¹ Pas ari pagineh, Yesus angkat bekelilin ke kuto-kuto tamai ke desa-desa ngau ngabar berito inyil Kerajaan Allah. Keduobelas murid ado besamo ngau Neh, ² Piyok gok balo betinok ute udah disemuh Yesus re segalo ruh-ruh ja'i serto bangat macam penyakit. Disentaro sidok yok bisik Maria, te disebut Magdalena, ute dibibas Yesus re tujuh ruh ja'i. ³ Bisik ugok Yohana bini Khuza bendahara Herodes, Susana, serto agik bangat betinok te lainneh. Sidok ngau kekayo dirik ngau ngelayan nukung Yesus. Perumpamo tenta Penabur Benih ⁴ Wakyu ura bangat bekumpul serto ura re kuto datai nguso Yesus, Neh ngumung ngau sidok ngau sebuah perumpamo: ⁵ ''Seura Petani angkat nabur benih, sento neh nabur benih, ado sebagi ute jatuk de tisi jalai lalu de tijak-tijak, serto di makai ulih buro-buro di udaro. ⁶ Sebagi lagik jatuk ke tanah enta bebatu, setelah benih tumuh, benih yok jadi kerin ute endo bisik aik. ⁷ Sebagi te lain jatuk di tengah-tengah belan durik lalu tumuh besamo-samo sampai belan durik ngelilitneh sampai mati. ⁸ Sisok benih te lain jatuk ditanah te subur serto tumuh baek sampai bisik asil seratus kalik lipat pemangatneh.'' Seudah Yesus ngencudah perumpamo yok, Neh pun madah, "Sapo te empu penin'd neh ningo, arus menin'd ngau baek-baek!'' ⁹ Seudah yok, murid-murid Yesus betanyok ngau-Neh apo reti umpamo yok. ¹⁰ Neh lalu nyaut, ngau kitak dipadah resio kerjaan Allah, tapi ngau ura lain di padah ngau caro perumpamo, isok neh sekalik merati, sidok endo mantau, serto sekalik pun menin'd, sidok endo ngerti.'' Yesaya 6:9 Yesus nyelas tenta Perumpamo Benih ¹¹ Tuk em reti perumpamo yok: ''Benih yok neh Firman Allah. ¹² Benih te jatuk di tisi jalai yok neh sidok te menin'd firman Allah. udah yok datai sitan lalu ngamik firman yok re ati sidok isok sidok nusah pecayok serto di selamat. ¹³ Benih te jatuk di darat tanah bebatu yok neh ura-ura te menin'd firman Allah serto nerimok neh ngau sukacito, tapi endo berakar. Sidok pecayok sekejab geno, tapi watu sulit datai, sidok murtat lalu bebalek re Allah. ¹⁴ Benih te jatuk di sentaro belan durik yok neh ura-ura te menin'd firman Allah, tapi sementaro sidok tumuh, sidok dililit ulih raso gaduh, kekayo serto penyaman idup sampai sidok endo ngasil buah te mansak. ¹⁵ Seda benih te jatuk ditanah te subur yok neh ura-ura te menin'd firman Allah lalu naruhneh dalam ati te jujur, baek. serto bebuah enta ketekunneh.'' Perati Sinar Nuan ¹⁶ Endo bisik seura ngidup pelito, lalu nutup neh ngau imer atau naruhneh dibaruh penidur. tapi sebalek, nen tentu ngeletak pelito yok ke darat penudok pelito, isok ura te tamok ke dalam dangau tauk merati cahayaneh. ¹⁷ Sebab, endo bisik hal te betapok ute endo di padah, serto endo bisik resio ute endo di keluar serto di ba'i nguso ute dangkar. ¹⁸ ute piyok, perati benar upoketi kitak menin'd ute sapo te ngempu tentu diberik lebih bangat lagik. Tapi, sapo te endo bisik, ute re neh tentu diamik, lebih apo te dikiro