¹ Yiak hakimi supaya muk kai nihakimi. ² Karna samah puhakiman dik muk gunakan ngadok haki mi, muk dok nihakimi, ngant samah ukuran dik muk gunakan ngadok ngukur dok niukur nganumuk. ³ Ngant, ngoniah muk honong serpihan koyuh nok metih posikmuk, tapi kai tau balok dik biatn nok metihmuk tediapm? ⁴ Atau, makiahmah bisa muk nyonok nganu posikmuk, 'Adunkg kuk luar serpihan koyuh hant sok metihmuk,' tapi hanong, biatn balok nok metihmuk tediapm? ⁵ Hai, nyo munafik, kuluar guatn balok hant sok metihmuk, ngant kumidian muk dok honong samah jelas ngadok nguluarkan serpihan koyuh sok metih posikmuk. ⁷ ''Mitolah, ngant hal hant dok niminyuk nganumuk. Gagaulah, ngant muk dok depit. Ketukan, ngant hal hant dok nimukaan bagimuk. ⁸ Sebab, tiap nyo dik mito, diapm himo, ngant nyo dik ngagau dok depitnya, ngant bagi diapm dik ngetuk dok nimukanya. ⁹ Atau, osiahkah sok antara muk, dik jika naknya mito roti dok minyuk botuh nganu naknya hant? ¹⁰ Atau, jika naknya himo katn, diapm kai dok minyuknya nyipih nganu naknya hant, bukan? ¹¹ Jodi, jika muk dik bek tauk makiahmah minyuk nak-nakmuk puminyuk-puminyuk dik baik, tulobiah bagi Mamuk dik nok surga, Diapm dok minyuk dik baik nganu datn dik mito nganu-Nya.'' ¹² ''Karna hant, segala susuatu dik muk ingin nyo lakukan nganumuk, demikian gik muk lakukan nganu datn karna telah isi Hukum Taurat ngant kitab para nabi.'' ¹³ ''Namoklah lalu gerbang dik sekiat karna doehlah gerbang ngant luaslah johatn dik nuju nganu kubunasaan, ngant biatn obeh dik namok laluinya. ¹⁴ Sebab, sekiatlah gerbang ngant sesaklah johatn dik nuju nganu kumidiapm, ngant cink dik kudepitnya.'' ¹⁵ ''Namun, waspadalah tuhadap nabi-nabi paslu, tapi subonarnya datn adalah serigala-serigala dik buas. Sok buokny alah muk dok ¹⁶ nginal datn. Depikkoh nyo mulua buok-buok anggur sok semak-semak hojok ngant buok-buok ara sok tumbuhan-tumbuhan buhokok? ¹⁷ Demikian gik, tiap bota dik baik hasilkan buok dik baik, tapi bota dik kai baik hasil buok dik kai baik. ¹⁸ Bota dik baik kai mungkin haselkan buok dik kai baik, ngant bota dik kai baik kai mungkin hasel buok dik baik. ¹⁹ Sutiap bota dik kai hasel buok dik baik dok nitimiab ngant nimotatn koni wah opi. ²⁰ Jadi, sok buok-buoknya muk dok nginali datn. ²¹ Kai sumua nyo dik nyonok nganukuk, 'Tuhan, Tuhan,' dok namok koni wah Kerajaan Surga, melainkan diapm dik lakukan kehendak Makuk dik nok surga. ²² Pada onu hant, obek nyo dok nyonok nganu-Kuk, 'Tuhan, Tuhan, bukankah mik bubuat wah odatn-Muk ngant ngosar minu bek wah odatn-Muk ngant lakukan obeh mukjizat wah odatn-Muk?' ²³ Lalu, Kuk dok nyonok nganu datn, 'Kuk kai suah nginal muk! Enyahlah sok-Kuk, muk dik ngerjakan kusalahan!'''' ²⁴ ''Karna hant, sumua nyo dik ngopink kusanok-kusanok-Kuk te ngant lakukannya dok jodi mah nyo bijaksana dik bangun homingnya nok somu botuh. ²⁵ Lalu, monoklah ujatn ngant moniklah banjir, ngant bahat butiup menerpa homing hant, ngant homing hant kai roboh karna nidirikan nok samu botuh. ²⁶ Ngant, sutiap nyo dik ngopink kusanok-Kuk te ngant kai lakukannya dok jodi mah nyo bodoh dik bangun homingnya nok somu kohisiak. ²⁷ Lalu, monoklah ujatn ngant moniklah banjir, ngant bahatbutiup menerpa homing hant, ngant homing hant roboh, ngant sangat doeh kurusakannya.'' ²⁸ Tika Yesus selesai nyonok hal-hal te, nyo obeh tuheran-heran nganu pengajaran-Nya, ²⁹ karna Diapm ngajar datn subagai nyo dik bukuasa, ngant kai mah ahli-ahli Taurat datn.