¹ Kemudian, Imam daeh ngomong, "Omant kai yuhan? ² Libo, Stefanus ngomong, "Posik-posik ngan nyo mutuh dahi, kapingk guant kuk, Punopok dik Maha Mulia mayant nganu nek yua yah, Abraham, libo diamp maseh ponay nok Mesopotamia, libo diamp guant ponay nok Haran, ³ Ngan ngomong nganu nyo, obu lah sok poyok muk ngan sok posik muk. ⁴ Kemudian, Abraham togant poyok nyo Kasdim ngan ponay nok Haran. sok nyih, libo ma diamp jeh kobek, Punopok ngadok pinah nganu poyok te, ahongk dik tia nyak muk ponay. ⁵ Namun, Punopok kai nyiluk warisan nganu diamp, bahkan nyik bidangk poyok pun kadiah, tapi bujanyi hok nyiluk nganu Abraham nyak puk diamp ngan kutuhun dik jeh diamp, walapun, Abraham guant diah nak a. ⁶ Tapi matia, Punopok ngomong yute, bahwa kutuhunt diamp jodi nyo ponik nok poyok dik asing ngan jakah dant akan nih perbudak sohoto nih ngangah selamak pat hatus sowok. ⁷ Namun, kuk hok nyiluk hukuman nganu bangsa di me perbudak nyo, kuant Punopok ngan mosik dant hok kuluar sok nyih nyak sumayangk nganu kuk nok ahongk te. ⁸ Lalu, Punopok minyuk nganu Abraham pujanyi sunat, nyak Abraham jodi ma Ishak ngan nyunat libo uisa mai onu, lalu Ishak jodi ma Yakub, ngan Yakub, du bolas ma leluhur. ⁹ karna iri nganu Yusuf, ma leluhur yah nyual diamp nganu Mesir. tapi jeh, Allah menyertai Yusuf, ¹⁰ Ngan nyelamatkan diamp sok sumua punyuhok, sohoto minyuk diamp anugrah ngan kebijaksanaan no jowi Firaun, Haja Mesir, dik moki diamp jodi pumimpint somu Mesir ngan sumua istana diamp. ¹¹ Libo han, bencana bihiak jodi nok sumua Mesir ngan Kanaan, suhoto moki punyohok dik lebih daeh, ngan nek yua yah kai tauk depit kunudap. ¹² Jeh tapi, libo Yakub ngopingk bahwa biant gandum nok Mesir, diamp ngadok nek yua yah monik nganu koih nyak punojih han. ¹³ Libo monik dik kudua, Yusuf moki diamp dok tauk jalah posik-posiak diamp, ngan keluarga Yusuf jodi jelas nyak Firaun. ¹⁴ Jeh han, Yusuf ngirim posant ngan udangan Yakub, ma diamp, ngan sumua jalah posik diamp, sumua berjumlah 75 jiwa. ¹⁵ Nyak Yakub monok nganu Mesir ngan diamp nok han, diamp ngan nek yua yah. ¹⁶ Sok nyih, dant nih minah nganu Sikhem ngan nih ngadok guhingk nok kubur dik jeh Abraham mihih ngan sujumlah duet sok nak nadik Hemor nok Sikem ¹⁷ Tapi jeh, libo makint somak waktu bujanyi han, dik jeh Punopok ikrarkan nganu Abraham, bangsa han butamah ngan bulipat du nok Mesir, ¹⁸ Sampai biant haja laing bangkit nyak suluruh Mesir, dik katau tentangk Yusuf. ¹⁹ Haja han nipu bangsa yah ngan ngangah nek yua sehinga maksa nyo motant nak-nak dant sehinga dant kai depit butahant midiap. ²⁰ Libo masa han, Musa ediah, ngan diamp haja pas nok metih Ponopok. ²¹ Ngan, Musa nih ngurus nok homing ma diamp selamak tohuah buhant. Ngan, libo diamp jeh