¹ Pahatikanlah bahwa ari-ari panudi, masa-masa kasukaran akan datang. ² hebab, urankg pacaya akan manjadi pancinta duit,pambual hombong panghujat ndak taat ka urankg tua, ndak taok batrima kaseh, ndak suci, ³ ndak taok mangaseh ndak huka badamai suka patenah, ndak taok mangandalikan dirik kejam, ndak huka opai yankg baik, ⁴ panghinat coroboh,angkuh lobeh mancintai awa nafsu niti ,Allah. ⁵ Paintai saleh tatapi manyngkali kuasanya jaoh'e urankg-urankg upa yat'n. ⁶ hebab, di ntara hidah ada urankg-urankg yankg yusup ka dalap'm jemaat dat'n nawan batinak-batinak lomah yankg dibeban wan banyak dosa dat'n manyeret hidak wan hawa nafsu. ⁷ batinak-batinak upa yat'n halalu belajar, tatapi ndak prenah taok hampai ka pangalam akan kabonar. ⁸ Hama upa Yanes dat'n Yambres yankg malawan Musa, pian am, gak urankg-urankg tok malawan kabonar. Piker hidak udah rusak dat'n iman hidak ndak akan ta'an uji. ⁹ tatapi hidak ndak taok lobeh jaoh agi karena bulo hidak akan nyata bagi urankg hama upa kaduak urankg yat'n. ¹⁰ Namun, ikau udah ngekot ajaranku cara idupku tujuan idupku, kasehku dat'n katekunanku, ¹¹ upa panganiayaan dat'n panderitaan yankg kualam di Antiokhia, Ikonium, Listra. Aku batahan dalap'm pangeniayaan, dat'n Tuhan manyelamatkanku niti hamua yat'n. ¹² ungoh'e hamua urankg yankg aus idup haleh dalap'm Yesus Kristus akan dianiaya, ¹³ sodangkan urankg-urankg jaat dat'n bala panipu akan jadi lobeh burok agik hidak manyosatkan dat'n disosatkan. ¹⁴ sodangkan untok ikau, terus'e wan opai yankg udah ikau plajar dat'n udah ikau yaken karena ikau taok sopai ikau memplajarnya, ¹⁵ ponikah hejak kocek ikau udah mangenal kitab huci yankg hanggup mborek hiokmat ka keselamatan malaluiiman dalap'm Yesus Kristus. ¹⁶ hamua Kitab huci dinapas oleh Allah dat'n baguna untok mangajar, untok manyata kasalahan, untok mambaik kalakuan, dat'n untok mandidek dalap'm kabonaran. ¹⁷ want piyant, mansia ompok Allah akan cakap dat'n dipalengkapi untok pabuatan baik.