empu dirikneh.'' Menyanak Yesus te sebenarneh ¹⁹ Inai tamai balo menyadik Yesus datai betemu ngau-Neh, tapi sidok endo tauk nyemak-Neh ute bangat ura. ²⁰ Lalu, bisik ura te madah ngau-Neh, ''Inai tamai balo menyadik-Nuan bisik nunguk diluar, sidok kok betemu ngau-Nuan.'' ²¹ Tapi, Yesus nyaut sidok, "Inai-Aku tamai balo menyadik-Aku yok neh sidok te menin'd firman Allah serto ngelakuneh.'' Yesus Ngeredo Angin Ribut ²² Pas suatu ari, Yesus naek ke dalam perau besamo ngau balo murid-Neh lalu Yesus bepadah ngau sidok, ''Buh kito nyebera ke tisi danau sebera in." Lalu, angkat em sidok ke sebera. ²³ Tengah sidok belayar, Yesus te tidor. Lalu datai angin ribut ke danau yok lalu perau sidok pun tamok aik sampai sidok ampir kok karam. ²⁴ udah yok, datai balo murid nguso Yesus serto ngerak-Neh samil madah, ''Guru! Guru! kito ampir tengelam!'' Lalu, Yesus pun angkat serto nyuruh angin ribut tamai geluma aik yok nugau. Angin ribut pun redo serto danau yok pun jadi tenang. ²⁵ Lalu, Jekuk-Neh ngau sidok, "Enta ni iman kitak?'' Sidok jadi takut serto iran samil ngumung seura ngau te lain, ''Sapo sebenar Ura tuk? sampai Neh merik perintah ngau angin tamai aik, lalu sidok pun patuh ngau-Neh.'' Roh ja'i di usir re ura Gerasa ²⁶ Lalu sampai Yesus tamai balo murid-Neh enta aro ura Gerasa, di sebera Galilea. ²⁷ Udah yok Yesus keluar re perau, lalu naek kedarat, Neh betemu ngau seura lelaki re kuto yok te di rasuk sitan. Ura yok udah lamah endo suah bebaju serto penugau neh endo di dangau, tapi aro kubur. ²⁸ Wakyu ura yok mantau Yesus, neh pun mangkas lalu sujud di muo-Neh. Ngau ingan te nyarin neh madah, ''Apo urusan Nuan ngau aku, hui Yesus, Anak Allah te mahatingik? aku muhun ngau-Nuan, nusah nyikso aku!'' ²⁹ Utan yok tejadi ute Yesus nyuruh roh ja'i yok keluar re ura yok.sitan yok rajin ngemaik ngunan ura yok sampai neh pun di rantai, serto di lengu, piyok di jago ura, tapi neh tauk mutus ke rantai lalu di ba'i sitan ke aro te sunyik. ³⁰ Udah yok Yesus betanyok ngau ura yok, "Sapo damo ikam?" saut ura yok, "Legion,'' ute bangat sitan te ngerasukneh. ³¹ Balo sitan yok mintok muhun ngau Yesus isok Neh nusah nyuruh sidok tamok ke jura maut. ³² enta aro yok, bisik seperinuk besai babi tengah ngegok pemakai di bukit. Balo sitan yok mintok ngau Yesus, isok sidok tamok ke dalam babi yok. lalu Yesus pun ngabul apo pemintok sidok. ³³ Lalu, balo sitan tok pansut re ura yok lalu tamok kedalam babi-babi, udah yok babi-babi pun lari nurun peririn bukit nuju ke danau lalu mati tengelam. ³⁴ Waktu balo pengkidup babi yok mantau, sidok bededas ngelari kedirik lalu begisah utan te udah tejadi di kuto tamai di kampo te semak yok. ³⁵ Lalu, ura bangat pun datai merati apo utan te udah tejadi. Sidok datai nguso Yesus serto betemu ngau ura te udah di bibas re sitan yok, neh tengah duduk disemak kaki Yesus, udah ngau baju, piyok pemikirnen udah baek. Semuo hal yok nyuruh sidok jadi takut. ³⁶ Sidok