^{1 2} 1Roh gokat samah jelas bahwa libo waktu-waktu pokosik, makih nyo hok kogan imanni samah meyerah deam koni roh-roh ponyosat ngan ajar setan- setan. 2Nyo nihgaru gelalu kemunafikan nyo dikhokua dik oti nuranimuk jeh nihcap ngan bosi letep. ^{3 4 5} 3Nyo nohuh nyo pugaten ngan nohuh nyo nas koyuh dik moki Allah, dik seharusi nihhinok samah yonok syukur nih nyo dik pucayak ngan genal kesebonar. 4Nih semua koyuh dik nihmoki sok Allah han baik ngan kai biyan dik haram lak nihimok sah gucap syukur, 5nih semua han nihkudus nih firman Allah ngan doa. ^{6 7 8} 6Samah mengajar hal-hal te koni posik-posik seiman, muk hok jodi pelayan Yesus Kristus sebagaimakih muk nih didik wah nihyonok-yonok iman ngan ajar sehat dik jeh muk gajah. 7Ojuklah cihito-cihito takhayul ngan dongeng-dongeng nek mutuh, tapi hanonaglah muk nyak mideap wah kesalehan. 8Latihan jasmani terbatas gunong, tetapi kotosat buguno wah segala hal nih mengandung janyi nyak pemidep tieng ngan juga pemidep dik hok monik. ^{9 10} 9Kusonok te deput pejayak ngan layak nihimok dikpol. 10Nyakmuk hanlah, yah kihija kohas ngan bujuang. Nih, yah ponok pengharapan yah nganu Allah dik mideap, dik biyan juru Selamat semua naksiyo, teristimewa nyo dik pocayak. ^{11 12 13} 11Pihitah ngan ajargane hal-hal te.12Yok biyan nyo dik merendahkan muk nih muk mugun, tapi jodilah teladan nyak nyo-nyo pucayak wah omong, tikah laku, kasih, iman, ngan kesucian. 13Sapai kuk monik, bertekunleh wah bubaca busamah Kitab Suci, wah yiluk nasihat, ngan nokwah mengajar. ^{14 15 16} 14Yok menyia-siakan karunia rohani dik ngan nganumuk, dik nihyiluk konimuk melalui nubuatan libo dewan penatua somumuk.15kadilah hal-hal te samah hajing, jiluklah sokmuk utuh nyak koding hal-hal te nya semua nyo deput golo kepanaimuk. 16Kolo samah bonar-bonar makihmah muk midep ngan onih dik muk kodi. Pecayakngan nok nokwah nih samah koding demikian muk hok maikii, baik muk maih lua nyo di goping ajaranmuk.