¹ Tika honong nyo obeh hant, Yesus simak koni somu dohik. ² Ngant, setelah Diapm guhuk, nabuah-nabuah-Nya monik nganu-Nya. Ngant, Diapm muka tukuak-Nya ngant ngajar datn, Kata-Nya, ³ ''Niberkatilah nyo dik musiketn wah minu sebab datn dik puk Haja Surga. ⁴ Niberkatilah datn dik budukacita sebab datn dok nihibur. ⁵ Niberkatilah nyo dik lomut oyinya sebab datn dok warisi bumi. ⁶ Niberkatilah datn dik bihiak ngant aus dok kubonar sebab datn dok nikenyangkan. ⁷ Niberkatilah datn dik bebelas kasihan sebab datn dok peroleh bolas kasihan. ⁸ Niberkatilah datn dik bohoseh nok wah oti sebab datn dok honong Punopo. ⁹ Niberkatilah datn dik matn damai sebab datn dok nisebut nak-nak Punopo. ¹⁰ Niberkatilah datn sik nianiaya demi kubonaran sebab datn dik puk Kuhajaan Surga. ¹¹ Niberkatilah muk apabila nyo celakamuk ngant aniayamuk, ngant nyonok segala macam kusanok jahat tuhadapmuk yiak fitnah karna Kuk. ¹² Busukacita ngant bergembiralah karna doeh upahmuk nok surga karna demikianlah datn nganiaya para nabi subolum muk.'' ¹³ ''Muk adalah gahap dunia, tapi gahap hant jodi hambar, samah biatn diapm dok niasinikan? Diapm kai buguna sama sukali selain ngadok nimotatn ngant nihunyak-hunyak oleh nasio.'' ¹⁴ ''Muk adalah terang dunia. kota dik tulotak nok som u dohik kai depit ninyukatn. ¹⁵ Nyo-nyo gik kai nyala pulita, lainkan mok somu kojok pulita, ngant diapm nerangi sumua dik biatn nok wah homing. ¹⁶ Adunglah terangmuk gik bucahaya samah cara dik sama supaya datn depit honong pubuatan-pubuatanmuk dik baik ngant muliakan Ma muk dik nok surga.'' ¹⁷ ''Yiak bupiker bahwa Kuk monik ngadok niadakan Hukum Taurat atau kitab para nabi. Kuk monik bukan ngadok niadakannya lainkan ngadok genapinya. ¹⁸ Kuk nyonok dik subonar nganumuk, sapai honyiat ngant bumi bulalu, kai biatn nyik iota atau nyik coretan pun dik dok moyapmsok Hukum Taurat sapai sumuanya nigenapi. ¹⁹ Karna hant, osiah dik niadakan salah satu sok pihitah-pihitah dikcink te ngant ngajar nyo lain ngadok lakukan hal dik sama, diapm dok nisebut dik dikcink wah Kuhajan Surga. Namun, osiah dik lakukan pihitah-pihitah hant ngant ngajarkannya dok nisebut doeh wah Kuhajaan Surga. ²⁰ Sebab, kuk nyonok nganumuk bahwa jika kubonaranmuk kai lobiah baik daripada kubonaran ahli-ahli Taurat ngant nyo-nyo Farisi, muk sama sukali kai dok namok koni wah Kuhajaan Surga. ²¹ Muk jeh ngopink dik ninyinok nganu nenek moyang yah, 'Yiak komek, ' ngant 'Osiah dik komek pantas nimatn koni pengadilan.' ²² Dok tapi, Kuk nyonok nganumuk bahwa osiah pun dik nohuk nganu posiknya pantas biatn wah hukuman, ngant osiah pun dik nyonok nganu posiknya, 'muk tolol,' pantas biatn nok hadapan mahkamah Agama, ngant osiah pun dik nyonok, 'Muk bodoh,' pantas biatn wah neraka api. ²³ Karna hant, jika muk persembahkan persembahanmuk nok somu altar,, ²⁴ togatnkanlah persembahanmuk hant nok depan altar tulobiah dahulu nidamaikan samah posikmuk, setelah hant boliak ngant persembahkan persembahanmuk. ²⁵ Sucopat