nih motant, putri Firaun monu diamp ngan ngadok daeh mah nak diamp. ²² Nyak, Musa nih didik nok wah segala hikmat nyo-nyo Mesir ngan diamp bukuasa nok wah pungomong ngan perbuatan diamp. ²³ Namun, libo Musa jeh buusia pat puhuk sowok, timual dik nok wah oti diamp hok nganu posik-posik diamp, han kutuhunt Israel. ²⁴ Ngan libo ngolo nyik nyo sok jalah dant nih ngadok kai adel sok nyo Mesir, Musa monik bela nyo dik nik ngangah han ngan nih molas ngan komek nyo Mesir han. ²⁵ Musa ngira bahwa posik-posik diamp jeh ngerti bahwa Punopok nyiluk dant keslamatan sok opuk diamp, tapi dan kai mengerti. ²⁶ Libo onu dik babut, Musa ngadok monik nyo Israel dik jeh budohuh, ngan diamp bu usaha ngadok nyo damai, ngan ngomong, 'Hai, kai koh dant biant bu posik, ngoniah salingk budohuh?" ²⁷ Namun, nyo dik budohuh posik diamp han nguser Musa nganu sampingk samel ngomong, " osiah dik ngadok jodi peguasa ngan hakim nyak mik? ²⁸ Ngoniah muk hok komek kuk mahan muk komek ma sok du nyo nadik dahi. ²⁹ Ngopingk omong nyo han, Musa obu ngan jodi pumonik nok poyok Midian. Nok nyih, diamp jodi ma sok du kuanan nak dahi. ³⁰ Libo jeh pat puhuk sowok, seorang malekat manyant nganu Musa nok padangk belantara dohik sinai, nok jihok opi dik iduh buhojok. ³¹ Libo Musa ngolo diamp, Diamp heren ngolo pungolo han. ngan, lido diamp nyomak nyak hok ngamati, monik lah caho Punopok, ³² Kuk lah Punopok nek yua muk, Punopok Abraham, ngan Punopok Ishak, ngan Punopok Yakub. Musa pun gigit golak ngan kai buhani nyak ngamati. ³³ Lalu, Punopok ngomong nganu diamp, 'Lapaskan lah silup sok kojok muk karna ahongk nyak muk tekit adalah poyok suci. ³⁴ Kuk bonar-bonar jeh ngolo punyohok umat-kuk dik biant nok Mesir ngan jeh ngopingk caho dant, Ngan, Kuk jeh monok hok nyelamat, Ngan dik tuk'u bohlah, Kuk hok ngutus muk nganu Mesir. ³⁵ Musa, dik jeh dant tolak ngan ngomong, 'Osiah koh dik ngadok muk jodi puguasa ngan hakim nyak mik?' Diamp adalah nyo dik nih Punopok ngutus nyak jodi, baik puguasa luapun puyelamat, nosok tongan malekat dik ngayant diamp nok iduh budurik. ³⁶ Nyo te dik mimpint dant kuluar, samel moki mujizat ngan tana-tana ajaib nok poyok Mesir, ngan nok lawuat siok, ngan nok padangk belantara selama pat puhuk sowok. ³⁷ Musa te lah dik ngomong nganu bangsa Israel, 'Punopok hok ngadok mokat bagi muk seorang Nabi mah kuk sok tengah posik-posik muk.' ³⁸ Diamp te adalah nyo dik biant nok tengah umat nok padangk belantara ngan malekat dik ngomong nganu diamp nok dohik Sinai, dik ngan nek yua yah, ngan diamp jeh himok firman dik midiap hok nih nganu yah. ³⁹ Nek yua yah nolak hok taat nganu Musa, tapi nguser diamp ngan hok mnik gik nganu Mesir nok wah oti dant, ⁴⁰ Ngan ngomong nganu Harun, 'Takilah mik