¹ Mpa'k bolah sowo mosihan, ko bale'k agi'k kone kota Yerusalem ngan Barnabas dan man Titus ngan ko. ² Ko manu nis suatu pernyataan dan nyok njelas kone balo tentang Injil dik ko beritakan nting antara balo nyo biking Yahudi. Namun, ko ngkodi de woh pertemuan pribadi, koyuh han somu'k ngan balo dik berpengaruh nyok mastikan bahwa oneh dik ko hijo dan dik jeh suwoh ko hijo kae sia - sia. ³ Bahkan, Titus, dik ngan ko, kae harus busunat walaupun de han nyo Yahudi. ⁴ Koyuh to jodi nis ise posik - posik palsu dik monae - monae maso'k dan nyusup nyok honong kebebasan dik de'k mpo so sais Yesus Kristus supayo de'k oduk tuban bale'k kone perbudakan. ⁵ Akan tetapi, me ciceh tunduk kone balo sesaat pun supayo kebenaran Injil totap tapo'k so sais mo. ⁶ Namun, sae balo nyo sesaat pun dik berpengaruh han, dik kedudukan de kae geh penting nyok ko nis Penompo kae membeda - bedakan, balo kae nambah oneh - enoh nyok ko. ⁷ Sebalik de, balo ntile bahwa kone ko jeh dipercaya Injil nyok balo nyo dik kae busunat, supo ngan Petrus dik ni percaya Injil nyok balo nyo busunat. ⁸ Sebab, De dik jeh kijo lalu Petrus nyok njodi Rasul bagi balo nyo biking Yahudi. ⁹ Mosik Yakobus, Petrus, dan Yohanes, ni honong sebagai saka guru bagi jemaat menyadari anugerah dik ni nyilo kone ko, balo nyilo tongan nauh persekutuan kone Barnabas ngan kone ko, supayo me manu kone balo nyo biking Yahudi, sedangkan balo manu kone nyo busunat. ¹⁰ Balo somu'k minto me nyok nginga'k kone balo nyo miskin, gole hal dik ko tode'k semangat perabis ko ngkodi. Paulus ngimpoh ketosak Petrus ¹¹ Akan tetapi, pas Kefas monik kone kota Antiokhia, ko terang - terangan nentang de karna jelas sekali de tosa'k. ¹² Karna sebelum balo nyo tertentu sa kalangan Yakobus monik, Kefas jeh baso do'k samoh ngan balo nyo biking Yahudi. Namun, pas balo monik, de mulai ngunoh dan memisahkan diri nis golo'k kone kelompok nyo dik busunat. ¹³ Balo nyo Yahudi dik biking nyunoe bertindak munafik ngan de, bahkan Barnabas geh terseret nih kemunafikan balo. ¹⁴ Pas ko ntile bahwa balo bertindak kae sejohan ngan kebenaran Injil, maka ko nyono kone Kefas so'k jowi sodo nyo, "Ma mo nyo Yahudi mide'k moh nyo biking Yahudi, mungkeh mo moso nyo biking Yahudi nyok mide'k moh nyo Yahudi?" ¹⁵ De'k han nyo - nyo dik ni lose'k sebagai bangso Yahudi ngan biking balo nya buduso sae bangso biking Yahudi. ¹⁶ Namun, de'k tao'k bahwa kae gole pun ntoyan nibonakan karna ngkodi Hukum Taurat, melainkan lalu iman so'k sais Yesus Kristus. Bahkan, de'k geh jeh cayo kone Yesus Kristus supayo de'k nibonakan nih iman so'k sais Kristus, biking karna ngkodi Hukum Taurat. Sebab, kae gole pun ntoyan nibonakan karna ngkodi Hukum Taurat! ¹⁷ Akan tetapi, sementara de'k berusaha nyok nibonakan so'k sais Kristus, de'k nopa'k diri de'k geh peduso, apakah berarti Kristus han pelayan duso? tentu de kae! ¹⁸ Ma'k ko mongki agi'k oneh dik jeh ko ngancoh, ko membuktikan bahwa ko han nyo pelanggar Hukum. ¹⁹ Sebab, lalu Hukum Taurat, ko jeh kobis nyok Hukum Taurat supayo ko dopa'k mide'k nyok Penompo. ²⁰ Ko jeh ni nyalibkan ngan Kristus. Biking agi'k ko dik mide'k, melainkan Kristus dik mide'k so'k sais ko. Mide'k dik ntoh to ko ngkide so'k sais daging han mide'k nih iman so'k sais Ono'k Penompo, dik ngaseh ko dan jeh nyilo diri-De nyok ko. ²¹ Ko kae membatalkan anugerah Penompo karna ma'k kebenaran monik lalu Hukum Taurat, sia - sialah Kristus kobis!