¹ Sementara nyak , bala rasul tamah bala miyanak lain di Yudea udah tau kalau bala yang bukatn iyakng Yahudi dah ketau gak firman Allah. ² Bante ,waktu Petrus nait ke Yerusalem, bante bala nang besunat beselisih tamah idik'e, ³ lalu ngomong, " Iko kinyum makatn tamah bala nang adak besunat kiak". ⁴ Tapi , Petrus mulai nyelas e ke sidak, kata e, " ⁵ Aku agik semayakng di kota Yope, perosa aku nyarak duak, aku monto ke langit, monto jolu upa kaitn bosar sigi empat, nyomak aku. ⁶ Waktu aku montoe, aku nonsit, benatakng bekaki empat di tanah, bala benatakng liyar, bala binatakng melata, bala burong di langit. ⁷ Aku gak ninga ingan yakng ngomong ke aku, 'Bangkit, Petrus, semoleh lalu makatn!' ⁸ Lalu, aku ngomong, 'adak, Tuhatn. Sebab, adak kolak jolu nang mali tamah kebolek aku tamak ke nyawa aku'. ⁹ Tapi,ingan nyak nyaut ke duak kalie dari langi, 'Ope nang Allah borik, inang iko padah pemali!' ¹⁰ Jolu nyak tejadi tiga kali, lalu semua nyak pulakng ke langit. ¹¹ Pontoam, waktu nyak gak, ada tiga oyakng nang di perintah datakng ke rumah bongkah aku diapm ,dari Kaisarea. ¹² Lalu, Roh madah ke aku nyuruh aku turun tamah sidak inang amak akakng. Keenam mianak seiman turun gak tamah aku lalu kami tamak ke rumah insia nyak. ¹³ Lalu inyie madah ke kami dimak inyie monto malaikat bediri di rumahe lalu ngomong, 'Suruh iyakng ke Yope madah Simon nang disobut Petrus datakng kituk, ¹⁴ inyie madah posatn ke ikapm nang pade posatn nyak kapm selamat, ko tamah semua iyakng nang ada di rumah tuk.' ¹⁵ Waktu aku mulai ngomong, Roh Kudus turun ke atas sidak sama upa nang tejadi ke kite. ¹⁶ Kala nyak, aku keingat ke kata Tuhatn, waktu inyie ngomong, 'Yohanes ngemaptis make aik, tapi aku ngemaptis ikapm make Roh Kudus.' ¹⁷ Jadi, kalau Allah morik berokat ke sidak sama tamah nang di borik ke kite pecayak ke tuhatn Yesus Kristus, sope aku kalau aku mampu ngalakng Allah?" ¹⁸ Ketika sidak ninga jolu nyak, sidak jadi tenang lalu muji Allah samil ngomong, "Kalau pinyak, Allah udah gak morik berokat ke bala nang bukatn iyakng Yahudi betobat nang nuju ke idup. ¹⁹ Abis nyak, bala nang popar piar pade konak kebola ke Stefanus, lari ke Fenisia, Siprus, tamah Antiokhia, adak madah firmah Tuhatn ke sope pun kecuali ke iyaqkng Yahudi. ²⁰ Namun, ada borope oyakng dari sidak, sidak nyak iyakng Siprus tamah Kirene, nang datakng ke Antiokhia tamah ngomong gak ke iyakng Helenis, samil morik kabar tentang Tuhan Yesus. ²¹ Jari Tuhatn nyerota sidak, banyak iyakng nyadi pecayak bebalit ke Tuhatn. ²² Berita sidak kedinga bala umat di Yerusalem, lalu sidak nyuruh Barnabas ke Antiokhia. ²³ Waktu Barnabas datakng inyie nonsit kasih karunia Allah, inyie sensng langsokng madah sidak nyuruh pecayak ke Tuhatn dengan sebonar-bonar'e. ²⁴ Pade Barnabas iyakng bait, ponuh Roh Kudus tamah iman, banyak iyakng di baik ke Tuhatn. ²⁵ Abis nyak, Barnabas turutn ke Tarsus ngogak Saulus. ²⁶ dah betomu inyie maik e ke Antiokhia. Selamak setautn, sidak betomu tamah umat dan ngajar banyak iyakng. Di Antiokhia, bala mur'et ayuk petama di sobut "iyakng Kristen." ²⁷ Waktu ari nyak, bala nabi turun dari Yerusakem ke Antiokhia. ²⁸ Soyakng dari sidak benama Agabus, bediri ngeramal make Roh madah iyakng akan kelapar berangkah di seluruh dunia. Kelapar nyak terjadi waktu pemerintah Klaudius. ²⁹ Mangka, bala mur'et ngiripm penulokng sidak, sesuai kemampu sidak soyang menyoyang, ke bala mianak nang tingal di Yudea. ³⁰ Nang sidak pulah gak, sidak ngiripm penulokn'e ke bala ketua ngelalu Barnabas tamah Saulus.