dewa-dewa dik hok bujalan nok depan mik karna Musa te, dik mimpint mik kuluar sok poyok Mesir, mik kai tauk oniah dik jeh nganu diamp. ⁴¹ onu han, nyo moki subuah patung nak kamingk, ngan minyuk persemahan nganu berhan han, ngan busarak-sorai ngan kuhija-kuhija tongan dant. ⁴² Hok tapi, Punopok bupalingk sok dant ngan biarkan dant nyemah bala tentara honyiat, mah dik tutulis nok kitab jalah Nabi, "Ngoniah muk mant nganu kuk binatangk nih moleh ngan persemahan selamak pat puhuk sowok nok padangk belantara, hai umat Israel? ⁴³ Muk mant kemah Molokh ngan binatangk dewa muk, Refan, patung dik nih muk moki nyak meyemah diamp, ngan kuk hok motant muk nok sebrang Babel.' ⁴⁴ Nek yua yah puk kemah kusaksi nok padangk belantara, mah dik nih Punopok pihitah libo ngomong nganu Musa, nyak moki diamp susuai ngan gamar dik jeh diamp ngolo. ⁴⁵ Jeh himok kemah han, nek yua yah mant diamp namok ngan Musa, dik jeh nih Punopok nguser sok jowi nwk yua yah, sapai nganu jaman Daud. ⁴⁶ Daud depit kasih kurnia nok jowi Punopok ngan mitok nyak depit ahongk ponay nyak Punopok Yakub. ⁴⁷ Tapi, Salomo dik bangun subuah homing bagi. ⁴⁸ Namun, dik Mahaomuh kai ponay nok wah homing dik nih moki nyak tongan naksio, mah dik nih nyonok sok Nabi. ⁴⁹ 'Honyiant adalah tahta-kuk ngan bumi adalah tumupuan-kuk. Homing oniah nyak muk bagun nyak-kuk?' Punopok bufirman, 'Atau, oniah ahongk istirahat-kuk. ⁵⁰ Kai koh tongan-kuk dik moki sumuh te?' ⁵¹ Hai, muk nyo-nyo dik kohas bak'a, ngan oti ngan kopingk dik kai busunat, muk slalu notangk Minu bohoseh, mah dik nih kodi nek yua muk! ⁵² Nabi-nabi dik kiah dik kai nih ngangah nih nek yuamuk? Ngan, dant komek nyo-nyo dik guant jeh ngumumkan pumonik Sang Dik oduk, dik tia jeh moki opuk muk sendiri sbagai pegianat ngan komek. ⁵³ Muk, dik himok hukum Taurat mah jeh dik nih nyonok nih para malekat, tapi muk kai jaga diamp!" ⁵⁴ Libo dant ngopingk hal-hal te, oti dant nyam ni hocok ngan megertakkan jipint ngan terhadap Stefanus. ⁵⁵ Tapi, Stefanus dik nih ngarongk nih Mino Bohoseh ngolo nganu honyiat ngan ngolo kemulian Punopok, ngan Yesus budiri nok sebelah touh Punopok. ⁵⁶ Stefanus ngomong, "Kapingk! Kuk ngolo honyiat tubukak ngan nak sio budiri nok subelah touh Punopok." ⁵⁷ Namun, dant makas-makas ngan caho kohas, ngan nitiap kopingk dant, sohoto sepakat nyerbu Stefanus. ⁵⁸ Lalu, dant nyeret nganu kuluar sok kota ngan nojih pelajari ngan botuh, Jeh han, jalah saksi metih muliah jubah dant nok kojok nyo pemuda odant Saulus. ⁵⁹ Ngan, dant notak merajam Stefanus dik gik buseru ngan ngomong, " Punopok Yesus, tihimoklah Minu-kuk." ⁶⁰ Kemudian, jeh bulutut, diamp buseru nyak caho kohas, "Punopok, yok tangongk dosa te nganu dant!" Ngan, jeh nyonok diamp, Diamp pun kobek.