Pasal 13

1 Suatu saat, biant nok apiat jemaat Antiokhia, nabi-nabi ngan guru-guru, yaitu Barnabas, Simeon dik nih nyonok Niger, Lukius sok Kirene, Menahem dik nih ngadok daeh ngan Herodes 1 , Haja wilayah, ngan Saulus. 2 Sementara nyo-nyo tia gik buibadah nganu Punopok ngan puasa, Minu kudus nyonok, "Khususkanlah nyak-kuk Barnabas ngan Saulus hok tugas dik nyak tia Kuk jeh pau dant." 3 Kemudian, stelah bupuasa ngan budoa, suhoto numpangkan tongan nok somu Barnabas ngan Saulus, dant ngutus nyo du kunan han obu. 4 Maka, setelah nih ngutus obu sok Minu Kudus, Barnabas ngan Saulus monok nganu seleukia, ngan sok nyih dant bulayar nganu siprus. 5 Libo dant jeh monik nok Salamis, dant nyiluk kabar Firman Punopok nok Sinagoge-Sinagoge nyo Yahudi, lalu dant gik mant Yohanes sebagai pelayan dant. 6 Libo dant obu jelajahi suluruh pulau sapai nganu Pafos, dant dept nyo tukangk sihir, nyik kunan nabu palsu Yahudi, dik buodany Baryesus. 7 Diamp samah ngan Prokonsul 2 Sergius Paulus, Nyo dik cerdas, dik motok Barnabas nganSaulus monik nganu diamp ngan hok ngopingk Firman Punopok. 8 Akan tetapi, Elimas, tukang sihir han, karna libo nama diamp di terjemahkan, menentang Barnabas ngan Saulus, ngan bu usaha milokan Prokonsul han sok iman diamp. 9 Namun, Saulus, dik jeh kinal sebagai Paulus, di penuhi Minu Kudus, ngolo Elimas, 10 Ngan ngomong, "Hai muk, dik punuk ngan segala tipu muslihat ngan segala kejahatan, muk adalah nak Iblis, muk adalah musuh sok segala kebenaran, kai inginkah muk togak moliak jalan Punopok dik Bujuar? 11 Sekarang, kololah, tongan Punopok monik nok somu muk nyak muk hok jodi bokap ngan kai kolo metih sohonuh selamak beberapa waktu." Libo han tih, kabut ngan pitik monok nok somu diamp ngan diamp obu bu putar ngogaw nyo nyak menuntun tongan diamp. 12 Lalu, Prokonsul tia pucaya libo ngolo oniah dik jeh terjadi karna diamp kagum ngan ajaran Punopok. 13 Suatu saat, Paulus ngan nyo-nyo dik sohoto bulayar sok Pafos nganu Perga, nok Pamfilia, tapi Yohanes togant dant ngan boliak nganu Yerusalem. 14 Namun, Saulus ngan Barnabas lanjutkan jalant sok Perga ngan sapai nok Antiokhia, nok Pisidia. Ngan, libo onu sabat, dant obu nganu Sinagoge ngan guhuk nok han. 15 Setelah maca Hukum Taurat ngan Kitab Jalah Nabi, kepala-kepala Sinagoge ngadok nyo ngomong nganu du bolas Rasul han, "Posik-posik, lak muk puk kata-kata puhibur nyak nyo-nyo tia, Sanoklah." 16 Maka, Paulus tekid ngan nyiluk isyarat nyak tongan diamp ngan ngomong, "Hai nyo-nyo Israel ngan muk dik golak ngan Punopok, kapingk tia! 17 Punopok bangsa Israel tia jeh milih nek yua yah ngan meninggikan bangsa yah selamak dant ponay nok poyok Mesir nyak dik lengan nih ngokat, diamp mimpin dant kuluar sok han. 18 Selamak sukitar pat puluh sowok, diamp besabar ngan tingkah laku diamp dant nok padangk belantara. 19 Dan, libo jeh diamp membinasakan juk bangsa nok poyok Kanaan, diamp mewariskan poyok tia. 20 Sumua tia terjadi kira-kira selamak 450 sowok. setelah han, Punopok menyerahkan nganu dant hakim-hakim sapai pada masa Nabi Samuel 3 . 21 Kemudian, dant minok seorang Haja, nyak Punopok nyiluk dant Saul, nak dahi Kish, nyo sok suku Benyamin, selamak pat puhuk sowok. 22 Setelah Punopok nyingkirkan Saul, Punopok bangkitkan Daud nyak jodi Haja dant, dik tentang Punopok jeh busaksi ngan ngomong, "Kuk jeh depit Daud, nak dahi Isai, nyo dik berkenan nok otik-Kuk, dik lua kodi sumua Kehendak-Kuk.' 23 Sok kutuhun nyo tia, Punopok, susuai janyi-Diamp, mant nganu Israel seorang Juruselamat, yaitu Yesus. 24 Libo guant monik Yesus, Yohanes jeh nyonok libo guant tentang baptisan pertobatan nganu sumua nyo Israel. 25 Nyak, sementara Yohanes gik nyelesaikan tugas diamp, diamp notak ngomong, 'Muk kira osiah kuk tia? Kuk kai Diamp 4 . Namun, kololah, nyo monik setelah kuk, silup nok kojok-Diamp pun kuk kai layak muliaha.' 26 Posik-posik, kutuhun kuluarga Abraham ngan nyo-nyo nok apiat muk dik golak ngan Punopok, nganu yah brita keselamatan tia jeh nih nyonok. 27 Sebab, dant dik ponay nok Yerusalem ngan jalah pumimpin dant, dik kai kinal Diamp ngan kai mahami upacara para nabi, dik nih maca setiap onu sabat, jeh mengenapi ucapan jalah nabi han 5 ngan menghukum Yesus. 28 Nyak, sekalipun dant kai depit alasan oniah pun nyak hukuman kobek, dant mitok Pilatus nyak komek-Diamp. 29 Nyak, Libo dant menggenapi sumua dik nih nulis tentang Diamp, dant ngadok monok-Diamp sok koyuh salib ngan ngadok guhingk nok wah kuburan. 30 Akan tetapi, Punopok mebangkitkan Diamp sok apiat nyo kobek, 31 Dan selamat bu onu-onu, Yesus nganyankan opuk diamp nganu nyo-nyo dik ngan Diamp sok Galilea sapai Yerusalem, dik jeh jodi saksi-saksi-Diamp nyak bangsa tia. 32 Dan, Mik mant nyak muk kabar Baik tentang janyi Punopok nganu nek yua yah, 33 Bahwa Punopok jeh menepati janyi han nyak yah, Nak-nak dant, nyak membangkitkan Yesus, mah dik nih nulis nok wah Kitab Mazmur Pasal du:

