¹ Kumudian, Yesus obu sok nyih ngant sapai nok kota asal-Nya, ngant nabuah-nabuah-Nya ngajah diapm. Tika onu Sabat tiba, Yesus ² mulai ngajar nok sinagoge. ngant, obeh nyo dik ngopink-Nya rasa takjub, ngant nyonok, '' Sok kiah Diapm depit sumua hal hant? Hikmat oniah dik niminyuk nganu-Nya ngant mukjizat-mukjizat mah hant samah tongan-Nya? ³ Bukankah Diapm tukang koyuh, nak maria, ngant posik Yakobus ngant Yeses ngant Yudas ngant Simon? Bukankah posik-posik dayua-Nya biatn nok te samah yah?'' Lalu, datn pun tersandung ngant ngok diapm. ⁴ Kumudian, Yesus nyonok nganu datn, ''Nok kiah-kiah nyo hormat nyo nabi, kucuali nok ahok asalnya diapm, ngant nok antara balo-posiknya diapm, ngant nok homingnya diapm.'' ⁵ Maka, Yesus kai depit ngadakan mukjizat nok nyih, kucuali ngonok tongant-Nya nok somu balo nyo monap ngant maikhan datn. ⁶ Ngant, Diapm heran karna konikaipucayaan datn. Kumudian, Diapm obu bukulilink koni opuk-opuk ngant ngajar. ⁷ Kumudian, Yesus pau kudu bolas nabuah ngant mulai ngutus datn budu-du, ngant minyuk datn kuasa somu minu-minu najis. ⁸ Lalu, Diapm minyuk pihitah nganu datn agar datn kai matn oniah-oniah wah johatn, kucuali hanya tongkat, tanpa roti, tanpa putut, tanpa duet wah tohih kopua datn, ⁹ tapi nginyak silup ngant yok nginyakdu aduah. ¹⁰ Ngant, Yesus nyonok nganu datnm, ''Nok kiah saja muk namok subuah homing, obulah nok nyih sapai muk kuluar sok hant. ¹¹ Ngant, jika biatn ahok dik kai himo muk ngant kai ngopink kan m uk, tika muk obu kebaskanlah dobu sok kojok muk subagai buah kesaksian bagi datn.'' ¹² Lalu, datn pun obu ngant hitokan bahwa nyo-nyo harus butobat. ¹³ Maka, datn ngosar obeh muant ngant ngurapi obeh nyo monap samah minyak, serta maik datn. ¹⁴ Ngant, Haja Herodes jeh bangkit sok antara nyo kobek, maka mukjizat-mukjizat hant kihija nok wah diapm.'' ¹⁵ subagian datn , ''Diapm hantlah Elia.'' Namun, subagian nyonok, ''Diapm hantlah nyo nabi, hant salah nyik sok para nabi.'' ¹⁶ Dok tapi, tika Herodes ngopink hal hant, diapm nyonok, ''Yohanes, dik hant kuk penggal ba'knya, jeh bangkitkan!'' ¹⁷ Memang Herodes maih dik hant nyonok nyo, mihitahkannya samah dekiap Yohanes, ngant belenggunya nok wah penjara demi Herodias, sau posik dahi-dahinya, Filipus, karna Herodes jeh nikahi Herodias. ¹⁸ Sebab, Yohanes kudu-kudu kali nyonok nganu Herodes, ''Kai omant muk monu sau posikmuk.'' ¹⁹ Oleh karna hant, Herodias ngonok dinapm terhadap Yehanes ngant hok komeknya, tapi diapm kai bisa. ²⁰ Sebab, Herodes golak nganu Yohanes setelah diapm tahu bahwa Yohanes adalah nyo bonar ngant nyo suci, ngant Herodes linuanya. Tika Yohanes ngopinkkan Yohanes, diapm jodi bingong, tapi Herodes senang ngopinkkan Yohanes. ²¹ Namun, tibalah onu dik tepat, tika Herodes pada onu ulang tahunnya ngadakan subuah perjamuan samah pujabat-pujabat tingginya, perwira-perwiranya, ngant pumimpin-pumimpin Galilea. ²² Lalu tika nak dayua Herodias namok ngant nari, diapm nyenangkan Herodes ngant datn dik guhuk busamahnya. Ngant, haja nyonok nganu gadis hant, ''Mitolah oniah saja dik muk inginkan ngant kuk dok minyukkannya koni muk.'' ²³ Ngant, Herodes busupah nganunya, ''Oniah saja dik muk mito nganu kuk, dok kuk minyuk nganu muk, bahkan sapai suparoh sok hajakuk.'' ²⁴ Ngant, gadis hant obu ngant nyonok nganu noknya, ''Kuk harus mito oniah?'' Noknya jawab, ''ba'k Yohanes pembaptis.'' ²⁵ Ngant, saat hant juga samah tergesa-gesa, gadis hant monik nganu haja ngant nyonok, ''Kuk ingin tie gik muk minyukkan nganukuk ba'k Yohanes pembaptis nok somu baki.'' ²⁶ Karna hant, haja jodi jeh gulisah, tapi karna supahnya ngant nyo-nyo dik duak busamahnya, diapm kai ngok gadis hant. ²⁷ Lalu, haja copat nyihupm nyo algojo samah pihitah ngadok matn ba'k Yohanes, lalu algojo hant obu ngant monggal bak Yohanes