mungkin, budamailah samah nyo dik duhmuk subagai muk wah johatn busamanya supaya yiak nuduhmuk hant nyerahkanmuk nganu hakim, ngant hakim hant nyerahkanmuk nganu pugawainya, ngant muk nijebloskan koni wah penjara. ²⁶ Kuk nyonok dik subonarnya nganumuk, muk kai dok suah kuluar sok nyih sapai muk jeh mayar sen dik kumisik.'' ²⁷ ''Muk jeh ngopink bahwa ninyonokan, 'Yiak buzina.' ²⁸ Dok tapi, Kuk nyonok nganumuk bahwa sutiap nyo dik mandangi nyo dayua ngant nginginkannya, diapm jeh buzina samah dayua hant nok wah otinya. ²⁹ Kalau metih touhmuk buatmuk budosa, kuciallah metihmuk hant ngant batatnlah. Sebab, lobiah baik muk moyapm salah nyik anggota opukmuk daripada suluruh opukmuk nimotatn koni wah neraka. ³⁰ Ngant, jika tongant tauhmuk buatmuk budosa, kapik ngant batatnlah tonganmuk hant karna lobiah baik muk moyapm salah nyik anggota opukmuk daripada suluruh opukmuk nimotatn koni wah neraka. ³¹ Jeh ninyonok: Osiah dik nyahak saunya harus minyu surat cahak nganu saunya hant. ³² Dok tapi, Kuk nyonok nganumuk bahwa osiah dik nyahak saunya. kucuali karna zina, diapm ngadok saunya buzina. Ngant, osiah dik pungatetn samah dayua dik jeh ninyahak hant, diapm gik buzina. ³³ Sukali gik, muk jeh ngopink dik ninyonok nganu nenek moyang yah, 'Yiak busupah palsu, taoi penuhilah supahmuk hant nok jowi tuhan.' ³⁴ Namun, Kuk nyonok nganumuk: yiak sukali-kali muk busupah, baik demi surga karna surga adalah takhta Punopo, ³⁵ ataupun demi bumi karna bumi adalah tumpuankojok-Nya, ataupun demi Yerusalem karna hant adalah kota Sang Haja Doeh. ³⁶ Yiak gik muk busupah demi bakmuk karna muk kai depit moki sehelai buhubak pun, mopuk atau mehip. ³⁷ Namun, hendaklah kusanokmuk, ya jika ya, kai jika kai, karna dik selebihinya sok hant buasal sok si bek. ³⁸ muk jeh ngopink oniah dik jeh ninyonok, 'Metih sile metih ngant jipit sile jipit.' ³⁹ Namun, kuk nyonok nganumuk yiak lawan dik bek, lainkan osiah dik naparmuk pada pipi tauh, sodorkan nganunya pipimuk dik lain gik. ⁴⁰ Ngant, jika nyo hendak nuntutmuk ngant monu bojuhmuk, tinyu gik jubahmuk nganunya. ⁴¹ Ngant, osiak dik maksamuk bujalatn 1 mil, bujalatnlah busamanya ojuk 2 mil. ⁴² Pinyuklah nganu nyo dik mito nganumuk ngant yiak nolak nyo dik ingin minyap sokmuk.'' ⁴³ Muk jeh ngopink dik nifirmankan, 'Kasihilah sesamamuk, ' ngant 'Bencilah musuhmuk.' ⁴⁴ Namun, Kuk nyonok nganumuk, kasihilah musuh-musuhmuk ngant budoalah bagi nyo-nyo dik nganiaya muk, ⁴⁵ samah demikian muk depit jodi nak-nak Bapamuk dik nok surga karna diapm nerbitkan metihonu-Nya bagi dik bek ngant bagi dik baik, ngant tonokkan ujatn bagi dik odunkg ngant dik kai odunkg. ⁴⁶ Sebab, kalau muk hanya ngasihi nyo-nyo dik ngasihimuk, upah oniah dik muk depit? Bukankah pumulua pajak gik lakukan hal dik sama? ⁴⁷ Ngant, jika muk minyuk salam hanya nganu posik-posikmuk, oniah lobiahnya pubuatmuk? Bukankah nyo-nyo dik kai nginal Punopo gik bubuat mah hant? ⁴⁸ Karna hant, muk harus jodi sempurna, mah Bapamuk dik nok surga adalah sempurna.''