te mantau kejadian tuk begisah ngau ura lain upoketi ura te dirasuk sitan yok tauk semuh. ³⁷ Semuo ura te nugau di daerah tesemak Gerasa memintok ngau Yesus nudi ke sidok, ute sidok sangat takut. Kebok em piyok Yesus pun naek ke perau lalu bekalih ke Galilea. ³⁸ Tapi, ura te udah dirasuk sitan yok mintok ngau Yesus isok neh tauk besamo ngau Yesus. Tapi, Yesus nyuruhneh angkat, jekuk-Neh, ³⁹ ''Pulaikin ke rumah ikam serto gisah apo utan te udah tejadi te udah Allah pempulah ngau ikam.'' Ura yok pun angkat ngelilin ke seluruh ujo kuto serto begisah apo utan te udah Yesus pulah ngauneh. Yesus ngidup ke anak Yairus tamai nyemuh seura betinok te nyeput jubah-Neh ⁴⁰ Sentoneh Yesus bekalih ke Galilea, Ura bangat nyamut penatai-Neh ute udah lamah sidok nunguk-Neh. ⁴¹ Diok bisik seura te bedamo Yairus te datai nguso-Neh, neh yok seura kepalo rumah ibadah. Samil sujud nyemah dikaki Yesus, Yairus muhun isok Neh tauk datai ke dangauneh. ⁴² Ute neh ngempu seura betinok geno te kiro-kiro umur duo belas taun, serto nebiak yok ampir mati. Waktu Yesus nuju kin, ura bangat bedesak-desak te ngelilin-Neh. ⁴³ Diok pun bisik seura betinok te udah ngidap pemedih pendarahan selamah duo belas taun, endo bisik seura pun tauk nyemuh ke neh. ⁴⁴ Betinok yok nyemak Yesus re belaka lalu nyeput ujo jubah-Neh, lalu sekelin yok gok pendarahan neh betegok ⁴⁵ Lalu, Yesus ngumung, ''sapo te nyeput jubah-Aku?'' Semuo ura pun nyangkal, lalu petrus pun ngumung, ''Guru, ura bangat bekumpul ngelilin-Nuan serto bedesak-desak ngau-Nuan!'' ⁴⁶ Tapi, jekuk Yesus, ''Bisik seura udah nyentuh nyeput-Aku ute Aku ngeraso ado kuaso te keluar re dirik-Aku.'' ⁴⁷ Waktu betinok yok merati ute neh endo tauk napok ke dirik, pempulah neh kenok ketauk neh datai nguso Yesus caro begetar lalu sujud di muo-Neh. Di muo ura bangat, neh begisah ngapo neh nyentuh Yesus, serto sekelin yok gok neh jadi semuh. ⁴⁸ udah yok pun yesus madah ngau neh, Hui anak-Ku, iman nuan udah nyelamat ke nuan. Angkatkin dalam damai sejahtero. ⁴⁹ Tengah Yesus lagik becakap, datai menyanak re dangau kepalo rumah ibadah lalu ngumung ngau Yairus, "Anak nuan udah mati, nusah lagik nyusah ke Guru.'' ⁵⁰ Tapi, Yesus menin'd hal yok, lalu ngumung ngau Yairus, "Nusah takut, pecayok geno anak nuan tentu selamat.'' ⁵¹ Waktu Yesus sampai di dangau Yairus, Neh nidah seura pun endo tauk tamok bereto ngau-Neh selain Petrus, Yohanes, Yakubus, serto apai tamai inai nebiak yok. ⁵² Semuo ura nangis serto ngenang ke nebiak betinok yok, tapi Yesus madah, ''Nusah nangis, neh endo mati tapi tidur.'' ⁵³ Ura bangat yok pun ketawok ke-Neh ute sidok ketauk nebiak betinok yok udah mati. ⁵⁴ Lalu Yesus megai jari lengan nebiak yok serto ngumaineh, "Hui nak, angkatlah." ⁵⁵ lalu, bekalih roh nebiak yok serto sekelin yok gok neh bediri. lalu Yesus nyuruh sidok merik nebiak yok makai. ⁵⁶ Keduo ura tuo nebiak yok iran, tapi Yesus nidah sidok madah ngau sapo pun apo te udah tejadi.