pade Paulus udah memutuskan adak singah ke Efesus sak inyie adak ngabis waktu di Asia bante inyie nak copat ke Yerusalem, kalau ngonak, pas nyenontakng ari Pantekosta. ¹⁷ Dari Miletus, Paulus nyuruh sidak ke Efesus langsong madah ketua umat diak nyuruh magak inyie. ¹⁸ Waktu sidak datakng magak inyie , inyie madah, " Ikapm ketau, dimak ngaya aku idup tamah kam, dari ari petama aku nijak kaki di Asia, ¹⁹ samel ngelayatn tuhatn dengan ronah ati, make aik mata, tamah pencobaan-pencobaan nang nimpa aku ngelalu pesengkongkolan iyakng Yahudi, ²⁰ dimak ngaya aku adak nahan jolu nang beguna tamah ngajar kapm di adap yakng banyak sampe ke rumah-rumah, ²¹ bonar-bonar morik saksi, bait ke iyakng Yahudi maok pun ke iyakng Yunani, tentang betobat ke Allah tamah beiman ke Tuhatn kite ,Yesus Kristus. ²² Dah pintuk, pomto am, dengan di kobat Roh, aku bejalatn ke Yerusalem, adak ngentau ope nang tejadi ke aku di nyun, ²³ kecuali ngentau Roh Kudus bonar-bonar besaksi ke aku di setiap kota bonar kalau penjara tamah siksaan udah nunguk aku. ²⁴ Tapi, aku adak ngangap idup aku beroga ke aku soyakng sampe aku ulih nyelesai tugas tamah pelayanan nang aku bulih dari Tuhan Yesus, nang besaksi bonar-bonar tentang Injil berokat Allah. ²⁵ Lalu pintuk, ponto kem, aku tau di antara kapm, nang aku padah kerajaan, adak monto muka aku agik. ²⁶ Bante tuk, aku besaksi ke ikapm ari tuk kalau aku adak besalah atas darah kapm samua. ²⁷ Sebab, aku adak nahan kinik madah ke ikapm semua rencana Allah. ²⁸ Jaga kinik tamah bala pangan kam, nang ke atase Roh Kudus ngenyadi iko pengawas pake ngerintu umat Allah, nang udah inyie bulih make darah e kinik. ²⁹ Aku tau seudah aku berengkat, bala asuk datakng di antara kapm, ada nyampakng bala pangane diak. ³⁰ Di antara kapm kinik bangkit bala insia nang adak antus, " Ngasut", maik bala muret mangan dari sidak. ³¹ Mangka , bejaga-jagalah, samil ngingat siakng tamah malapm, selamak 3 tautn, aku adak beronti ngingat kapm make aik mata. ³² Pintuk, aku morik ikapm ke Tuhatn ke firman berokat e nang sangup ngengkait ikapm, lalu morik ikam warisan di antara ikapm insia nang dikuduskan. ³³ Aku adak ingin ke perak ,omas atau baju selewar. ³⁴ Ikapm kinik tau kalau jari tuk am ngelayatn keperolu aku tamah sidak nang namah aku. ³⁵ Dalapm semua hal, aku udah nunyok ke ikapm kalau kereja bebonar upa cara tuk, kite nolokng nang lomah tamah keingat ke omong Tuhatn Yesus, inyi soyakng ngomong, " Lobih sonang morik dari pada nerimak." ³⁶ Waktu inyie udah madah jolu nyak, inyie belutut lalu semayakng tamah sidak. ³⁷ Sidak semua nangis lalu ngolo'k rokong Paulus, samil sidak enciupm e, ³⁸ sidak bebonar piluk, terutama ke omong nang madah sidak ndak akan monto muka e agik. Lalu, sidak namah Paulus ke kapal.