¹ Dari pemimpitn, ke ine tamah bala anak enang di pilih, nang aku kasih dalapm kebonar e, bukatn aku jak tapi bala iyakng nang ngenal kebonar e, ² bante kebonar nyak diapm ke kite lalu tamah kite selama e. ³ Anugrah, bolas kasih, serta damai sejahtera dari Allah Apakng Tuhatn Yesus Kristus, Sang Anak, nyerota kite dalapm kebenaran kasih. Iduplah Sesuai Perintah Allah ⁴ Aku senang bante ngentau bala anak ko idup dalapm kebenaran, dimak ngaya perinta nang di ulih dari Apakng. ⁵ Aku mintak ke duatn, ine, bukatn seakatn aku nulis perintah baru tapi perintah nang udah umpuk kite dari kemaik, sak kite sama ngasih. Tapi, tuklah kasih, kalau kite idup nunak segala perintah e. ⁶ Tuk lah perintah e, upa nang udah kapm dinga dari kemaik sak kapm idup di dalapm e. ⁷ Sebab, dah banyak bala penyosat nang mulo ke dunia, sidak adak ngangkuk Yesus nyak Kristus nang datakng upa baka insia. Sidak nyak penyosat pantakng Kristus. ⁸ Ati-ati sak kapm adak kelosi ope nang udak kite usaha, melaitnka betamah banyak. ⁹ Iyakng nang keluar adak diapm dalapm ajaran kristus, inyie adak ngumpuk Allah. Tapi, sope pun nang diapn dalapm ajaran nyak umpuk bait Apakng tamah Anak. ¹⁰ Kalau ada iyakng datakng ke iko lalu adak maik ajaran tuk, inang nerimak e ke dalapm rumah ko atau morik salapm ope pun. ¹¹ Sebab, sopepun nang nyobut idik e ngamik pekereja ja't iyakng nyak. Salapm Penutup ¹² Banyak hal nang ingin aku tulis ke ikapm, tapi aku bolek nulis e make tinta tamah kerotas. Tapi, aku ngarap ulih datakng bediri ngadap ikapm lalu ngomong betatap muka sak kesenang kite di ponuhkan. ¹³ Bala anak dari miadik kapm nang tepilih nyampe salapm ke ikapm.