¹ Kata Yesus ke mued-mued, "Udoh pasti akant ado hal-hal yang ngatuh kito bedoso, tapi celako am uangk yang muloh yok! ² Akant lobih baek ke inyo kalau ado sigik batu kilangan di lotak sekita lihe dan di lonset ke laot, daii pado inyo jadi penyebab anak biak ituk jadi tesuntok. ³ Jago deik am. kalau Mpalo ikau muloh doso, togo am inyo, kalau inyo onak betobat, boik am ampont ke inyo. ⁴ Kalau inyo muloh saloh lagi ke ikau tujuh kali sehaii, tujuh kali inyo datang lagi keikau minto maaf modoh biok "Aku nyesal" ikau wajeb nganpont inyo!"" ⁵ Rasol-rasol inyok bejantuh ke Tuhan, "Tomoh ke kami iman agik. " Kata ⁶ Tuhan nyawab e, "Kalau ikent ado iman mesa igik sesawi, ikent akant bejantuh ke puhont ara ituk, ' CobaTumangk,' dan pinoh ke laot,' dan puhont ara inyok akan patuh ke peintoh ikent. ⁷ Tapi sapai diantao ikent yang umpuk anak buoh yang nyangkol di saaoh dan ngidop domba untok ikent, akant bejantuh keinyo waktu datangk daii saoh, "masok am cepat kito dudok makant." ⁸ Abont kah inyo modoh sehaos e modoh biok'Disiap ke pemakant aku diok, pakai am selenangk di seloa baju yang ikau pakai, dituk am samel ngelayant kepoolu aku sampai aku tomuk makant minom. doh yok bauuk kau makant minom'? ⁹ Ado peh inyo beteimo kasih kaano pelayant inyok udoh ngelaku semuo peintoh e? ¹⁰ Biok am ikent, waktu ikent udoh ngeejo segalo peintoh yang udoh di podoh ke ikent, maka ikent pasti modoh biok,"Kami anak buoh yang abont pantas, kami cumo ngeejo apai yang aos kami keejo." ¹¹ Hal ituk tejadi waktu Inyo alam pejalant ke Yerusalem, Inyo angkat daii sentao Samaria dan Galilea. ¹² Waktu Inyo masok ke suatu deso, Dient Inyo bedapat dengan sepuluh ikuk pengidap kusta. sidok bedii jau dai Inyo. ¹³ dan sidok bejantuh dengan nyaengk, "Yesus, guru, kasiant ke kami," ¹⁴ Waktu Inyo mantau sidok dan bejantuh biok" Angkat am dan podoh deik kent ke imam-imam." Waktu agik alamp pejalant, sidok ado yang langsongk lopok daii saket. ¹⁵ Waktu saloh sikuk daii sidok ngiso deik e udoh lopok, inyo bebalek, inyo memuji Tuhan Allah dengan ingan yang nyaengk. ¹⁶ inyo pe sujud dikaki Yesus, beteimo kasih, inyo uangk samaria. ¹⁷ Jawab Yesus kata e, "Ba abont sepuluh ikuk yang lopok deh? ¹⁸ Kok abont sik yang laent yang muji Allah, kecuali uangk yang sikuk ituk?" ¹⁹ Inyo bejantuh ke uangk uangk sikuk nyok deh, Uas dan angkat kient. Iman kau yang udoh nyelamat ikau." ²⁰ Doh yok uangk-uangk Farisi betanyok sebilai kerajaan Allah akant datangk, kerajaan Allah bukant hal yang panai dipantau secao mato nyinek. ²¹ Bon mungken uangk modoh, 'pantau ado dituk! atau "pantau dient!" kaano sesungguh e kerajaan Allah ado di antao ikent." ²² Yesus bejantuh ke mued-mued e, akant datangk aii e, ketiko ikent onak mantau Anak Mensio, tapi ikent abont mungkin mantau e. ²³ sidok akan modoh ke ikent, "Pantau, kient! pantau, dituk!" Tapi bayah am ingkas ngogok e atau nusoi sidok, ²⁴ kaano macam kilat muncol daii langet becahayo daii sutik langet ke langet laent, biok am Anak Mensio pado aii e. ²⁵ Tapi Inyo aos nangongk deito dan ditulak uangk maso tuk. ²⁶ Macam yang tejadi waktu jaman Nuh, macam nyok am yang tejadi ke Anak Mensio. ²⁷ Sidok makant. sidok mabok, sidok nikoh, dan ditikoh sampai Nuh masok ke alam paahu-dan lapot laap nganco sidok semuo. ²⁸ Biok am yang tejadi di jaman Lot, sidok makant, mabok, bejual bebanyai, betanam, bebangon. ²⁹ Tapi aii nyok Lot kelua daii Sodom, seketiko nyok tejadi Ujant api dan belerang daii langit nganco sidok semuo. ³⁰ Biok am keadaan e nantik waktu aii Anak Mensio dinyato ke kito. ³¹ waktu aii nyok onang mia inyo yang ado diatap langkau, ingkas kebaboh untok maik baangk-baangk kelua daii langkau. dan onang mia yangk di saaoh pulangk kelangkau. ³² Ingat am ke bini Lot. ³³ Sapaipun yang beusaho nyelamat nyao deik akan losi nyao e, tapi sapai yang losi nyao e, iyo nyelamatkan nyao e ³⁴ Aku modoh ikent, waktu malamp inyok, ado duo ikuk yang ado diketido sutik. yang sikuk akant di baik, dan yang sikuk akant didudi. ³⁵ ado duo ikuk betinok yang maik kelua yang sikuk sementao yang sikuk lagi di dudi diok. ³⁶ Kalau ado duo ikuk di umo, yang sikuk dibaik dan yang sikuk akant di dudi. ³⁷ Sidok betanyok ke nyo, "Dimonai Tuhan?" kata e ke sidok, "Dimonai ado mayat diok akant ado gam buonhk-buongk pemakant bangkai bekumpol."