nok penjara. ²⁸ Kumudian, diapm matn bak Yohanes nok samu baki ngant minyuknya nganu gadis hant, ngant gadis hant minyuknya nganu noknya. ²⁹ Ngant, tika nabuah-nabuah Yohanes ngopinknya datn monik ngant monu opuk Yohanes ngant tanoknya nok wah kubur. ³⁰ Kumudian, para rasul bupulua busamah Yesus ngant nyonokkan nganu-Nya osiah saja dik jeh datn lalukan ngant oniah saja dik jeh datn ajarkan. ³¹ Ngant, Yesus nyonok nganu datn, ''Bohlah ngasingkan diapm koni ahok dik sunyik ngant buistrirahatlah sutogal.'' Sebab, biatn obeh nyo dik monik ngant obu, ngant samah duak pun datn kai sopat. ³² Lalu, Yesus ngant nabuah-nabuah-Nya obu ngasingkan diapm samah ohut koni ahok dik sunyik. ³³ Dok tapi, nyo obeh honong datn obu ngant nginal datn. Ngant, nyo obeh hant bukoduh busamah-samah nosok johatn darat sok sumua kota, ngant tiba nok nyih tiyatn Yesus ngant jalah nabuah-Nya. ³⁴ Tika Yesus obu koni sonik sungi, Diapm rasa bubolaskasihan nganu datn karna datn mah domba dik kai puk gembala. Maka, Yesus mulai ngajarkan datn obeh hal. ³⁵ Tika onu mulai ngehip, nabuah-nabuah Yesus ngant nyonok, ''Ahok te ahok dik sunyik ngant jeh omuh ngehip. ³⁶ Suruhlah datn obu koni daerah kulilink ngant koni desa-desa supaya datn mihik sesuatu samah nyak duak.'' ³⁷ Dok tapi Yesus jawab, ''Muklah dik mihik datn duak.'' Ngant, datn nyonok nganu-Nya, ''Haruskoh mik obu ngant mihik roti hogo 200 dinar ngant mihiknya samah datn duak?'' ³⁸ Yesus nyonok nganu datn, ''Biatn kudu roti dik muk puk? obu ngant hanonglah!'' Setelah datn tauknya, datn nyonok, ''Himik roti ngant du katn.'' ³⁹ Lalu, Yesus mihitahkan datn sumua agar guhuk wah kolompok-kolompok nok somu iduh ijau. ⁴⁰ Nyo obeh hant biatn guhuk bukulompok, biatn dik sahatus nyo ngant biatn dik himih puhuk nyo. ⁴¹ Jeh hant, Yesus monu himih roti ngant du katn hant, honong koni honyiatn, Diapm ngucap syukur ngant mecah-mecahkan roti hant, lalu Diapm minyuknya nganu nabuah-nabuah-Nya supaya ngidangkannya nganu nyo obeh. Diapm gik bagi-bagi du katn hant nganu sumua nyo. ⁴² Ngant, datn sumua duak sapai busuak. ⁴³ Kumudian, datn monu du bolas kuhanyak dik punung samah sisa-sisa roti ngant katn. ⁴⁴ Ngant, biatn himih hibu dahi-dahi dik duak roti. ⁴⁵ Kumudian, Yesus copat mihitahkan nabuah-nabuah-Nya simak koni ohut ngant obu tiat-Nya koni suborang, koni Betsaida, sementara Diapm ngadok nyo obeh hant obu. ⁴⁶ Setelah bupamitan samah datn, Diapm obu koni dohik samah budoa. ⁴⁷ Tika hok ngehip, ohut biatn nok tido sungi, ngant Yesus tediap nok darat ⁴⁸ Ngant, setelah honong nabuah-nabuah-Nya bukayuah samah susahpayah karna bahat bulawat arah samah datn, kira-kira pada jam jeh ngehip kupat, Yesus monik datn samah bujalatn nok somu sungi ngant Diapm hendak bujalatn nosok datn. ⁴⁹ Dok tapi tika datn honong Yesus bujalatn nok somu sungi, datn nyangka bahwa Diapm hantlah muatn, lalu datn makas, ⁵⁰ karna datn sumua honong Yesus ngant golak. Namun, Yesus copat ngomong nganu datn, ngant nyonok koni datn, ''Tenanglah. Te Kuk! yok golak.'' ⁵¹ Lalu, Diapm simak busamah datn koni ohut, ngant bahat hant pun reda, ngant datn jeh takjub. ⁵² Sebab, datn maseh guatn pahapm tentang mukjizat himih roti hant karna oti datn maseh dikhiyakan ⁵³ Ngant, setelah Yesus ngant nabuah-nabuah-Nya nyuborank, datn mendarat nok poyok Genesaret ngant bulabuah. ⁵⁴ Tika, datn monok sok ohut, nyo-nyo copat nginal Yesus, ⁵⁵ Ngant sukoduh koni suluruh daerah hant ngant mulai matn nyo-nyo monap nok somu tilap, koni kiah pun datn ngopink tentang kubiatn Yesus. ⁵⁶ Maka, koni kiah pun Yesus namok koni desa-desa, atau kota-kota, atau daerah-daerah nok sukitarnya, datn bugalai nyo-nyo monap nok ahok hami ngant mohon nganu-Nya supaya datn boleh jamah tojuak jubah-Nya saja. Ngant osiah pun dik nyinguk jubah-Nya jodi baik.