¹ Akhir,e haudara-haudara, badoa lah untok kamek,hupaya Firman Tuhan Dapat tehebar wan lokas datn diMuliakan, upa yankg tajadi di ntara ikau, ² dat'n hupaya kamek di lopaskan niti urankg-urankg yankg kejam dat'n jaat karena ndak hamua urankg ompok iman. ³ Namun,Tuhan tok hatia Ia akan menguat kan dat'n malidongi ikau niti yankg jaat. ⁴ Kamek ompok kayakinan dalapm Tuhan mangenai ikau bahwa ikau sodankg malakukan dat'n akan terus malakukan opai yankg kamek perintahkan. ⁵ Kiraknya Tuhan mengarahkan ati ikau ka kaseh Allah dant ka katabahan Kristus. ⁶ Haudara-haudara, tika'tok kamek perintahkan ka ikau dalap'm nama Tuhan kitu, Yesus kristus hupaya ikau manjaohkan dirik niti haudara-haudara yankg bamalas-malas dant ndak sehuai wan ajaran yankg ikau tarima niti kamek. ⁷ ikau handirik taok poni ikau harus manaladani kamek karena kamek ndak bamalas-malas katika kamek bahamah ikau. ⁸ Kamek gak ndak makan-makanan urankg laing tampa mbayar inya habaliknya, kamek barusaha dat'n bakreja koras hiang dat'n malam hupaya kamek ndak manjadi beban bagi sopai pun di ntara ikau. ⁹ Ukan karena kamek ndak ompok hak untok mborekkan dirik kamek handirik habagai contoh bagi ikau untok ikau agak'e. ¹⁰ Katika kamek manseh bahamah ikau, pun kamek mborek ikau parintah jika urankg ndak maok bakreja, ndak'amlah iya makan." ¹¹ hebab, kamek mandengar ada babaropai di ntara ikau yang idup bamalas-malas, ndak maok bakreja tatapi hibuk wan hal-hal yankg tak baguna. ¹² Urankg upa yat'n kamek printahkan dat'n kamek nasehat dalapm nama Tuhan yesus kristus untok bakreja wan tenang dat'n makan naseknya handirik. ¹³ Sodangkan ikau haudara-haudaraku, ndak'amlah lomah babuat baik. ¹⁴ Jika ada urankg yankg ndak mantaati opai yankg kamek ncrita dalapm hurat tok tanda'elah urankg tok dat'n ndak bagaol uwaninya hupaya iya manjadi hupan. ¹⁵ Namun, ndak'am palakukan inya habagai musoh, tatapi tegorlah habagai haurang huadara. ¹⁶ Tuhan damai sejahtera kiraknya mborek ikau kadamaian hatiap waktu dat'n dalapm hagala kadaan Tuhan manyrotai ikau hamua. ¹⁷ Aku Paulus, manulis halam tok wan jariku handirik habagai tanda kaaslian huratku. miyanlah aku manulisnya. ¹⁸ Anugerah niti Tuhan kitu Yesus Kristus manyrotai ikau hamua.