¹⁰ Sidak bandai ahung ia," Alu, kati baka mata nuan tau ngeliat?" ¹¹ Saut ia," Uhang yang dijenang Yesus ngawai lucak alu di sapu ke mata aku, alu bandai ahung aku," Angkat meh ke Siloam alu bebasuk." Akupun angkat kiak alu ngemasuk mata aku, akupun tau ngeliat agik. ¹² Sidak nanyak ia," Dimena Ia?" Iapun nyaut," Aku nda ketau." ¹³ Sidak ngemaik mensia yang subak butak iyak keahung padak Parisi. ¹⁴ Waktu Yesus nyembuh mata ia pakai lucak, pas ahi Sabat. ¹⁵ Sekali agi padak Parisi nanyak ia kati baka ia tau ngeliat. Ia pun madah sidak," Ia ngulai lucak ke mata aku, alu aku basuk, abis iyak aku tau ngeliat. ¹⁶ Dahi uhang Parisi ada yang bandai," Uhang ituk ukan behasal dahi Allah, kehena Ia nda miaha ahi Sabat." Yang lain bumung," Kati baka uhang bedusa tau ngawai tanda-tanda macam iyak?" Pendapat sidakpun tebelah. ¹⁷ Sidakpun nanyak agik uhang butak iyak," Nuan akan nyebut Ia sebagai apa,kehena Ia mukak mata nuan? Uhang butak iyak pun nyaut,' Ia iyak suhang nabi." ¹⁸ Semplamak ituk uahang Yahudi agik napan pecayak kemensia yang udah lamak butak iyak tau ngeliat, sampai-sampai sidak ningkau uhang tua ia. ¹⁹ Sidak nanyak uhang tua ia," Ituk kah anak nuan yang nuan padah buta sejak ia bisik? Alu kati baka ia tau ngeliat?" ²⁰ Uhang tua anak iyakpun nyaut," Kami ketau ia anak kami, iapun butak dahi ia ada. ²¹ Kati baka pituk ia tau ngeliat, kami nda ketau, sepa mensia yang ngebukak mata ia, kamipun nda ketau. Cuba nanyak ia. Ia udah besah. Ia udah tau ngumung. ²⁸ Sidakpun bihang dengan ia," Nuan muhid Ia, tapi kami muhid-muhid Musa. ²⁹ Kami ketau bahwa Allah udah befirman kuang Musa, tapi kami nda ketau dahi mena yang sutik ituk behasal.