'Engkau adalah nak-Kuk.
Onu tia, Kuk jeh jodi Ma-muk.'
Mazmur 2:7


34 Tentang Punopok dik bangkitkan Yesus sok apiat nyo kobek, kai gik boliak nganu kebinasaan, Punopok jeh ngomong,

'Kuk hok nyiluk nganu muk berkat
dik Kudus ngan depit nyak pucaya, dik nih nyiluk nganu Daud.'
Yesaya 55:3


.
35 Hanlah sebabnya, Diamp juga ngomong nok wah Mazmur dik laingk,

'Engkau kai hok biarkan nyo Kudus-muk ngolo kebinasaan.'
Mazmur 16:10


36 Sebab, Daud, jeh melayani generasi diamp sunirik sok kehendak Punopok, Lalu kobek 6 , ngolo kebinasaan, 37 Tetapi Yesus nih Punopok bangkitkan sok apiat nyo kobek, kai ngolo kebinasaan. 38 Oleh karna han, biarlah nyak muk tauk, Posik-posik, bahwa nosok Diamp hanlah pengampunan atas dosa-dosa nih nyatakan nyak muk, 39 Dan nosok-Diamp, sutiap nyo dik pucaya nih bebaskan sok segala sesuatu, sok Diamp muk kai depit nih bebaskan sok Mukum Taurat Musa. 40 Jadi, buhati-hatilah supaya hal-hal dik nih nyonok sok wah Kitab jalah nabi kai terjadi nganu muk:

41 'Kololah, hai jalah pengejek!
Pojiat ngan binasalah,
Karna Kuk kodi kuhija nok Zaman muk,
subuah kihija dik kai nyak muk pucaya,
bahkan lak seorang menjelaskan nganu muk.'"
Habakuk 1:5


42 Sementara, Paulus ngan Barnabas kuluar, Nyo-nyo mohon agar dant nyampaikan tentang firman tia nyak onu sabat berikutnya. 43 Setelah budepit nok Sinagoge jeh selesai, obeh nyo Yahudi ngan jalah Proselit 7 dik golak ngan Punopok ngajek Paulus ngan Barnabas, dik gik ngomong nganu dant ngan nulak dant hok nyak ponay nok wah anugrah Punopok. 44 Libo onu sabat berikutnya, hampir sumua nyo nok kota bukumpul hok ngopingk firman Punopok. 45 Akan tetapi, libo nyo-nyo Yahudi ngolo kuhami han, dant dipenuhi iri oti ngan mulai menentang oniah dik nih nyonok sok Paulus samial menghujatnya. 46 Lalu, Paulus ngan Barnabas menjawabnya ngan buhani ngan ngomong, "Hal tia penting bahwa firman Punopok seharusnya dinyatakan nganu muk lebih dulu. karna muk nolak diamp ngan nganggap diri muk kai pantas midiap dik kekal, kololah, mik berpaling nganu bangsa-bangsa laingk. 47 Sebab, Matialah Punopok nyiluk pihitah nganu mik:

'Kuk jeh jodikan muk terang nyak bangsa-bangsa laingk
Supaya muk depit mant keselamatan sapai nganu tojuak bumi.'"
Yesaya 49:6


48 Libo nyo-nyo dik kai Yahudi han ngopingk hal tia, dant bersukacita ngan memuliakan firman Punopok. Dan, jeh obeh ngan dik jeh nih nentukan nyak midiap kekal, jodi pucayak. 49 Maka, firman Punopok menyebar nganu suluruh wilayah han. 50 Akan tetapi, Nyo-nyo Yahudi ngasut dayua-dayua Saleh dik terhormat ngan nyo-nyo penting nok kota, nyak membangkitakan ngangah terhadap Paulus ngan Barnabas, serta nguser nyo du han nganu luar sok daerah perbatasan dant. 51 Namun, samial ngibaskan dobu sok kojok 8 dant terhadap nyo-nyo Yahudi nok nyih, Paulus ngan Barnabas obu nganu Ikonium. 52 Ngan, jalah murid nih penuhi ngan sukacita nyak ngan Minu Kudus.

1 13:1 HERODES: kolo Herodes Agripa I nok Daftar istilah.
2 13:7 PROKONSUL: Jabatan samah ngan Gurbernur, yaitu Wali negeri dik mihitah nok Provinsi.
3 13:20 SAMUEL: Hakim dik kumisingk ngan nabi dik pertama nyo Israek.
4 13:25 DIAMP: dik bumaksud adalah Mesias (Bdk. Yoh. 1:20). Lih. Mesias nok Daftar istilah.
5 13:27 MENGENAPI UCAPAN JALAH NABI HAN: Jalah nabi nok masa PL jeh menubuatkan bahwa Kristus hok nih ngangah ngan kai nih himok sok bangsa diamp sunirik.
6 13:36 KOBEK: Tauk buarti bis. Bis nok wah artian kobek.
7 13:43 Proselit adalah nyo-nyo non-Yahudi dik bu agama Yahudi jodi penganut Yudaisme, ngan menyunatkan lak diamp nyo dahi (Matius 23:15)/
8 13:51 NGIBASKAN DOBU SOK KOJOK: sebuah peringatan. Nih artikan sebagai putusan segala bentuk hubungan (Bc. Luk. 9:5; 10:11).